SAN MATEO 11:17 - Chatino Tataltepec

¹⁷ “¿Ni cha' ná ntyaja'a̱ ma̱ cula quiya' ma̱? Na nclya'a ya xi ji̱i̱ cha' ji'i̱ ma̱”, nacui̱ nu sube bi'. “¿Ni cha' ná ntyaja'a̱ ma̱ ca xñi'i̱ ti' ma̱ lo'o cua? Na nclya'a ya marcha, na nxi'ya ya nga'a̱ ya.” La cui' jua'a̱ ndyu'ni cu'ma̱ ñati̱ chalyuu juani; xcui' na taja ti' ma̱, ná tso'o ntsu'u tyiquee ma̱ tsiya' ti ña'a̱ ma̱ ji'i̱ tya'a ñati̱ ma̱.

SAN MATEO 11:17 Referans Kwoze

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN MATEO 9:23

Lo'o li' ndyalaa Jesús ca to' tyi nu laca loo bi', na'a̱ cha' cua ndyalaa ngu' musca slo cha' nscua santo; nxi'ya tsa ngu' ndi'i̱ ngu' toni'i̱ ji'i̱ nu cusu' bi'.

SAN LUCAS 15:25

’Jua'a̱ ndyaca cha' lo'o ndyalaa sñi' nu cua cusu' la, ndyalaa yu ndyaa yu cña. Cua tyalaa ti yu toni'i̱ ji'i̱ yu, lo'o ndyuna yu nclya'á ngu' musca, cha' cua laca ndyaca ji̱i̱ lo'o ndyalaa yu.

SAN MATEO 11:16

’Ná tso'o tsiya' ti ñi'ya̱ nu ndu'ni ñati̱ chalyuu tyempo juani. Ndu'ni ngu' ñi'ya̱ si laca ngu' nu sube nu ndya'a̱ ndijya ti cla'be quichi̱, nu taja ti' ji'i̱ tya'a ndijya ngu' cha' ná nti' ngu' quijya ngu' lo'o tya'a ngu'. Bi' cha' nxi'ya ngu' ji'i̱ tya'a ngu':

SAN MATEO 11:18

Nu lo'o ñaa Juan bi' ni, ntsu'u quiña'a̱ tsa na nu ná ndacu yu, nu ná ndyi'yu yu. Lo'o li' nchcui' ma̱ ji'i̱ yu: “Ntsu'u cui'i̱ xña'a̱ ji'i̱ yu, bi' cha' ndu'ni yu jua'a̱”, nacui̱ ma̱.

SAN LUCAS 7:32

Ñi'ya̱ ndu'ni nu sube nu ndya'a̱ ndijya ti cla'be quichi̱, jua'a̱ ndu'ni ñati̱ chalyuu juani. Taja ti' nu sube ji'i̱ tya'a quijya ngu', cha' ná nti' tya'a ngu' quijya la lo'o ngu' bi'. Li' nxi'ya nu sube ji'i̱ tya'a ngu': “¿Ni cha' ná ntaja'a̱ ma̱ cula quiya' ma̱? Na nclya'á ya xi ji̱i̱ cha' ji'i̱ ma̱”, nacui̱ nu sube. “¿Ni cha' ná ntaja'a̱ ma̱ ca xñi'i̱ ti' ma̱ lo'o cua? Na nclya'á ya marcha, na nxi'ya ya nga'a̱ ya.” Lo'o cu'ma̱ ni ―nacui̱ Jesús―, la cui' jua'a̱ ndyu'ni cu'ma̱ ñati̱ chalyuu juani; xcui' na taja ti' ma̱, cha' ná tso'o ntsu'u tyiquee ma̱ tsiya' ti ña'a̱ ma̱ ji'i̱ tya'a ñati̱ ma̱.

SAN LUCAS 8:52

Nxi'ya tsa xi xa' la ngu' ndi'i̱ ngu' nde liya' xqui'ya cha' ngujuii nu cuna'a̱ piti bi'. Li' nchcui' Jesús lo'o ngu' bi': ―Ná xi'ya ma̱ ―nacui̱―. Si'i na ngujuii nu quicha re, na laja' ti re ―nacui̱ Jesús ji'i̱ ngu'.

SAN LUCAS 23:27

Quiña'a̱ tsa ñati̱ lca'a̱ ngu' ji'i̱ Jesús ndyaa. Jua'a̱ ndya'a̱ quiña'a̱ tsa nu cuna'a̱, ndyunaa tsa ngu'; cui̱i̱ tsa nxi'ya ngu' cha' tiji̱' tsa ti' ngu' ji'i̱ Jesús.