SAN MATEO 11:11 - Chatino Tataltepec

¹¹ Cha' liñi nchcui' na' lo'o ma̱ ji'i̱ Juan nu ntyucuatya ji'i̱ ngu', cha' bilya cala sca ñati̱ chalyuu nu jua'a̱ ntsu'u cña tlyu la ji'i̱, ñi'ya̱ nu ngua ji'i̱ Juan bi'. Pana cua lijya̱ na' cha' caca na' loo ne' cresiya ji'i̱ ñati̱; juani cua ña'a̱ ca ñati̱ nu ngusñi cha' 'na, tlyu la cha' ntsu'u ji'i̱ ngu' bi' que Juan, masi ti'i ti ngu', masi cuañi' ngu'.

SAN MATEO 11:11 Referans Kwoze

SAN LUCAS 7:28

Tya nchcui' la Jesús lo'o ngu' li': ―Cha' liñi nchcui' na' lo'o ma̱ ji'i̱ Juan nu ntyucuatya ji'i̱ ngu', cha' bilya cala sca ñati̱ chalyuu nu jua'a̱ tlyu tsa cña nu ntsu'u ji'i̱, ñi'ya̱ nu laca ji'i̱ Juan bi'. Pana cua lijya̱ na' cha' caca na' loo ji'i̱ ñati̱, lo'o juani cua ña'a̱ ca ñati̱ nu jlya ti' 'na, tlyu la cha' nu ntsu'u ji'i̱ ngu' bi' que Juan, masi ti'i ti ngu', masi cuañi' ngu' ―nacui̱ Jesús.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

SAN JUAN 1:15

Nde laca cha' nu nchcui' Juan cha' ji'i̱ nu Jesús bi'. Cui̱i̱ nchcui' Juan li': ―Nu nde laca nu qui'yu nu ni na' ji'i̱ ma̱ cha' tyu'u tucua tiya' la nde chalyuu ―nacui̱ Juan―, masi tlyu la cha' ntsu'u ji'i̱ ycui' yu que na'. Jua'a̱ ni na' ji'i̱ ma̱, cha' nu lo'o bilya cala na' cua lu'ú ycui' yu.

SAN MATEO 5:19

Bi' cha' juani, nga'aa ta Ni su tyi'i̱ ñati̱ slo ycui' Ni si ná taquiya' ngu' ji'i̱ cua ña'a̱ ca cña̱ nu nda ycui' Ni ji'i̱ ngu' cha' cua'ni ngu', si culu'u ngu' ji'i̱ tya'a ñati̱ ngu' cha' nga'aa ntsu'u cha' taquiya' ngu' ji'i̱ cña bi'. Lo'o jua'a̱ ta Ni su tyi'i̱ ñati̱ ca slo ycui' Ni si taquiya' ngu' ji'i̱ lcaa cña bi', si culu'u ngu' cña bi' ji'i̱ tya'a ñati̱ ngu'.

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

SAN LUCAS 9:48

Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.

1 PEDRO 1:10

Nu jyo'o cusu' nu ngua tu'ba ji'i̱ ycui' Ndyosi sa'ni la ni, nchcui' tsa jyo'o cusu' bi' ji'i̱ cha' tso'o nu cua'ni ycui' Ndyosi nde loo la, cha' cua'ni lyaá Ni ji'i̱ ñati̱ tya'a ndi'i̱ na chalyuu; xcui' cuentya ji'i̱ ycui' Ndyosi nchcui' ngu' cha' bi', pana ná ngua cuayá' tso'o ti' ycui' ca ngu' bi' ñi'ya̱ nu cua'ni ycui' Ndyosi cha' caca nde loo la, ni jacua' cua'ni Ni cha' bi'.

HEBREOS 11:40

xqui'ya cha' tso'o la cha' nu ngua'ya hique ycui' Ni ñi'ya̱ cua'ni Ni lo'o lcaa tya'a na juani, cha' lo'o cuentya ji'na ngulacua ti' Ni. Ngua ti' Ni cha' caca na ñati̱ nu tyucui tyiquee na stu'ba ti lo'o ngu' bi', lcaa na lo'o jyo'o cusu' bi' caca na ñi'ya̱ nu ngua ti' Ni cha' caca na li'.

1 CORINTIOS 15:9

Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo.

1 CORINTIOS 6:4

Lo'o ndyaca sca cha' cusu̱u̱ ji'i̱ ma̱ lo'o tya'a ma̱, ná tso'o tsaa lo'o ma̱ ji'i̱ tya'a ma̱ cha' caca cuayá' ji'i̱ ma̱ slo xa' ñati̱ nu ná stu'ba cha' ji'i̱ lo'o tya'a ngusñi ma̱ cha' ji'i̱ Jesús.

SAN JUAN 10:41

Li' nacui̱ ngu' ji'i̱ tya'a ngu': ―Ná ngua'ni Juan ni sca cña tonu cha' cube ti' na ji'i̱. Pana liñi tsa ndyu'u lcaa cha' nu nchcui' nu Juan bi' tya tsubi' la cuentya ji'i̱ nu qui'yu re.

SAN JUAN 3:30

Lo'o jua'a̱ caca tlyu la ycui' yu, sube la nscua cha' caca na' li'.

SAN JUAN 5:35

Nu Juan ni ―nacui̱ Jesús li'―, nda yu cha' jna' lo'o ngu' ñi'ya̱ si laca yu sca xee nu ndubi tsa, nu nda xee tyi'i̱ ca chu̱' su ndi'i̱ yu bi'. Lo'o jua'a̱ tso'o xi ngua ti' ma̱ lo'o nchcui' Juan lo'o ma̱ li' ―nacui̱―.

SAN JUAN 1:27

Tso'o tsa cña ngujui 'na nti' na' ―nacui̱―, masi caña nu ntsu'u quiya' ñati̱ bi' sati̱' na' juata.

SAN JUAN 7:39

Cua nti' Jesús chcui' lo'o ngu' cha' cua ta ti Ni Xtyi'i ycui' Ni cha' tyanu ne' cresiya ji'i̱ ñati̱ nu cua ngusñi cha' ji'i̱ ycui' Ni, bi' cha' nacui̱ yu jua'a̱. Bilya ta ycui' Ndyosi Xtyi'i ycui' Ni ca̱a̱ nde chalyuu, xqui'ya cha' bilya tyaa Jesús ca su tlyu su ntucua ycui' Ndyosi Sti yu.

EFESIOS 2:3

Ca ta'a na ni, chañi cha' ñi'ya̱ nu ndaquiya' ngu' bi' ji'i̱ nu cuxi, jua'a̱ ngua'ni na tya tsubi' la; ngua'ni na cua ña'a̱ ca cha' cuxi nu ndijña ti' cresiya ji'na. Na laca nu ngua ti' ycui' ca na cha' cua'ni na, ngua'ni na ji'i̱ li'; cua ña'a̱ ca cha' cuxi nu ngua'ya hique ti na, ngua'ni na cha' bi'. Bi' cha' ndyanu cha' xcube' ycui' Ndyosi ji'na, cha' ñasi̱' tsa Ni xqui'ya cha' cuxi nu ngua'ni na lo'o Ni; stu'ba ti xcube' Ni ji'na lo'o cua ña'a̱ ca ñati̱ chalyuu li'.

2 TIMOTEO 1:10

Cua nchca cuayá' ti' na cha' bi' juani, xqui'ya cha' cua ya̱a̱ Jesucristo chalyuu, cha' bi' laca nu ngua'ni lyaá ji'na; ntiji̱loo Jesús tsiya' ti ji'i̱ nu xña'a̱ nu lo'o ndyu'ú yu chaca quiya' lo'o cua ngujuii yu, bi' cha' ná nga'a̱ cha' tye chalyuu ji'i̱ lcaa na nu xñi na cha' ji'i̱ Ni, cha' ngua'ni lyaá Jesús ji'na.

SAN LUCAS 1:15

cha' nu bi' caca sca ñati̱ tlyu nde loo ycui' Ndyosi. Ná co'o Juan bi' lcui ngatsi, lo'o jua'a̱ ni sca lo lcui ná co'o yu. Tya hora nu cala yu, li' tyanu Xtyi'i ycui' Ndyosi ne' cresiya ji'i̱ yu.

SAN MATEO 3:1

Lo'o ngua tyempo, li' nguxana Juan nda yu cui̱i̱ lo'o ngu' nu ndya'a̱ slo yu su ndi'i̱ yu ycui' ti yu ne' quixi̱'; ntyucuatya yu ji'i̱ ngu' li'. La cui' loyuu su cuentya Judea ndi'i̱ yu; pana btyi tsa yuu su ndi'i̱ Juan, ndi'i̱ tsa quee, lo'o ná ndi'i̱ xa' ñati̱ cajua.

SAN MATEO 11:10

Ndi'ya̱ nguscua jyo'o cusu' cua sa'ni la cha' ji'i̱ cña nu ntsu'u ji'i̱ Juan: Culo na' cña ji'i̱ sca msu 'na cha' tsaa yu nde loo nu'u̱, cha' saala yu tyucui̱i̱ su ca̱a̱ nu'u̱. Jua'a̱ nchcui' ycui' Ni ji'i̱ Cristo.

SAN MATEO 11:12

’Tya lo'o lijya̱ Juan bi' tya clyo hasta juani quiña'a̱ tsa cha' nchcui' ngu', cha' nti' tsa ngu' cha' caca ycui' Ndyosi loo ji'i̱ ñati̱. Lo'o jua'a̱ ntsu'u tsa ngu' nu lye tsa ndu'ni juersa cha' tyalaa ngu' slo ycui' Ndyosi jua'a̱ ti.