SAN MATEO 10:42 - Chatino Tataltepec

⁴² Lo'o jua'a̱, si ta ñati̱ masi sca sca' ti hitya co'o ngu' cuañi' re xqui'ya cha' ngu' nu ndyaca tsa'a̱ 'na laca ngu', chañi cha' cua nguxco'o ycui' Ndyosi sca cha' tso'o nu tyacua ji'i̱ ñati̱ bi' nde loo la.

SAN MATEO 10:42 Referans Kwoze

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

SAN LUCAS 17:2

Tso'o la si tsaa ngu' xcua̱a̱ ngu' ji'i̱ yu lo tyujo'o lo'o sca quee quichi tyaaca̱' yane yu, cha' nga'aa caja ñi'ya̱ nu tatsaa yu ji'i̱ ni sca ñati̱ ñi'ya̱ nti' nu sube re, cha' cua'ni ngu' cha' cuxi lo'o yu.

SAN MATEO 18:14

Ñi'ya̱ nu ndu'ni nu xu'na xlya' bi', cha' ná chcuna' ni sca xlya' ji'i̱ yu, la cui' jua'a̱ ndu'ni ycui' Ndyosi Sti ma̱ nu ntucua nde cua̱, cha' ná nti' Ni cha' chcuna' chalyuu ji'i̱ ni tsaca ñati̱ xqui'ya cha' cuxi nu ntsu'u ji'i̱. Ná nti' ycui' Ni tsiya' ti cha' tye cha' ji'i̱ ngu', masi sube tsa ngu' nti' ma̱.