SAN MATEO 10:37 - Chatino Tataltepec

³⁷ ’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.

SAN MATEO 10:37 Referans Kwoze

SAN LUCAS 14:26

―¿Ha nti' ma̱ tya'a̱ ma̱ lo'o na'? Ná caca ji'i̱ ma̱ xñi ma̱ cha' jna' si lye la ntsu'u tyiquee ma̱ ji'i̱ sti ma̱, masi ji'i̱ xtya'a̱ ma̱, masi ji'i̱ clyo'o ma̱, masi ji'i̱ sñi' ma̱, masi ji'i̱ tya'a ngula ma̱ masi qui'yu masi cuna'a̱; masi lye la ntsu'u tyiquee ma̱ ji'i̱ ycui' ca ti ma̱ cha' ña'a̱si̱i̱ ma̱ ji'i̱ ycui' ca ma̱, ná taca caca ma̱ ñati̱ jna' jua'a̱.

SAN MATEO 22:37

Li' nguxacui̱ Jesús cha' ji'i̱ yu bi': ―“Ntsu'u cha' tyucui tyiquee ma̱ tyu'u cha' ji'i̱ ma̱ lo'o ycui' Ndyosi; nu lo'o lubii ti cresiya ji'i̱ ma̱, jua'a̱ lo'o lcaa cha' nu nda'ya hique ma̱, tyu'u cha' ji'i̱ ma̱ lo'o Ni”.

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

SAN MATEO 22:8

Li' nchcui' rey lo'o msu ji'i̱ chaca quiya': “Cua ngua'ni cho'o na' scuaa cha' caca ta'a ngujui clyo'o sñi' na'”, nacui̱ rey bi'. “Pana nu ngu' nu cua nchcui' na' lo'o tsa̱ cha' ca̱a̱ ngu' ta'a ca slo na', ná ntaja'a̱ ngu' bi' ca̱a̱, bi' cha' ná cacu ngu' bi' scuaa tso'o nu ntsu'u 'na tsiya' ti.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN LUCAS 20:35

Pana ñati̱ nu caja chaca chalyuu nu ná nga'a̱ cha' tye ji'i̱ ngu' ca slo ycui' Ndyosi ni, nu lo'o tyu'ú ngu' bi' chaca quiya', nga'aa caja clyo'o ngu', ni nga'aa ta ngu' ji'i̱ sñi' ngu' cha' caca clyo'o ngu',

APOCALIPSIS 3:4

Masi jua'a̱ jlo ti' na' cha' tya ntsu'u xi ñati̱ nu tso'o tsa ngusñi cha' jna' nde Sardis bi', nu lubii cresiya ji'i̱ ngu'. Nu xa' la ngu' tya'a ndyu'u ti'i̱ ma̱ ni, cua ngui'i̱ tsa ngu' ndyu'ni ngu' cha' cuxi; pana ngati̱ tsa late' caja ji'i̱ ñati̱ nu tya nxñi cha' jna', tya'a̱ ngu' bi' lo'o na', nacui̱ Ni. Ndacui cha' caca jua'a̱ ji'i̱ ngu' bi',