SAN MATEO 10:3 - Chatino Tataltepec

³ lo'o jua'a̱ ngusubi yu ji'i̱ Felipe, lo'o ji'i̱ Bartolomé, lo'o ji'i̱ Tomás, lo'o ji'i̱ Mateo nu ngusñi cñi cña loo ngu' clyo; lo'o jua'a̱ ngusubi yu ji'i̱ Jacobo sñi' Alfeo, lo'o ji'i̱ Lebeo nu lo'o ndu'ni ngu' Tadeo ji'i̱;

SAN MATEO 10:3 Referans Kwoze

LOS HECHOS 1:13

Yala ti ndyalaa ngu' quichi̱ bi', li' ndyaa ngu' ni'i̱ tucua ba'a su ndi'i̱ ngu': ndyaa Pedro, lo'o Jacobo, lo'o Juan, lo'o Andrés, lo'o Felipe, lo'o Tomás, lo'o Bartolomé, lo'o Mateo, lo'o chaca Jacobo sñi' Alfeo, lo'o Simón nu ngua sca ngu' ji'i̱ taju cananista, lo'o Judas tya'a Jacobo.

SAN MARCOS 3:18

lo'o jua'a̱ ngusubi yu ji'i̱ Andrés, lo'o ji'i̱ Felipe, lo'o ji'i̱ Bartolomé, lo'o ji'i̱ Mateo, lo'o ji'i̱ Tomás, lo'o ji'i̱ xa' Jacobo sñi' Alfeo, lo'o ji'i̱ Tadeo, lo'o ji'i̱ xa' Simón nu ntsu'u cha' ji'i̱ lo'o ngu' cananista;

SAN MARCOS 2:14

Laja lo'o ndya'a̱ ti Jesús, li' nteje tacui yu to' ni'i̱ su ntucua Leví sñi' Alfeo nu nxñi cñi cña loo ngu' cuentya ji'i̱ ngu' xa' tsu' nu laca loo. ―Tsaa nu'u̱ lo'o na' ―nacui̱ Jesús ji'i̱ nu Leví bi'. Lo'o li' hora ti ndyatu̱ Leví nguxana yu ndya'a̱ yu lo'o Jesús.

SAN MATEO 9:9

Ndu'u Jesús ndyaa, lo'o li' cua tyeje tacui ti to' ni'i̱ su ntucua Mateo nxñi cñi cña loo ngu'. Nchcui' Jesús lo'o nu Mateo bi' li': ―Tyu'u lca'a̱ nu'u̱ 'na ―nacui̱ Jesús ji'i̱. Hora ti ndyatu̱ Mateo, nguxtyanu cña ji'i̱, ndyaa lca'a̱ ji'i̱ Jesús li'.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

SAN JUAN 11:16

Li' nchcui' Tomás nu Culaca' lo'o tya'a ndyaca tsa'a̱ ji'i̱ Jesús: ―Tyaa na lo'o nu cusu' lacua, cha' stu'ba ti cajaa na lo'o ―nacui̱ Tomás.

JUDAS 1:1

Judas naa na', la cui' tya'a Jacobo; cña laca na' cuentya ji'i̱ Jesucristo. Nscua na' quityi re cha' tsaa ca slo lcaa cu'ma̱ nu ndaquiya' ma̱ ji'i̱ ycui' Ndyosi Sti na, cha' cua ngusubi Ni ji'i̱ ma̱. Ycui' Ndyosi laca nu ngua'ni lubii ji'i̱ cresiya ji'i̱ ma̱, lo'o ña'a̱ ti tya cña'a̱si̱i̱ Ni ji'i̱ ma̱ juani xqui'ya Jesucristo.

SANTIAGO 1:1

Santiago laca na' nu nscua̱ quityi re cha' ca̱a̱ ca su ndi'i̱ cu'ma̱, ñati̱ ji'i̱ ycui' Ndyosi nu ndyaa ma̱ tyucui ña'a̱ chalyuu. Cña laca na' cuentya ji'i̱ ycui' Ndyosi, la cui' jua'a̱ laca na' cña ji'i̱ Jesucristo nu Xu'na na. Cua nti' na' chcui' na' xlyo ni'i̱ lo'o lcaa ma̱ lo'o tya'a ma̱.

GÁLATAS 2:9

Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.

GÁLATAS 1:19

Ná na'a̱ na' ji'i̱ xa' tya'a ngu' nu ngua tsa'a̱ ji'i̱ Cristo tya clyo ca bi'; sca ti yu Jacobo tya'a Jesús nu Xu'na na, bi' nu cua na'a̱ na' ji'i̱.

LOS HECHOS 21:18

Nguxee chaca tsa̱ ndyaa Pablo lo'o ya ca slo Jacobo. Cajua ndyu'u ti'i̱ lcaa ngu' cusu' ji'i̱ ngu' tya'a ngusñi na cha' ji'i̱ Jesucristo quichi̱ bi'.

LOS HECHOS 12:17

Ngua'ni ya' yu ji'i̱ ngu' li', cha' ca ti̱ ti ngu'. Ndacha' yu ji'i̱ ngu' ñi'ya̱ ngua lo'o ngua'ni ycui' Ndyosi nu Xu'na na cha' tso'o cha' ngulo Ni ji'i̱ yu ne' chcua̱. ―Chcui' ma̱ lo'o Jacobo lo'o lcaa ngu' tya'a ndya'a̱ na ―nacui̱ Pedro ji'i̱ ngu'―, ta ma̱ cha' lo'o ngu' ñi'ya̱ nu ngua'ni ycui' Ni lo'o na' lo'o ngulo Ni 'na ne' chcua̱. Ndu'u yu ni'i̱ ndyaa yu xa' se'i̱ li'.

SAN LUCAS 5:27

Ca tiya' la lo'o ndyaa Jesús xi lquichi̱, li' na'a̱ yu ji'i̱ sca ñati̱ ca su ntucua yu nclyo yu cñi cña loo ngu'; Leví naa nu qui'yu bi'. Cña laca yu cha' culo yu cñi ji'i̱ ñati̱ cuentya ji'i̱ ngu' xa' tsu'. Li' nacui̱ Jesús ji'i̱ yu: ―Tya̱a̱ lca'a̱ nu'u̱ jna' ―nacui̱.

LOS HECHOS 15:13

Lo'o ndye nda Bernabé lo'o Pablo cha' lo'o ngu', li' nchcui' Jacobo lo'o lcaa ngu' bi': ―Cu'ma̱ tya'a ngusñi na cha' ji'i̱ Jesucristo ―nacui̱ Jacobo ji'i̱ ngu'―, cua'a̱ jyaca̱ ma̱ xi 'na.

SAN JUAN 14:22

Li' nchcui' nu chaca Judas bi', si'i nu naa Judas Iscariote: ―Nu lo'o nacui̱ nu'u̱ cha' culu'u nu'u̱ ñi'ya̱ nu laca ycui' ca nu'u̱ ji'i̱ cuare ti, ná lo'o ji'i̱ xa' ñati̱, ¿ñi'ya̱ ta nti' nu'u̱, Xu'na? ―nacui̱ nu Judas bi' ji'i̱ Jesús.

SAN JUAN 14:9

―Felipe ―nacui̱ Jesús ji'i̱―, cua tyu̱u̱ tsa tsa̱ ndi'i̱ na' lo'o cu'ma̱, ¿ha tya lyiji tyuloo ma̱ jna'? ―nacui̱―. Cua na'a̱ ma̱ 'na, bi' cha' jua'a̱ ji'i̱ Sti na' cua na'a̱ ma̱ li'. ¿Na laca nti' nu'u̱ lo'o ndi'ya̱ nchcui' nu'u̱ lo'o na': Culu'u nu'u̱ ji'i̱ Sti nu'u̱ ji'i̱ ya? ―nacui̱ Jesús ji'i̱ Felipe―.

SAN MATEO 27:56

lo'o María Magdalena, lo'o María xtya'a̱ Jacobo xtya'a̱ José, lo'o jua'a̱ xtya'a̱ sñi' Zebedeo, na'a̱ ngu' bi' ñi'ya̱ ngua ji'i̱ Jesús.

SAN MATEO 18:17

Lo'o li', si ná tyaja'a̱ ngu' tya'a ma̱ bi' taquiya' ngu' tsiya' ti ji'i̱ tucua sna tya'a ma̱, li' cacha' ma̱ cha' bi' ji'i̱ taju ñati̱ ji'i̱ cu'ma̱, nu stu'ba ndu'ni tlyu ma̱ ji'i̱ ycui' Ndyosi. Lo'o li' si ña'a̱ ti ná tyaja'a̱ nu ngu' tya'a ma̱ bi' taquiya' ngu' ji'i̱ cha' nu nchcui' ca ta'a taju tya'a ma̱ lo'o ngu', li' nga'aa cua'ni tya'a ma̱ lo'o ngu' bi' lacua. Ñi'ya̱ si cua laca ngu' ñati̱ nu ná ntsu'u cha' ji'i̱ lo'o ycui' Ndyosi tsiya' ti, ñi'ya̱ si laca ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, jua'a̱ cua'ni ma̱ lo'o ngu' bi' li'.

SAN MARCOS 15:40

Laja li' tyijyu' ti ndu̱ sca taju ngu' cuna'a̱ ña'a̱ cui'ya ngu' ji'i̱ Jesús; lo'o María Magdalena, lo'o chaca María xtya'a̱ Jacobo nu cuañi' la, la cui' xtya'a̱ José laca bi', lo'o Salomé ndu̱.

SAN LUCAS 18:10

―Tucua tya'a ñati̱ ndyaa ne' laa tlyu cha' chcui' ngu' lo'o ycui' Ndyosi. Tsaca ngu' bi' laca ngu' fariseo nu tacati tsa ndu'ni ycui' ngu', nti' ngu'; chaca ngu' laca sca ngu' cuxi nu nclyo cñi cña loo ngu' cuentya ji'i̱ ngu' xa' tsu'.

SAN LUCAS 18:11

Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.

SAN LUCAS 18:13

Pana nu qui'yu nu nclyo cñi cña loo ngu' ni, tyijyu' ti ndyatu̱ yu; ná ntsu'u tyiquee yu cha' sicua̱a̱ yu xi cloo yu nde cua̱, cha' xñi'i̱ tsa ti' yu ndu̱ yu ndyu'u̱ ti yu tyiquee yu laja lo'o nchcui' yu lo'o ycui' Ndyosi: “Cua'ni tya'na ti' nu'u̱ jna', Ndyosi Sti na', cha' ntsu'u tsa qui'ya jna'”, nacui̱ nu qui'yu bi'. Tsa bi' ti cha' nchcui' yu.

SAN LUCAS 19:2

Ca bi' ntsu'u sca nu qui'yu culiya' nu naa Zaqueo, xu'na ngu' nu nclyo cñi cña loo ngu' laca yu.

SAN JUAN 1:48

Nchcuane Natanael ji'i̱ Jesús li': ―¿Ñi'ya̱ ngua jinu'u̱, cusu', cha' ndyuloo nu'u̱ jna'? Li' nacui̱ Jesús: ―Lo'o tya lyiji chcui' Felipe lo'o nu'u̱, tya li' na'a̱ na' jinu'u̱ ca su ndu̱ ne' yaca quityi ca bi'.

SAN JUAN 14:5

―Cusu' ―nacui̱ Tomás―, ná jlo ti' ya macala tsaa nu'u̱. ¿Ñi'ya̱ cua'ni ya cha' quije tyucui̱i̱ bi' ji'i̱ ya? ―nacui̱ ji'i̱ Jesús.