SAN MATEO 10:26 - Chatino Tataltepec

²⁶ ’Bi' cha' nacui̱ na' cha' ná cutsi̱i̱ ma̱ ji'i̱ ñati̱ chalyuu ti. Lcaa cha' nu ngua'ni ngu' cuaana ti, nti' ngu', quijeloo cha' bi' ji'i̱ ñati̱ nde loo la; lcaa cha' nu ntsu'u cuatsi' ti ji'i̱ ngu', nti' ngu', caca cuayá' ti' ñati̱ ji'i̱ cha' bi' nde loo la.

SAN MATEO 10:26 Referans Kwoze

SAN LUCAS 8:17

Lcaa cha' nu nsu'ba yacu̱' ngu' ji'i̱, quijeloo cha' bi' ji'i̱ ngu' ca tiya' la; lcaa cha' nu ntsu'u cuaana ti, quije cha' bi' ji'i̱ ngu' ca tiya' la, cha' caca cuayá' ti' na ji'i̱ cha' bi' li'.

SAN MARCOS 4:22

Ndu'ni cha' tyu'u lo xee lcaa na nu ndyu'u cuatsi' ji'i̱ ñati̱ juani; ná sca cha' ntsu'u cuaana ti juani nu ná quijeloo ji'i̱ ñati̱ ca tiya' la.

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.

SAN MATEO 10:28

Ná cutsi̱i̱ ma̱ ji'i̱ ngu' nu cujuii ji'i̱ ma̱ nde chalyuu ti, cha' ná nchca ji'i̱ ngu' cujuii ngu' ji'i̱ cresiya ji'i̱ ma̱; tso'o la si cutsi̱i̱ ma̱ ji'i̱ ycui' Ndyosi nu cua'ni cuayá' ji'i̱ ma̱ nde loo la. Cutsi̱i̱ ma̱ ji'i̱ ycui' Ndyosi tu'ni, xqui'ya cha' cua'ni Ni cha' tye cha' ji'i̱ ma̱ tsiya' ti si tsaa ma̱ ca bilyaa.

1 PEDRO 3:14

Pana si ntsu'u quiya' nu cua'ni lya' ti' ngu' ji'i̱ ma̱ xqui'ya sca cha' tso'o nu ndyu'ni ma̱, tso'o la si ná caca xñi'i̱ ti' tyiquee ma̱ li'; ná cube ti' ma̱, ná cutsi̱i̱ ma̱ ji'i̱ ngu' bi'.

LOS HECHOS 4:19

Nguxacui̱ Pedro lo'o Juan cha' ji'i̱ nu ngu' cusu' bi' li': ―Ná cube tsa ti' cu'ma̱, ngu' cusu' ―nacui̱ ngu' ji'i̱ ngu' bi'―. ¿Ha ntsu'u cha' cua'ni ya cña nu culo cu'ma̱ ji'i̱ ya? ¿Ha ná tso'o la nti' cu'ma̱ cha' cua'ni ya cña nu ngulo ycui' Ndyosi ji'i̱ ya?

LOS HECHOS 1:8

Juani xa' chcui' na' lo'o ma̱, cha' caja ñi'ya̱ cua'ni ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱, cha' li' taca chcui' ma̱ cha' tso'o lo'o lcaa ñati̱, nu cha' ji'i̱ ycui' na'. Chcui' ma̱ lo'o ngu' nde quichi̱ Jerusalén, jua'a̱ lo'o ngu' loyuu su cuentya Judea, jua'a̱ lo'o ngu' loyuu cacua ti nu naa Samaria bi'; chcui' ma̱ lo'o ngu' lcaa quichi̱ su ndi'i̱ ngu' chalyuu.

LOS HECHOS 4:13

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.