SAN MATEO 10:25 - Chatino Tataltepec

²⁵ Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 10:25 Referans Kwoze

SAN LUCAS 11:15

Pana ntsu'u ngu' nu nchcui' ndi'ya̱: ―Nclyo nu qui'yu cua ji'i̱ cui'i̱ cuxi chacuayá' ji'i̱ Beelzebú, nu laca xu'na lcaa lo cui'i̱ cuxi ―nacui̱ ngu'.

SAN MATEO 12:24

Lo'o ndyuna ngu' fariseo cha' bi', xa' ña'a̱ cha' nchcui' ngu' bi' ji'i̱ Jesús: ―Sca ti chacuayá' ji'i̱ Beelzebú nu laca xu'na lcaa lo cui'i̱ cuxi, sca ti jua'a̱ nchca ji'i̱ nu qui'yu re culo ji'i̱ cui'i̱ cuxi nu ngusñi ji'i̱ ñati̱ ―nacui̱ ngu' fariseo bi'.

SAN MATEO 9:34

Pana xa' ña'a̱ nchcui' ngu' fariseo bi': ―Na nclyo nu Jesús jua ji'i̱ cui'i̱ cuxi nu ngusñi ji'i̱ ngu' xqui'ya nu xu'na cuiñaja nu nda chacuayá' cha' cua'ni yu jua'a̱ ―nacui̱ ngu' fariseo bi'.

SAN JUAN 7:20

―Ñi'ya̱ nti' sca nu xña'a̱, jua'a̱ nti' nu'u̱ ―ndu'ni ngu' ji'i̱ Jesús li'―. ¿Tilaca nti' cujuii jinu'u̱ lacua?

SAN MARCOS 3:22

Lo'o li' lijya̱ mstru nu nclyu'u cha' jo'ó ne' laa tonu ca Jerusalén. Nchcui' mstru bi' lo'o ngu': ―Ngusñi Beelzebú xu'na lcaa lo cui'i̱ cuxi ji'i̱ Jesús cua ―nacui̱ mstru bi'―, bi' cha' lo'o chacuayá' ji'i̱ nu xña'a̱ bi' nchca ji'i̱ yu culo ji'i̱ cui'i̱ cuxi nu ngusñi ji'i̱ ñati̱.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 10:20

Ntsu'u tsa ngu' nu nacui̱ ndi'ya̱: ―Ñi'ya̱ nti' sca nu xña'a̱, jua'a̱ nti' yu cua. Na tonto yu. Ná ntsu'u cha' cuna na cha' nu nchcui' yu cua.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

SAN MATEO 12:27

¿Ha cha' liñi nchcui' ma̱ lacua, nu lo'o nchcui' ma̱ cha' chacuayá' ji'i̱ Beelzebú nclyo na' ji'i̱ cui'i̱ cuxi? Ná liñi nchcui' ma̱ tsiya' ti, cha' lo'o ngu' nu ndyaca tsa'a̱ ji'i̱ ma̱ ni, nclyo ngu' ji'i̱ cui'i̱ cuxi chacuayá' ji'i̱ ycui' Ndyosi, nacui̱ ngu'. Xqui'ya ngu' bi' caca cuayá' ti' ma̱ lacua; caca cuayá' ti' ma̱ si cha' liñi nchcui' ma̱, si cha' cuiñi ti nchcui' ma̱.

SAN LUCAS 11:18

Bi' cha' ná talo cha' ji'i̱ Satanás si xu̱u̱ tya'a nu Satanás bi' lo'o msu ji'i̱ ycui'; tye cha' ji'i̱ nu xña'a̱ yala ti li'. Pana nu na' ni ―nacui̱ Jesús―, cua nacui̱ ma̱ cha' ngulo na' ji'i̱ cui'i̱ cuxi nu ntsu'u ji'i̱ ñati̱ chacuayá' ji'i̱ Beelzebú nu laca xu'na cui'i̱ cuxi bi', jua'a̱ nchcui' ma̱ 'na.

SAN LUCAS 11:19

¿Ha cha' liñi nchcui' ma̱ lo'o nchcui' ma̱ cha' chacuayá' ji'i̱ Beelzebú nclyo na' ji'i̱ cui'i̱ cuxi? Ná liñi nchcui' ma̱ tsiya' ti, cha' lo'o ngu' nu ndyaca tsa'a̱ ji'i̱ ma̱ nclyo ngu' ji'i̱ cui'i̱ cuxi; chacuayá' ji'i̱ ycui' Ndyosi nclyo ngu' cui'i̱ bi', nacui̱ ma̱. Xqui'ya ngu' bi' caca cuayá' ti' ma̱ lacua; caca cuayá' ti' ma̱ si cha' liñi nchcui' ma̱, si cha' cuiñi ti nchcui' ma̱.

SAN MARCOS 10:39

―Taca ji'i̱ ya ―nacui̱ ngu' ji'i̱ Jesús li'. ―Chañi cha' lo'o cu'ma̱ nga'a̱ cha' co'o ma̱ taná clyaa' nu nga'a̱ cha' co'o ycui' na' ―nacui̱ Jesús―. Chañi cha' chcube' ma̱ ñi'ya̱ nu nga'a̱ cha' xcube' ngu' 'na.