SAN MATEO 10:22 - Chatino Tataltepec

²² Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

SAN MATEO 10:22 Referans Kwoze

SAN MATEO 24:13

Pana ná cube ti' ma̱, lcaa cu'ma̱ nu talo tyiquee ma̱ ji'i̱ cha' cuxi bi', cua'ni lyaá na' ji'i̱ cu'ma̱ li', ña'a̱ cuayá' nu tye chalyuu ―nacui̱ Jesús―.

SANTIAGO 1:12

Tso'o caca tyiquee ñati̱ nu ña'a̱ ti nxñi cha' ji'i̱ Jesús, masi tyacua cua ña'a̱ ca cha' ti'í ji'i̱ ngu'. Tso'o si talo ngu' tyiquee', ña'a̱ cuayá' tye cha' ti'í bi' ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi' li'; bi' laca cha' tso'o nu cua nacui̱ Ni cha' ta Ni ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni.

APOCALIPSIS 2:10

Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.

SAN MARCOS 13:13

Lye tsa caca ti'í ti' lcaa ñati̱ ji'i̱ ma̱ xqui'ya cha' ñati̱ jna' laca ma̱. Ná cube ti' ma̱; lcaa cu'ma̱ nu talo ma̱ ji'i̱ cha' cuxi bi' ña'a̱ cuayá' nu tye chalyuu, cua'ni lyaá ycui' Ni ji'i̱ ma̱ li'.

SAN MATEO 10:39

La cui' jua'a̱ ngu' nu ná ndyujuii ñati̱ ji'i̱ xqui'ya cha' lye la ndu'ni tyaca'a ngu' ji'i̱ ycui' ca ti ngu', ná caja chalyuu nu ná nga'a̱ cha' tye ji'i̱ ngu' bi'; pana caja chalyuu nu ná nga'a̱ cha' tye ji'i̱ ngu' si cujuii ñati̱ ji'i̱ xqui'ya cha' jna'.

1 JUAN 3:13

Cu'ma̱ tya'a ngusñi na cha' ji'i̱ ycui' Ndyosi, ná quiña'a̱ tsa cha' culacua ti' ma̱ si liye' tsa ti' ñati̱ chalyuu ña'a̱ ngu' ji'i̱ ma̱.

SAN MATEO 24:9

’Nu lo'o xana cha' cuxi bi', tejeya' ngu' ji'i̱ ma̱ cha' xcube' ngu' ji'i̱ ma̱, hasta ña'a̱ cuayá' nu cujuii ngu' ji'i̱ ma̱, cha' ntsu'u ngu' tyucui ña'a̱ chalyuu nu caca ti'í ti' ngu' ña'a̱ ngu' ji'i̱ ma̱ xqui'ya na';

ROMANOS 2:7

sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.

HEBREOS 6:11

Tso'o si ña'a̱ ti tya cua'ni ma̱ tyucui tyempo nde loo la nti' ya, cha' ndu̱ ti' ma̱ ji'i̱ ycui' Ndyosi ña'a̱ cuayá' tyu'u tucua lcaa cha' nu cua nchcui' Ni lo'o ma̱.

SAN JUAN 17:14

Lcaa cha' nu cua nchcui' nu'u̱ lo'o na', cua nda na' cha' bi' lo'o ngu' bi' ―nacui̱―. Lo'o juani, ñi'ya̱ lo'o liye' ti' ñati̱ chalyuu 'na, jua'a̱ ca liye' ti' ñati̱ ña'a̱ ji'i̱ ngu' bi', xqui'ya cha' ná ntsu'u cha' ji'i̱ ya lo'o nu cuxi nu ntsu'u nde chalyuu.

GÁLATAS 6:9

Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.

SAN LUCAS 6:22

’Lo'o jua'a̱ tso'o ti caca tyiquee cu'ma̱ masi ti'í ti' ngu' ña'a̱ ngu' ji'i̱ ma̱, masi culo'o ngu' ji'i̱ ma̱ ca su ndi'i̱ ma̱, masi suba' tsa chcui' ngu' lo'o ma̱, masi hasta nga'aa nti' ngu' chcui' ngu' lo'o ma̱, xqui'ya cha' jlya ti' ma̱ jna', na' nu cua nda Ni lijya̱a̱ cha' caca na' ñati̱;

2 CORINTIOS 4:11

Cua ña'a̱ ca hora lo'o ndi'i̱ ya chalyuu ntsu'u tsa cha' cuxi nu taca cujuii ji'i̱ ya, cha' quiña'a̱ tsa cha' cuxi ndyacua ji'i̱ ya lcaa se'i̱ su ndya'a̱ ya xqui'ya Jesús. Pana jua'a̱ taca ña'a̱ ngu' cha' tya ndi'i̱ Jesús lo'o ya; bi' cha' laca tya ntsu'u chalyuu ji'i̱ ya, masi quicha ti ti' ya ndya'a̱ ya.

SAN MATEO 5:11

’Lo'o jua'a̱ tso'o ntsu'u tyiquee ma̱ masi xtyí lo'o ngu' ji'i̱ ma̱ xqui'ya na', masi lya' tsa ti' ngu' ji'i̱ ma̱, masi cuiñi tsa ngu', masi chcui' tsa ngu' cuentyu ji'i̱ ma̱ xqui'ya na'.

APOCALIPSIS 2:17

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caca tyaala' ti' tyiquee ngu' bi', cacu ngu' cha' tso'o nu cua nguxco'o na' cha' caja ji'i̱ ngu'. Lo'o jua'a̱ ta na' sca quee sube ti nu ngati̱ ña'a̱, nu nscua xtañi scaa ngu' chu̱', cha' ca cuayá' ti' ngu' bi', cha' tso'o ti nti' na' ña'a̱ na' ji'i̱ ngu'; chaca xtañi nu tso'o la laca nu nscua chu̱' quee bi'. Ná caja chacuayá' ji'i̱ xa' ñati̱ tyuloo xtañi bi'; cua laca ti ñati̱ nu caja xtañi bi' ji'i̱, bi' laca nu caja chacuayá' cha' tyuloo ji'i̱, nacui̱ Ni.”

SAN JUAN 7:7

cha' ná liye' ti' ngu' ña'a̱ ngu' ji'i̱ ma̱; pana liye' tsa ti' ngu' ña'a̱ ngu' 'na, cha' nchcui' liñi na' lo'o ngu' cuentya ji'i̱ cha' cuxi nu ndu'ni ngu' ―nacui̱―.

SAN LUCAS 8:15

Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

APOCALIPSIS 2:7

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

APOCALIPSIS 2:26

Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱, ñati̱ nu ndalo, cha' ndu'ni ngu' cua ña'a̱ ca cña nu nti' na' cha' cua'ni ngu' ña'a̱ cuayá' tye chalyuu, nacui̱ Ni. Stu'ba ti tyucua ngu' bi' lo'o na', cha' caca ya loo ji'i̱ lcaa ñati̱ chalyuu ca li',

LOS HECHOS 9:16

Culu'u na' ji'i̱ yu ñi'ya̱ cha' ti'í nu tyacua ji'i̱ yu lo'o ta yu cha' jna' lo'o ñati̱.

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.

SAN LUCAS 21:17

cha' tyucui ña'a̱ chalyuu ntsu'u quiña'a̱ tsa ngu' nu ti'í ti' ngu' ña'a̱ ngu' ji'i̱ ma̱ xqui'ya na'.

SAN LUCAS 21:19

Nu lo'o cua ndalo ma̱ ji'i̱ lcaa cha' cuxi bi', li' tya caja chalyuu ji'i̱ ma̱ lo'o cua ndye cha'.