SAN MATEO 10:20 - Chatino Tataltepec

²⁰ cha' si'i cha' ji'i̱ ti ma̱ nu chcui' ma̱ li'; cha' ji'i̱ Xtyi'i ycui' Ndyosi Sti na, bi' caca cha' nu chcui' ma̱ lo'o ngu'.

SAN MATEO 10:20 Referans Kwoze

LOS HECHOS 6:10

Ná ngua ji'i̱ ngu' cua'ni ngu' ngana ji'i̱ Esteban, cha' cua nda Xtyi'i ycui' Ndyosi juersa ji'i̱ yu cha' caja ñi'ya̱ xtyacui yu cha' lo'o ngu' bi'.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

SAN LUCAS 12:12

Xtyi'i ycui' Ndyosi culu'u ji'i̱ ma̱ ñi'ya̱ nu chcui' ma̱ lo'o ngu' lo'o tyalaa tyempo bi'.

2 PEDRO 1:21

Lcaa ñati̱ nu ngua tu'ba ji'i̱ ycui' Ndyosi sa'ni la ni, ná nchcui' ngu' cua ña'a̱ ca cha' nu ndiya ti ti' ngu', nu lo'o nchcui' ngu' cuentya ji'i̱ ycui' Ndyosi; xcui' cha' nu nda Xtyi'i ycui' Ndyosi lo'o ngu' bi', bi' laca cha' nu nchcui' ngu' cuentya ji'i̱ ycui' Ni.

LOS HECHOS 4:8

Li' tso'o tsa nguxtyucua Xtyi'i ycui' Ndyosi ji'i̱ Pedro, bi' cha' ngua ji'i̱ yu nguxacui̱ yu cha' ji'i̱ ngu' nu laca loo, jua'a̱ ji'i̱ ngu' cusu' bi': ―Cu'ma̱ ngu' cusu' nu laca loo ji'i̱ ya ―nacui̱ Pedro ji'i̱ ngu'―,

LOS HECHOS 2:4

jua'a̱ ngua lo'o ndyanu Xtyi'i ycui' Ndyosi ne' cresiya ji'i̱ lcaa ngu' bi'. Li' nguxana nchcui' ngu' cha'cña ji'i̱ xa' ñati̱, cha' Xtyi'i ycui' Ndyosi ngua'ni lo'o ngu' cha' ngua ji'i̱ ngu' li'.

2 CORINTIOS 13:3

Ca li' caca cuayá' ti' ma̱ cha' ycui' Cristo laca nu nda cha' nu nchcui' na'; lo'o jua'a̱ si'i na xti ti cña nchca ji'i̱ Cristo lo'o xcube' Ni ji'i̱ ma̱, masi lye tsa cua'ni Ni cña cha' chcube' ma̱ li'.

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.

LOS HECHOS 28:25

ná nchca ca stu'ba tyiquee ngu'. Li' ngua ti' ngu' tyaa ngu', pana xa' nchcui' Pablo lo'o ngu': ―Liñi tsa cha' nu nda Xtyi'i ycui' Ndyosi lo'o jyo'o Isaías nu ngua tu'ba ji'i̱ ycui' Ndyosi nu ngua sa'ni, cha' nu nchcui' bi' lo'o jyo'o cusu' ji'na. Ndi'ya̱ ntsu'u cha' bi':

LOS HECHOS 13:9

Li' na'a̱ tsa Pablo ji'i̱ nu cucha'a̱ bi'. (Nu juani naa Pablo nu ngua naa Saulo clyo.) Xtyi'i ycui' Ndyosi laca nu nda juersa ji'i̱ nu Pablo bi',

SAN LUCAS 11:13

Bi' cha' lacua, si jlo ti' ma̱ cha' ta ma̱ na tso'o cacu sñi' ma̱, masi xña'a̱ tyiquee ma̱, la cui' jua'a̱ jlo ti' ycui' Ndyosi Sti ma̱ nu ntucua nde cua̱; lye la cua'ni tya'na ti' Ni ji'i̱ ma̱, cha' tya ta Ni Xtyi'i ycui' Ni tyanu ne' cresiya ji'i̱ ma̱ si jña ma̱ cha' bi' ji'i̱ Ni.

SAN MARCOS 12:36

Cua nchcui' ycui' jyo'o David tya sa'ni la cha' Xu'na yu laca ycui' Cristo. Xqui'ya cha' ngulu'u Xtyi'i ycui' Ndyosi ji'i̱ David, bi' cha' nguscua yu ndi'ya̱: Ycui' Ni nu laca Xu'na na nacui̱ ji'i̱ Cristo nu Xu'na na': “Tyucua nu'u̱ nde la'a tsu' cui̱ 'na”, nacui̱ Ni, “ña'a̱ cuayá' nu cua'ni tye na' cha' ji'i̱ lcaa tya'a cusu̱u̱ jinu'u̱, cha' caca nu'u̱ loo ji'i̱ lcaa ca cha'”, nacui̱ ycui' Ndyosi nu Xu'na na ji'i̱ Cristo.

SAN MATEO 6:32

Jua'a̱ nclacua ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Pana jlo ti' ycui' Ndyosi Sti na nu ntucua nde cua̱ cha' lyiji cha' bi' ji'i̱ ma̱,

1 TESALONICENSES 2:13

Lo'o jua'a̱ lcaa hora ndya ya xlya'be ji'i̱ ycui' Ndyosi cuentya ji'i̱ ma̱, xqui'ya cha' nu lo'o ndyuna ma̱ cha' tso'o ji'i̱ ycui' Ndyosi, la cui' cha' nu cua nda ya lo'o ma̱, li' jlya ti' ma̱ cha' bi'. Ngua cuayá' ti' ma̱ cha' laca cha' bi' nu cha' liñi ji'i̱ ycui' Ndyosi, si'i cha' ngua'ya hique sca ñati̱ ti; ngusñi ma̱ cha' bi' li', bi' cha' ndyu'ni ycui' Ndyosi cña ne' cresiya ji'i̱ ma̱.