SAN MATEO 10:19 - Chatino Tataltepec

¹⁹ Nu lo'o tsaa lo'o ngu' ji'i̱ ma̱ slo ngu' tisiya ni, ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', ñi'ya̱ caca xacui̱ ma̱ cha' ji'i̱ ngu' bi'. Cua'ni ycui' Ndyosi cha' quije cha' liñi nu chcui' ma̱ lo'o ngu' bi',

SAN MATEO 10:19 Referans Kwoze

2 TIMOTEO 4:17

Nguxtyucua ycui' nu Xu'na na jna' li', cua nda Ni juersa 'na cha' tya ngulu'u la na' cha' tso'o ji'i̱ Jesucristo ña'a̱ cuayá' ndyuna lcaa ñati̱ xa' tsu' nu ndi'i̱ ca nde. Cua ngua'a ycui' Ni 'na ji'i̱ cuichi tyaala bi'.

SAN LUCAS 12:11

’Cu'ma̱ nu laca ma̱ ñati̱ 'na ni, ná cutsi̱i̱ ma̱ nu lo'o chcui' cuayá' ngu' lo'o ma̱ ne' laa, masi nu lo'o cua'ni cuayá' ngu' ji'i̱ ma̱ slo ngu' nu laca cña. Ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', cha' clyaá ma̱ ji'i̱ ngu';

SANTIAGO 1:5

Si ntsu'u quiya' nu lo'o ná jlo ti' ma̱ tsiya' ti ñi'ya̱ nu cua'ni ma̱, li' tso'o chcui' ma̱ lo'o ycui' Ndyosi, cha' ta Ni sca cha' nu ca'ya hique ma̱ ñi'ya̱ nu cua'ni ma̱ li'. Tso'o tsa cha' xlya'be nda Ni ji'i̱ lcaa ñati̱, cuati ná ndu'ni tyaala Ni ji'na lo'o nda Ni sca cha' tso'o ji'na.

SAN MATEO 6:31

Bi' cha' ná ntsu'u cha' culacua tsa ti' ma̱ ñi'ya̱ cha' cuxi tyacua ji'i̱ ma̱ ca nde loo la. Ná ñacui̱ lye ma̱: “¿Ma caja na cacu ya?” Ná ñacui̱ ma̱: “¿Ma caja hitya co'o ya?” Ni ná ñacui̱ ma̱: “¿Ma caja ste' ya?”

SAN MATEO 6:25

’Ndube ti' ycui' Ni ji'i̱ ma̱, bi' cha' ná ntsu'u cha' culacua tsa ti' ma̱ ñi'ya̱ caca cha' cu'ú ma̱, na ca cacu ma̱, na ca co'o ma̱ su ndi'i̱ ma̱ chalyuu. Ná culacua tsa ti' ma̱ ma caja ste' ma̱. Cuayá' tsa cha' na lu'ú ti na juani, masi si'i quiña'a̱ tsa na nu cacu na; cuayá' tsa cha' tso'o ti tyucui ña'a̱ na, masi si'i na tso'o tsa ste' na.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

LOS HECHOS 6:10

Ná ngua ji'i̱ ngu' cua'ni ngu' ngana ji'i̱ Esteban, cha' cua nda Xtyi'i ycui' Ndyosi juersa ji'i̱ yu cha' caja ñi'ya̱ xtyacui yu cha' lo'o ngu' bi'.

SAN MATEO 6:34

Lo'o jua'a̱ ná ntsu'u cha' culacua ti' ma̱ cuentya ji'i̱ ñi'ya̱ nu caca ji'i̱ ma̱ tsa̱ quee. Chaca tsa̱ laca bi'. Sca ti ji'i̱ tsa̱ juani culacua xi ti' ma̱ ñi'ya̱ cua'ni ma̱ cha' tyiji̱loo ma̱ ji'i̱ cha' cuxi nu tyacua ji'i̱ ma̱ juani.

SAN MATEO 10:18

Ntsu'u ngu' nu tsaa lo'o ji'i̱ ma̱ slo ngu' nu laca loo cha' ñasi̱' ti ngu', hasta tyalaa ma̱ ca slo ycui' rey. Lo'o xcube' ngu' ji'i̱ ma̱ xqui'ya na', li' caja xi tyempo cha' ta ma̱ xi cha' jna' lo'o ngu' bi', masi lo'o ngu' xa' tsu'.

SAN LUCAS 12:12

Xtyi'i ycui' Ndyosi culu'u ji'i̱ ma̱ ñi'ya̱ nu chcui' ma̱ lo'o ngu' lo'o tyalaa tyempo bi'.