SAN MATEO 1:22 - Chatino Tataltepec

²² Lo'o jua'a̱ ngua cha' bi', cha' nu cua nchcui' ycui' Ndyosi lo'o ngu' sa'ni cha' jua'a̱ caca. Tyempo sa'ni nguscua jyo'o cusu' nu ngua tu'ba ji'i̱ ycui' Ndyosi cha' bi' lo quityi. Ndi'ya̱ nguscua ngu':

SAN MATEO 1:22 Referans Kwoze

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

LOS HECHOS 3:18

Cua laca cha' juani, la cui' cha' nu nda ycui' Ndyosi lo'o jyo'o cusu' ji'na sa'ni la, la cui' cha' nu nguscua ngu' lo quityi ji'i̱ ycui' Ndyosi. Quityi bi' nchcui' cha' ti'í tsa cua'ni quicha ngu' ji'i̱ Jesucristo; jua'a̱ cujuii ngu' ji'i̱ Jesús, la cui' Jesús nu nda ycui' Ndyosi ji'i̱ ya̱a̱ lo yuu chalyuu.

SAN JUAN 18:9

Nchcui' Jesús lo'o ngu' jua'a̱, cha' caca ñi'ya̱ nu cua nchcui' ca Jesús lo'o ycui' Ndyosi Sti yu, nu lo'o cua nacui̱ yu ndi'ya̱: “Ni tsaca ñati̱ nu cua nda nu'u̱ 'na, ná nguna' ngu' 'na”.

SAN MATEO 13:35

Cua nchcui' sca jyo'o cusu' nu ngua tu'ba ji'i̱ ycui' Ndyosi cua sa'ni la ji'i̱ cha' bi'. Ndi'ya̱ nchcui' yu: Lo'o cui̱i̱ ti chcui' na' lo'o ngu' cha' culu'u na' sca cha' ji'i̱ ngu', nacui̱ Ni. Chcui' na' ji'i̱ sca cha' nu ntsu'u cuatsi' ti tya lo'o ngüiñá na' chalyuu re.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

SAN JUAN 10:35

Jlo ti' na cha' ná caca ji'na tacu̱' na ni sca cha' nu nda ycui' Ndyosi lo'o na. Sca cha' nu nchcui' quityi bi' ni, nacui̱ cha' ñi'ya̱ laca ycui' Ndyosi, jua'a̱ laca ñati̱ nu ndaquiya' cha' nu nda Ni lo'o.

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

SAN MATEO 12:17

Tya sa'ni cua nda ycui' Ndyosi sca cha' lo'o jyo'o Isaías cuentya ji'i̱ Cristo. Ndi'ya̱ nscua cha' bi' lo quityi:

SAN MATEO 2:15

Lo'o li' ndyanu ngu' ca bi' ña'a̱ cuayá' nu cua ngujuii Herodes, rey nu tyaala bi'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi cua sa'ni la lo'o nchcui' ndi'ya̱: “Xi'ya na' ji'i̱ Sñi' na' cha' tyu'u ca loyuu su cuentya Egipto, cha' xtyu̱u̱ yu tya̱a̱ yu quichi̱ tyi yu”, nacui̱ ycui' Ndyosi nu Xu'na na. Bi' cha' jua'a̱ ngua ji'i̱ ngu' tya li', cha' ndyalaa ngu' nde Egipto.

SAN MATEO 8:17

Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.

SAN MATEO 5:17

’Ná culacua ti' ma̱ cha' lijya̱ na' ca nde cha' cua'ni tye na' ji'i̱ cha' cusu'; masi lcaa cha' nu nda ycui' Ndyosi lo'o jyo'o Moisés, masi lcaa cha' nu nguscua jyo'o cusu' nu ngua tu'ba ji'i̱ ycui' Ndyosi cua sa'ni la, ná cuityi̱ na' ji'i̱ cha' bi'. Pana cua lijya̱ na' cha' culu'u liñi na' ji'i̱ ñati̱ ñi'ya̱ nu nti' ñacui̱ lcaa cha' nu nscua lo quityi bi'.

SAN LUCAS 21:22

Tsa̱ chcube' ma̱ caca tsa̱ bi', lo'o li' nga'a̱ cha' tyu'u tucua lcaa cha' nu nscua lo quityi cusu' cha' caca.

APOCALIPSIS 17:17

Cua ngua'ni ycui' Ndyosi cha' ca'ya cha' hique rey, bi' cha' cua'ni ngu' jua'a̱, cha' ta ngu' chacuayá' caca nu na'ni chiya'a̱ ña'a̱ loo, ña'a̱ cuayá' tyu'u scua lcaa cha' nu nacui̱ Ni cha' caca.

ROMANOS 1:2

Nu lo'o tya lyiji ca̱a̱ Jesucristo nde chalyuu, tya li' cua nchcui' liñi ycui' Ndyosi ñi'ya̱ nu caca cha' bi' tyempo nu lijya̱ nde loo la. Cua nda Ni cha' bi' lo'o xi ñati̱ nu ngua tu'ba ji'i̱ ycui' Ni, cha' nchcui' Ni lo'o ñati̱ nu ngua sa'ni la; nguscua ngu' cha' bi' lo quityi li'.