SAN MARCOS 8:2 - Chatino Tataltepec

² ―Tya'na tsa ti' na' ji'i̱ nu ngu' quiña'a̱ re ―nacui̱―, cha' sna tsa̱ cua nguta'a̱ ngu' lo'o na'. Nga'aa ntsu'u tsiya' ti na cacu ngu' juani.

SAN MARCOS 8:2 Referans Kwoze

SAN MATEO 9:36

Tya'na tsa ti' Jesús ji'i̱ nu quiña'a̱ tsa ñati̱ nu ndya'a̱ lca'a̱ ji'i̱, cha' ná nchca ji'i̱ ngu' bi'; nga'aa jlo ti' ngu' ñi'ya̱ nu tyi'i̱ tso'o la ngu'. Ñi'ya̱ ndu'ni xlya' nu ná ntsu'u nu ña'a̱si̱i̱ ji'i̱ ni', jua'a̱ ndu'ni ngu' quiña'a̱ bi', ngua ti' Jesús.

HEBREOS 5:2

Ñati̱ chalyuu ti laca sti jo'ó bi'; lo'o ycui' yu ntsu'u cha' cuxi nu ndyu'ni yu, bi' cha' tso'o ti nchcui' yu lo'o ñati̱ nu ná nduna tsiya' ti, nu ndyu'ni tsa cha' cuxi.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.

SAN LUCAS 15:20

Li' ngutu'u yu ndyaa yu tyucui̱i̱ cha' ñaa yu nde to' tyi sti yu. ’Tya tyijyu' ñaa yu lo'o na'a̱ sti yu ji'i̱ yu. Hora ti ndyaa sti yu ndyacua tya'a lo'o yu; ngüityi sti yu ji'i̱ yu li', nchcuicha' sti yu ji'i̱ yu cha' ngua tya'na ti' sti yu ji'i̱ yu.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN MARCOS 9:22

Tyu̱u̱ tsa quiya' cua nguxlyú bi' ji'i̱ yu lo quii', nguxtyú ji'i̱ yu lo hitya cha' ngua ti' cui'i̱ cha' cujuii ji'i̱ yu. Cua'ni tya'na ti' nu'u̱ ji'i̱ ya, cua'ni nu'u̱ sca cha' tso'o, cua'ni nu'u̱ jo'o ji'i̱ yu si nchca jinu'u̱ ―nacui̱ sti nu quicha bi' ji'i̱ Jesús.

SAN MARCOS 6:34

Lo'o ndyalaa yaca ni'i̱ sube ti to' tayu', ndu'u Jesús na'a̱ yu cha' quiña'a̱ tsa ñati̱ ndi'i̱. Lo'o jua'a̱, tya'na tsa ti' Jesús ña'a̱ yu ji'i̱ nu ngu' quiña'a̱ bi'; ngulacua ti' yu cha' ñi'ya nti' xlya' nu ná ntsu'u nu ña'a̱si̱i̱ ji'i̱, jua'a̱ ndya'a̱ nu ñati̱ quiña'a̱ bi', ngua ti' Jesús. Bi' cha' tyiquee' ngulu'u yu quiña'a̱ tsa cha' ji'i̱ ngu' bi'.

SAN MARCOS 5:19

Pana ná nda Jesús chacuayá' ji'i̱. ―Xa' xtyu̱u̱ nu'u̱ tyaa nu'u̱ to' tyi ―nacui̱ Jesús ji'i̱―. Ta nu'u̱ cha' lo'o lcaa ngu' tya'a nu'u̱ ñi'ya̱ ngua cha' tlyu nu ngua'ni ycui' Ndyosi nu Xu'na na cha' ngua'ni Ni cha' ndyaca tso'o nu'u̱, cha' ngua'ni tya'na tsa ti' ycui' Ni jinu'u̱.

SAN MARCOS 1:41

Ngua tya'na ti' Jesús ji'i̱ nu quicha bi' li', ndyala' yu cuaña' yu quicha bi' su ngutsu'. ―Tyaja'a̱ na', cua'ni na' jo'o jinu'u̱ ―nacui̱ Jesús ji'i̱ yu quicha bi'―. Tyanu lubii cuaña' nu'u̱ juani.

SAN MATEO 20:34

Tya'na tsa ti' Jesús ña'a̱ yu ji'i̱ ngu' bi'. Ngusta sne ya' yu chu̱' si'yu cloo ngu' bi' li', lo'o hora ti tyaca̱' tso'o xee loo ngu', ña'a̱ ngu' chaca quiya'. Li' ndu'u ngu' bi' ndyaa ngu', nguta'a̱ ngu' bi' lo'o Jesús.

SAN MATEO 14:14

Lo'o ndyalaa yaca ni'i̱ bi' to' hitya, li' ngutu'u Jesús; na'a̱ yu cha' cua ndyalaa quiña'a̱ tsa ñati̱ cajua li'. Tya'na tsa ti' yu ji'i̱ lcaa ngu' bi', bi' cha' ngua'ni yu cha' ndyaca tso'o ngu' quicha nu ndya'a̱ ngu' lo'o.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

SAN MARCOS 6:32

Li' ndu'u ngu' ndyaa ngu' ne' yaca ni'i̱ sube ti, cha' tsaa ngu' xi su ná ntsu'u ñati̱.

SAN MARCOS 8:3

Ná tso'o culo na' cña ji'i̱ ngu' re cha' tyaa ngu' juani, ña'a̱ lo'o jbi'ña ti ndya'a̱ ngu'; nga'aa talo ngu' tya'a̱ ngu' tyucui̱i̱ cha' tyalaa ngu' to' tyi ngu', cha' jua'a̱ ndi'i̱ xi ngu' nu tyijyu' tsa lijya̱ ngu' ―nacui̱ Jesús ji'i̱ ngu' nu ndyaca tsa'a̱ ji'i̱.