SAN MARCOS 8:12 - Chatino Tataltepec

¹² Li' nda xtyi'i Jesús hasta ca ne' cresiya ji'i̱. ―Lcaa ñati̱ nu lu'ú nde chalyuu tyempo juani ni, ¿ni cha' laca xcui' na nti' ngu' cha' cua'ni na' sca cha' tlyu chacuayá' ji'i̱ ycui' Ni cha' ña'a̱ ngu' ji'i̱? ―nacui̱ Jesús―. Cha' liñi nchcui' na' lo'o ma̱, cha' ná ta ycui' Ni chacuayá' ña'a̱ ma̱ ni sca cha' tlyu ―nacui̱ Jesús ji'i̱ ngu' bi'.

SAN MARCOS 8:12 Referans Kwoze

SAN MARCOS 7:34

Li' nguxña'a̱ Jesús nde cua̱, lye tsa ñaa xtyi'i li'. ―Efata ―nacui̱ Jesús ji'i̱ nu quicha bi' li'. (Ndi'ya̱ ndyu'u cha' bi' cha'cña ji'i̱ yu: Tyaala tyuu jyaca̱ nu'u̱, jua'a̱ nti' ñacui̱ cha' bi'.)

SAN MATEO 16:4

Na xña'a̱ tsa tyiquee ma̱ ca ta'a ma̱ cha' xcui' nti' ma̱ cha' cua'ni na' sca cha' tlyu cha' ña'a̱ cui'ya ma̱ ji'i̱; laca ma̱ ñati̱ nu ná jlya ti' ji'i̱ ycui' Ndyosi tsiya' ti ―nacui̱ Jesús ji'i̱ ngu'―. Pana ná cua'ni na' jua'a̱. Nga'a̱ cha' tyi'u ti' ma̱ na laca nu ngua ji'i̱ jyo'o Jonás nu ngua tu'ba ji'i̱ ycui' Ndyosi cua sa'ni la. Nga'aa nchcui' la Jesús lo'o ngu' bi' li', ndu'u yu ndyaa.

SAN LUCAS 19:41

Lo'o cua ndyalaa Jesús cacua ti to' quichi̱ Jerusalén, ngusi'ya tsa yu lo'o na'a̱ yu quichi̱ bi'. Li' nacui̱ yu ji'i̱ ngu':

SAN MARCOS 9:19

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

SAN MARCOS 6:6

Ndube tsa ti' Jesús cha' ná jlya ti' ngu' bi' ji'i̱ tsiya' ti. Lo'o li' tya ndya'a̱ la yu ca xa' quichi̱ sube ti nu ndi'i̱ cacua ti, ngulu'u yu ji'i̱ ngu' ca bi' li'.

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

SAN MATEO 12:38

Lo'o li' nga'a̱ xi mstru cha' jo'ó, lo'o ngu' fariseo nga'a̱, nchcui' ngu' lo'o Jesús: ―Mstru ―nacui̱ ngu' bi' ji'i̱ Jesús li'―, cua'ni nu'u̱ sca cha' tlyu cha' ña'a̱ cui'ya ya ji'i̱.

SAN MARCOS 8:13

Lo'o li' nguxtyanu yu ji'i̱ ngu' fariseo bi'; xa' ndyatí̱ yu ne' yaca ni'i̱ sube ti lo'o nu ngu' nu ndyaca tsa'a̱ ji'i̱ bi', nteje tacui ngu' lo tayu', ngutu'u ngu' chaca tsu' li'.