SAN MARCOS 8:11 - Chatino Tataltepec

¹¹ Li' ndyu'u tucua xi ngu' fariseo slo Jesús cha' xu̱u̱ ngu' lo'o yu. Ngua ti' ngu' cha' caja ñi'ya̱ chcui' ngu' sca cha' cuxi ji'i̱ yu; bi' cha' ndijña ngu' fariseo bi' ji'i̱ yu cha' culu'u yu sca cha' tlyu ji'i̱ ngu', sca cha' tonu nu tyu'u tucua nde cua̱ chacuayá' ji'i̱ ycui' Ndyosi.

SAN MARCOS 8:11 Referans Kwoze

1 CORINTIOS 10:9

Jua'a̱ ná tso'o cha' xtyí lo'o ti na ji'i̱ ycui' Ndyosi nu Xu'na na, cha' quiña'a̱ tsa cha' clyu ti' ngüi'ya Ni ji'na. Jua'a̱ ngua'ni ngu' bi' nu ngua sa'ni, li' ngusu'ba Ni cuaña lijya̱ cha' ndyujuii ni' ji'i̱ ngu' bi'.

SAN MATEO 12:38

Lo'o li' nga'a̱ xi mstru cha' jo'ó, lo'o ngu' fariseo nga'a̱, nchcui' ngu' lo'o Jesús: ―Mstru ―nacui̱ ngu' bi' ji'i̱ Jesús li'―, cua'ni nu'u̱ sca cha' tlyu cha' ña'a̱ cui'ya ya ji'i̱.

SAN JUAN 4:48

―¿Ni jacua' jlya ti' ma̱ ji'i̱ ycui' Ndyosi? ―nacui̱ Jesús ji'i̱ nu cusu' bi' li'―. ¿Ha ná jlya ti' ma̱ cha' caca cua'ni Ni cña si ná lo'o cua'ni na' sca cña tonu cha' ña'a̱ cui'ya ma̱ xi ji'i̱?

SAN LUCAS 11:16

Lo'o li' xa' la ñati̱ ngua ti' ña'a̱ cuayá' ngu' ji'i̱ Jesús, bi' cha' ngüijña ngu' ji'i̱ Jesús cha' cua'ni yu chaca cha' tlyu chacuayá' ji'i̱ ycui' Ndyosi nu ntucua nde cua̱.

LOS HECHOS 5:9

―¿Ni cha' laca ngua'ni ma̱ jua'a̱? ―nacui̱ Pedro li'―. Tyucuaa ma̱, cua ngua'ni stu'ba ma̱ cha' lo'o tya'a ma̱ cha' cua'ni cuayá' ma̱ ji'i̱ Xtyi'i ycui' Ndyosi, si jlo ti' Ni, si ná jlo ti' Ni cha' cuiñi ma̱ ―nacui̱―. Cua'a̱ jyaca̱ xi ñi'ya̱ ndañi quiya' ngu' cuañi' nu lijya̱ ndyaa nguxatsi' ngu' ji'i̱ jyo'o clyo'o nu'u̱. La cui' jua'a̱ tsaa lo'o ngu' jinu'u̱ juani.

SAN JUAN 7:48

Ná ntsu'u ni sca ñati̱ nu laca loo ji'na nu ngusñi cha' ji'i̱ yu bi'. Ni ngu' fariseo cua, ná jlya ti' ya cha' nu nchcui' yu ―nacui̱ ngu'―.

SAN JUAN 6:30

Li' tya nchcuane la ngu' ji'i̱ Jesús: ―¿Ñi'ya̱ ña'a̱ cña nu cua'ni nu'u̱ lacua? ¿Ñi'ya̱ ña'a̱ cña tonu nu cua'ni nu'u̱ cha' ña'a̱ cui'ya ya xi ji'i̱, cha' xñi ya cha' jinu'u̱ li'? ―nacui̱ ngu' ji'i̱ Jesús―.

SAN LUCAS 10:25

Li' ndatu̱ sca mstru cha' jo'ó cha' chcui' cuayá' yu lo'o Jesús. Lo'o li' nchcuane yu ji'i̱ Jesús: ―Mstru ―nacui̱―, ¿ñi'ya̱ cua'ni na' cha' caja chalyuu nu ná nga'a̱ cha' tye tsiya' ti jna'?

SAN MARCOS 12:15

Ngua tii Jesús cha' tucua cha' ntsu'u tyiquee ngu' bi'. ―¿Ni cha' laca nchcui' cuayá' ma̱ 'na jua'a̱? ―nacui̱ Jesús ji'i̱ ngu' bi'―. Ta ma̱ sca cñi plata 'na cha' ña'a̱ na' ji'i̱.

SAN MARCOS 2:16

Li' nteje tacui xi ngu' fariseo lo'o mstru cha' jo'ó nu tya'a ndya'a̱ ngu'. Tacati tsa ycui' ngu', nti' ngu', pana lye tsa ndu'ni tyucuaa ti' ngu' ji'i̱ xa' ñati̱. Na'a̱ ngu' bi' ti lo'o ndyacu Jesús ne' ni'i̱ bi'. Hora ti nchcui' ngu' bi' lo'o ngu' nu ndyaca tsa'a̱ ji'i̱ Jesús: ―¿Ni cha' laca cha' ndyacu nu xu'na ma̱ lo'o ngu' cuxi jua, lo'o nu msu ji'i̱ ngu' xa' tsu' nu quiña'a̱ tsa cñi cña loo ngu' nxñi ngu' jua?

SAN MATEO 22:23

Lo'o la cui' tsa̱ bi' ñaa xi ngu' saduceo slo Jesús, bi' laca sca latya ñati̱ nu nchcui' cha' nga'aa tyu'ú ñati̱ chaca quiya' lo'o cua ngujuii ngu'. Nchcuane ngu' bi' sca cha' ji'i̱ Jesús li':

SAN MATEO 22:18

Pana ngua tii Jesús ñi'ya̱ laca cha' cuxi nu nclyacua ti' ngu' bi', bi' cha' ndi'ya̱ nguxacui̱ yu cha' ji'i̱ ngu': ―Cuiñi tsa cu'ma̱ ni. ¿Ni cha' laca nchcui' cuayá' ma̱ lo'o na'? ―nacui̱ Jesús ji'i̱ ngu' bi'―.

SAN MATEO 22:15

Li' ndu'u ngu' fariseo ndyaa ngu' cha' quiñi cha' ji'i̱ ngu' lo'o tya'a ngu', ñi'ya̱ nu caca ji'i̱ ngu' cñilo'o ngu' ji'i̱ Jesús cha' chcui' yu sca cha' cuxi.

SAN MATEO 21:23

Nu lo'o ndyalaa ngu' quichi̱ tlyu bi', li' xa' ndyatí̱ Jesús ndyaa ne' laa tonu bi'; nclyu'u yu ji'i̱ ñati̱ chaca quiya'. Lo'o li' na'a̱ sti jo'ó nu laca loo lo'o xa' la ngu' cusu' nu laca loo, na'a̱ ngu' ji'i̱ Jesús. Hora ti ñaa ngu' bi' slo yu cha' xcuane ngu' cha' ji'i̱ yu li': ―¿Tilaca laca nu nda chacuayá' jinu'u̱ cha' cua'ni nu'u̱ ñi'ya̱ nu ndyu'ni nu'u̱ juani? ―nacui̱ ngu' nu laca loo bi' ji'i̱ Jesús―. ¿Ma nde ngujui chacuayá' cua jinu'u̱? ―nacui̱ ngu' bi' ji'i̱.

SAN MATEO 19:3

Laja li' lijya̱ xi ngu' fariseo slo Jesús cha' chcui' cuayá' ngu' lo'o yu si caca tyiji̱loo ngu' ji'i̱ yu, ngua ti' ngu'. ―¿Ha ntsu'u chacuayá' cuentya ji'na cha' xtyanu sca ñati̱ ji'i̱ clyo'o yu tsiya' ti, si nga'aa nti' yu ji'i̱ nu cuna'a̱ bi'? ―nacui̱ ngu' ji'i̱ Jesús.

SAN JUAN 8:6

Na nchcui' cuayá' ti ngu' bi' lo'o Jesús, cha' cua nti' ngu' caja cha' ji'i̱ ngu' ñi'ya̱ caca sta ngu' qui'ya ji'i̱ Jesús. Bi' cha' ñi'ya̱ nu nga'a̱ ti yu ndati'i̱chu̱' yu xi, nguscua lo'o sne ya' ti yu lo yuu.

SAN MARCOS 9:16

―¿Ñi'ya̱ cha' nchcui' ma̱ lo'o ngu' jua? ―nacui̱ Jesús ji'i̱ ngu' li'.