Pana ngunasi̱' tsa ngu' judío bi' ji'i̱ Pablo li', suba' tsa nchcui' ngu' lo'o; bi' cha' nguscui̱ yu ste' yu slo ngu' cha' ca cuayá' ti' ngu' cha' cuxi tsa nchcui' ngu' lo'o yu. ―Nguna' tsa ndu'ni cu'ma̱ ―nacui̱ Pablo ji'i̱ ngu'―. Xqui'ya ycui' ma̱ laca; ná ntsu'u qui'ya 'na, cha' xcui' cha' liñi laca nu ngulu'u na' ji'i̱ ma̱. Cua tya'a ti na' lacua. Juani tsa'a na' cha' ta na' cha' re lo'o ngu' xa' tsu', cha' ná nduna cu'ma̱, ngu' judío.
SAN MARCOS 6:11 - Chatino Tataltepec11 Si ntsu'u sca quichi̱ su ná tyaja'a̱ ngu' ta ngu' se'i̱ tyanu ma̱, sca quichi̱ su ná tyaja'a̱ ngu' cuna ngu' cha' nu chcui' ma̱ lo'o ngu', li' tyu'u ma̱ quichi̱ bi', yaa clya ma̱ li'. Salú ma̱ sñii yuu nu ntsu'u quiya' ma̱ to' quichi̱ bi'. Jua'a̱ caca cuayá' ti' ngu' cha' cuxi tsa cña nu ngua'ni ngu' lo'o ma̱. Cha' liñi cacha' na' ji'i̱ ma̱ juani ―nacui̱ Jesús―, lo'o tyalaa tsa̱ cha' cua'ni cuayá' ycui' Ndyosi ji'i̱ lcaa ñati̱, lye la xcube' Ni ji'i̱ ñati̱ quichi̱ nu ná ntaja'a̱ cuna ngu' cha' nu nchcui' ma̱ lo'o ngu'; xti la xcube' Ni ji'i̱ jyo'o ñati̱ cuxi nu nguti'i̱ quichi̱ Sodoma, nu nguti'i̱ quichi̱ Gomorra cua sa'ni. Jua'a̱ nchcui' Jesús lo'o ngu' nu ndyaca tsa'a̱ ji'i̱. Gade chapit la |
SAN MARCOS 6:11
20 Referans Kwoze
Lo'o jua'a̱ tyi'u ti' ma̱ ji'i̱ quichi̱ Sodoma lo'o quichi̱ Gomorra lo'o xa' la quichi̱ nu ndi'i̱ cacua ti; ñi'ya̱ ngua'ni ngu' xca̱ bi' cha' cuxi, jua'a̱ lye tsa ngua'ni cuxi nu jyo'o cusu' nu nguti'i̱ quichi̱ bi', hasta nu ngua'ni suba' ngu' lo'o tya'a qui'yu ti ngu'. Cua ndyujuii ycui' Ndyosi ji'i̱ lcaa ngu' quichi̱ bi' lo'o quii' tlyu ji'i̱ Ni li'. Jua'a̱ ca cuayá' ti' lcaa ñati̱ ña'a̱ cha' tlyu nu nchca ji'i̱ ycui' Ndyosi ndu'ni Ni; la cui' lo'o sca quii' tlyu nu ná nga'a̱ cha' tyubi' tsiya' ti, jua'a̱ xcube' Ni ji'i̱ lcaa ñati̱ nu ndu'ni cha' cuxi.
Tso'o ti ntsu'u tyiquee na ña'a̱ na ji'i̱ ycui' Ndyosi, cha' nu lo'o tyalaa tsa̱ lo'o tya̱a̱ Jesucristo chaca quiya' cha' cua'ni cuayá' Ni ji'i̱ lcaa ñati̱, li' tyucui tyiquee na taca tyacua tya'a na lo'o ycui' Ni. Ndya'a̱ Ni lo'o na laja lo'o ndi'i̱ na chalyuu, ñi'ya̱ nguta'a̱ Ni lo'o Jesucristo lo'o nguti'i̱ yu nde chalyuu, bi' cha' nga'aa ntsu'u cha' cutsi̱i̱ na.
Ca tiya' la li' xa' ngulo ycui' Ndyosi cña cha' ña'a̱ ti tyanu lcaa na nu ntsu'u nde cua̱, ña'a̱ ti tyanu lcaa lo na nu ntsu'u nde chalyuu, ña'a̱ cuayá' tyalaa tsa̱ nu cua'ni cuayá' Ni ji'i̱ lcaa na. Li' tye tyaqui̱ lcaa na bi', lo'o jua'a̱ tye cha' ji'i̱ lcaa ñati̱ nu ná ntsu'u cha' ji'i̱ lo'o ycui' Ndyosi.
La cui' ti cha' ngua cuxi ji'i̱ ngu' quichi̱ Sodoma lo'o ji'i̱ ngu' quichi̱ Gomorra, cha' cuxi tsa ngua'ni ngu' bi'; ngua'ni ñu'u̱ Ni tsiya' ti ji'i̱ tyucuaa quichi̱ bi'. Lo'o ndye ndyaqui̱ quichi̱ bi', jii lo'o nchcubi' tya ndyanu su nscua quichi̱ bi' nquicha'. Jua'a̱ ngua'ni ycui' Ndyosi nu ngua li', cha' ca cuayá' ti' lcaa ñati̱ nu ndiya ti' ndu'ni lcaa lo cha' cuxi, masi juani ti, masi nde loo la; xcube' Ni ji'i̱ ngu' bi' ña'a̱ cuayá' nu tye cha' ji'i̱ ngu' bi' tsiya' ti.
Jua'a̱ caca lacua, nu lo'o tyu'u lubii lcaa cha' nu ntsu'u ne' cresiya ji'i̱ ñati̱, tsa̱ li' lo'o culo Ni cña ji'i̱ Jesucristo cha' cua'ni cuayá' Ni ji'i̱ lcaa ñati̱; la cui' tyempo bi' culotu̱ Ni lcaa cha' nu ntsu'u cuaana ti ne' cresiya ji'i̱ ngu'. Jua'a̱ laca cha' nu nchcui' na' lo'o ñati̱ laja lo'o nclyu'u na' cha' tso'o ji'i̱ ycui' Ndyosi ji'i̱ ngu'.
Si ntsu'u quichi̱ su ná ndiya ti' ngu' cha' nu nchcui' ma̱ lo'o ngu', su ná nti' ngu' cha' tyanu ma̱ slo ngu', hora ti tsaa ma̱ xa' se'i̱. Lo'o jua'a̱ salú ma̱ sñii yuu nu ntsu'u quiya' ma̱ lo'o tyu'u ma̱ quichi̱ bi'; xqui'ya cha' bi', caca cuayá' ti' ngu' quichi̱ cha' cuxi tsa cña nu ngua'ni ngu' lo'o ma̱ li'.
Piblisite