SAN MARCOS 5:9 - Chatino Tataltepec

⁹ Li' nchcuane Jesús ji'i̱ yu quicha bi': ―¿Ni naa nu'u̱? ―nacui̱ Jesús ji'i̱. ―Quiña'a̱ tsa lo naa na' ―nacui̱ nu quicha―, cha' quiña'a̱ tsa tya'a cui'i̱ xña'a̱ ngusñi 'na ―nacui̱.

SAN MARCOS 5:9 Referans Kwoze

SAN LUCAS 8:30

Lo'o ndyacua tya'a Jesús lo'o yu quicha bi', li' nchcuane ji'i̱ yu: ―¿Ni naa nu'u̱? ―nacui̱ Jesús ji'i̱ yu. ―Quiña'a̱ tsa lo naa na' ―nacui̱ yu quicha bi' ji'i̱, cha' quiña'a̱ tsa cui'i̱ xña'a̱ ndyu'ni lya' ti' ji'i̱ yu.

SAN MARCOS 5:15

Nu lo'o ngulaa ngu' slo Jesús, li' na'a̱ ngu' ji'i̱ nu qui'yu nu ngua quicha bi'; na'a̱ ngu' cha' ti̱ ti nga'a̱ nu qui'yu bi', lacu' ste', cha' cua ndyaca tso'o. Nga'aa nxalú cui'i̱ xña'a̱ bi' ji'i̱. Ndyutsi̱i̱ tsa ngu' li'.

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN MARCOS 5:8

Tsa̱ ti cua ngulo Jesús cña ji'i̱ cui'i̱ xña'a̱ bi', cha' tyatsu' ji'i̱ yu quicha bi', bi' cha' tya'na nchcui' lo'o Jesús juani cha' ná xcube' yu ji'i̱. ―Tyu'u nu'u̱, tyaa nu'u̱ tsiya' ti ―nacui̱ Jesús ji'i̱ cui'i̱ xña'a̱ tsa̱ la.

SAN MARCOS 5:10

Lo'o li' ndijña tsa nu quicha bi' cha' ná cua'ni Jesús jo'o ji'i̱, cha' ná culo Jesús ji'i̱ nu cui'i̱ xña'a̱ bi' cha' tyaa; ná nti' cui'i̱ xña'a̱ bi' cha' tsaa xa' chalyuu tyijyu' la.