Biblia Todo Logo
Bib sou entènèt

- Piblisite -




SAN MARCOS 5:7 - Chatino Tataltepec

7 Cui̱i̱ ngusi'ya nu quicha bi' ji'i̱ Jesús li': ―¿Ñi'ya̱ cña nti' nu'u̱ jna'? ―nchcuane yu quicha ji'i̱ Jesús li'―. Nu'u̱ laca Jesús nu sca ti Sñi' ycui' Ndyosi, ycui' Ni nu laca loo la ―nacui̱―. Chacuayá' ji'i̱ ycui' Ndyosi, ná xcube' nu'u̱ jna'.

Gade chapit la Kopi




SAN MARCOS 5:7
29 Referans Kwoze  

Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi': ―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?


Ndyaa lca'a̱ cho' ji'i̱ Pablo lo'o ji'i̱ cuare. Cui̱i̱ tsa ngusi'ya nu cuna'a̱ quicha bi' lijya̱: ―Msu ji'i̱ ycui' Ndyosi nu laca loo laca ngu' re ―nacui̱ nu quicha bi'―. Culu'u ngu' ji'i̱ ma̱ ñi'ya̱ nu cua'ni lyaá ycui' Ndyosi ji'i̱ ma̱.


Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.


Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.


Bi' cha' juani ―nacui̱ nu ntucua nde cua̱ bi'―, ca chaa ti' cu'ma̱ nu ndi'i̱ ma̱ nde su ntucua ycui' Ndyosi; pana tya'na tsa caca cu'ma̱ nu ndi'i̱ ma̱ nde chalyuu, nu ndi'i̱ ma̱ nde lo tyujo'o. Cua ngua'ya ycui' nu xña'a̱ nde su ndi'i̱ ma̱, lo'o juani ñasi̱' tsa bi' ndya'a̱; cua jlo ti' bi' cha' tya xi tya tsa̱ ndyanu ji'i̱ cha' cua'ni lya' ti' ji'i̱ ñati̱ chalyuu.


Quichi̱ bi' ndi'i̱ xi ngu' judío nu ná ntsu'u quichi̱ tyi, na ndya'a̱ yu'u ti ngu' bi'. Nchcui' ngu' cha' nchca ji'i̱ ngu' bi' culo ngu' cui'i̱ cuxi nu ngusñi ji'i̱ ngu' quicha. Lo'o li' ngua ti' ngu' cha' culo ngu' cui'i̱ chacuayá' ji'i̱ Jesús nu Xu'na na, masi ná ngusñi ngu' cha' ji'i̱ ycui' Jesús. ―Chacuayá' ji'i̱ Jesús tyu'utsu' cui'i̱ nu ngusñi ji'i̱ ma̱ ―nacui̱ ngu' ji'i̱ ngu' quicha bi'―, la cui' Jesús nu nclu'u Pablo cha' ji'i̱ ―nacui̱ ngu'.


Lo'o cua na'a̱ yu ji'i̱ Jesús, li' cui̱i̱ ngusi'ya yu, nclyú yu nde loo Jesús. ―¿Na laca cua'ni nu'u̱ lo'o na', cusu' Jesús? ―nacui̱ yu quicha bi'―. Jlo ti' na' cha' nu'u̱ laca Sñi' ycui' Ndyosi nu laca loo la. Cua'ni nu'u̱ cha' clyu ti' jna', ná cua'ni nu'u̱ cha' ti'í lo'o na' ―nacui̱ yu quicha bi' ji'i̱ Jesús.


Nu ngu' quicha nu ntsu'u cui'i̱ cuxi ji'i̱ ngu' ni, nu lo'o na'a̱ ngu' quicha bi' ji'i̱ Jesús, li' ndyatu̱ sti̱' ngu' nde loo su ndu̱ yu. Cui̱i̱ nxi'ya ngu' xqui'ya cui'i̱ cuxi, cha' nslo cui'i̱ bi' ji'i̱ Jesús: ―Nu'u̱ laca nu sca ti Sñi' ycui' Ndyosi ―ndu'ni ngu' quicha bi'.


Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.


Lcaa ñati̱ nu ndu'ni xcui' cha' cuxi, cua laca ngu' bi' sñi' ycui' nu xña'a̱ nu laca xu'na cuiñaja; tya lyiji tye cha' cua'ni nu xña'a̱ bi' cha' cuxi. Sca ti Jesús nu Sñi' ycui' Ndyosi, cua ya̱a̱ Ni chalyuu cha' cua'ni tye Ni ji'i̱ lcaa cña nu ndyu'ni nu xña'a̱ bi'.


Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.


―¿Ñi'ya̱ cha' nti' nu'u̱ chcui' lo'o na', Jesús Nazaret? ―nacui̱ nu quicha bi'―. ¿Ha cua nti' nu'u̱ cua'ni tye nu'u̱ cha' jna'? ―nacui̱―. Pana nslo na' jinu'u̱. Ycui' nu lubii laca nu'u̱, lo'o cua nda ycui' Ndyosi jinu'u̱ lijya̱ ca nde.


Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.


Nu jyo'o Melquisedec bi' ni, xu'na quichi̱ Salem ngua nu cusu' bi'; cuentya ji'i̱ ycui' Ndyosi nu laca loo la ngua'ni yu cña cha' ngua yu sti jo'ó. Nu ngua tyempo bi' cua ndyaa lca'a̱ jyo'o Abraham ji'i̱ tyu̱u̱ tya'a rey xña'a̱, cha' ngusu̱u̱ tya'a yu lo'o ngu' bi', ndyujuii yu ji'i̱ nu ngu' xña'a̱ bi' li'. Tyucui̱i̱ lo'o ñaa yu, li' ngutu'u nu Melquisedec bi' ndyaa to' tyucui̱i̱ cha' tyacua tya'a lo'o nu Abraham bi'; ngulacua̱ ji'i̱ yu chacuayá' ji'i̱ ycui' Ndyosi li'.


Nu na, ñati̱ chalyuu na ni, sca ti cuaña' na, sca ti tañi na lo'o ngu' cusu' ji'na, jua'a̱ lo'o ngu' tya'a na. Ca ta'a na nu cua ngusñi na cha' ji'i̱ Jesús laca na ñati̱ chalyuu; bi' cha' lo'o nu Jesús bi' ngua yu ñati̱, cha' li' ngua ji'i̱ yu ngujuii yu cuentya ji'na. Sca ti jua'a̱ ngujui ñi'ya̱ tyiji̱loo yu ji'i̱ nu xña'a̱ nu nclyo cña nde ca bilyaa, su nti' nu xña'a̱ bi' cha' tsaa cresiya ji'i̱ lcaa ñati̱.


Nu lo'o ndyaa ngu' tyucui̱i̱ bi', li' ndyalaa ngu' ca su ntsu'u hitya. Li' nchcui' nu cusu' bi' lo'o Felipe: ―Nde nscua hitya ―nacui̱ yu―. ¿Ha ná cua'ni cha' tso'o ta chacuayá' tyucuatya nu'u̱ jna'?


Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.


Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;


―¿Ni cña cua'ni nu'u̱ ca nde, Jesús Nazaret? ―nacui̱ nu qui'yu quicha bi'―. ¿Ha na cua nti' nu'u̱ cua'ni tye nu'u̱ cha' 'na tsiya' ti? Nslo tso'o na' jinu'u̱, cha' ycui' nu lubii laca nu'u̱; cua nda ycui' Ndyosi jinu'u̱ lijya̱ ca nde.


Caca yu bi' sca ñati̱ tlyu. Ñacui̱ ngu' ji'i̱ yu cha' Sñi' ycui' Ndyosi nu Xu'na na nu tlyu la caca yu. La cui' tya'a cña tlyu nu ngua'ni jyo'o rey David, nu tya'a yu nu ya̱a̱ chalyuu cua sa'ni la, bi' cña laca nu ta ycui' nu Xu'na na ji'i̱ Jesús,


Ti̱ ti ndu̱ Jesús, ni sca cha' ná nguxacui̱ yu tsiya' ti. Bi' cha' xa' nchcuane sti jo'ó nu laca loo la ji'i̱ yu li': ―¿Ha chañi cha' Cristo laca nu'u̱? ―nacui̱―. ¿Ha nu'u̱ laca nu sca ti Sñi' ycui' Ndyosi nu ndu'ni tlyu na ji'i̱? ―nacui̱ sti jo'ó bi' ji'i̱ Jesús.


Ná tyu̱u̱ tsa̱ lyiji cha' cua'ni tye ycui' Ndyosi ji'i̱ nu xña'a̱, cha' nga'aa tyaca̱' cña cuxi nu ndu'ni nu xña'a̱ bi' tsiya' ti. Cua'ni Ni cha' ti̱ ti tyi'i̱ tyiquee ma̱, ñi'ya̱ ntsu'u tyiquee ycui' Ni; lo'o jua'a̱ ña'a̱ ti cua'ni Jesucristo nu Xu'na na cha' tso'o lo'o lcaa tya'a ma̱.


Juani tyijyu' ti ndu̱ nu quicha bi' na'a̱ ji'i̱ Jesús. Li' ngusna lijya̱ ndatu̱ sti̱' slo Jesús, cha' cua'ni tlyu ji'i̱.


Tsa̱ ti cua ngulo Jesús cña ji'i̱ cui'i̱ xña'a̱ bi', cha' tyatsu' ji'i̱ yu quicha bi', bi' cha' tya'na nchcui' lo'o Jesús juani cha' ná xcube' yu ji'i̱. ―Tyu'u nu'u̱, tyaa nu'u̱ tsiya' ti ―nacui̱ Jesús ji'i̱ cui'i̱ xña'a̱ tsa̱ la.


Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.


Swiv nou:

Piblisite


Piblisite