SAN MARCOS 5:2 - Chatino Tataltepec

² Cua tyu'u ti Jesús ne' yaca ni'i̱ lo'o ndyu'u tucua sca nu quicha, sca ngu' nu ngusñi cui'i̱ xña'a̱ ji'i̱. Ndi'i̱ nu quicha bi' ne' lo'o jyo'o.

SAN MARCOS 5:2 Referans Kwoze

SAN MARCOS 1:23

La cui' ne' laa bi' nga'a̱ sca nu qui'yu nu ntsu'u cui'i̱ cuxi ji'i̱. Ngusi'ya tsa yu ji'i̱ Jesús li':

SAN MARCOS 5:8

Tsa̱ ti cua ngulo Jesús cña ji'i̱ cui'i̱ xña'a̱ bi', cha' tyatsu' ji'i̱ yu quicha bi', bi' cha' tya'na nchcui' lo'o Jesús juani cha' ná xcube' yu ji'i̱. ―Tyu'u nu'u̱, tyaa nu'u̱ tsiya' ti ―nacui̱ Jesús ji'i̱ cui'i̱ xña'a̱ tsa̱ la.

SAN LUCAS 9:42

Pana nu lo'o ñaa nu quicha bi' cacua la, li' nguxlyú cui'i̱ cuxi bi' ji'i̱ yu quicha bi' nde lo yuu, lo'o li' lye tsa nguxalú cui'i̱ ji'i̱ yu. Li' ngulo Jesús cña ji'i̱ cui'i̱ cuxi nu ntsu'u ji'i̱ yu cha' tyu'u bi' tyaa, cua ndyaca tso'o yu quicha bi' li'. Cuati nacui̱ ji'i̱ sti yu cha' ca̱a̱ qui'ya ji'i̱ sñi', lo'o li' ndya Jesús ji'i̱ yu nu ngua quicha bi' ji'i̱ sti yu chaca quiya'.

SAN LUCAS 8:27

Lo'o cua ndu'u ngu' ne' yaca ni'i̱ bi', li' ndyacua tya'a Jesús lo'o sca nu qui'yu ngu' Gadara nu ntsu'u cui'i̱ xña'a̱ ji'i̱. Cua sa'ni ngusñi cui'i̱ ji'i̱ yu; tya li' ná nchcu' yu late', ná ndi'i̱ yu ni'i̱. Na ndya'a̱ yu'u ti yu, ndyija' yu ne' lo'o jyo'o.

SAN MARCOS 7:25

Lo'o jua'a̱ ntsu'u sca nu cuna'a̱ ngu' quichi̱ bi'; ngua cuayá' ti' mala su ndi'i̱ Jesús, bi' cha' ya̱a̱ ma' su ndi'i̱ yu. Cua ngusñi sca cui'i̱ cuxi ji'i̱ sca nu cuna'a̱ piti, sñi' nu cuna'a̱ bi'; bi' cha' ngutu̱ sti̱' xtya'a̱ nu piti nde loo Jesús,

SAN MARCOS 4:1

Chaca quiya' nguxana Jesús ngulu'u yu ji'i̱ ñati̱ to' tayu' bi'. Cua ndyu'u ti'i̱ quiña'a̱ tsa ñati̱ ca slo yu li'; hasta nga'aa ndyu'u scua yuu su tyu̱ quiya' yu, bi' cha' ndyatí̱ yu ca ne' sca yaca ni'i̱ sube nu ndacui to' hitya ti. Ne' yaca ni'i̱ bi' ndyaca'a̱ Jesús, ndyanu nu xa' la ñati̱ quiña'a̱ lo yuu btyi to' tayu' bi'.

SAN MARCOS 3:30

Nda Jesús cui̱i̱ bi' lo'o ngu' xqui'ya cha' nacui̱ ngu' cha' ngusñi cui'i̱ cuxi ji'i̱ yu.

SAN MARCOS 1:26

Li' nguxalú cui'i̱ cuxi bi' ji'i̱ nu quicha. Cui̱i̱ ngusi'ya yu lo'o ngutu'u cui'i̱ bi' ndyaa li'.

SAN MARCOS 3:9

Na'a̱ Jesús cha' quiña'a̱ tsa ñati̱ ndya'a̱ slo, li' nchcui' yu lo'o nu ngu' nu ndyaca tsa'a̱ ji'i̱ yu cha' culana ngu' sca yaca ni'i̱ sube, cha' ná satá ngu' ji'i̱ yu, cha' quiña'a̱ tsa ngu' ndi'i̱.

SAN MARCOS 4:36

Lo'o li' nguxtyanu ngu' ji'i̱ nu quiña'a̱ tsa ñati̱ nu ndi'i̱ cajua, ndyatí̱ Jesús lo'o tya'a ndya'a̱ yu ne' yaca ni'i̱ su ngua'a̱ yu cha' ngulu'u yu ji'i̱ nu ngu' quiña'a̱ bi' tsa̱ la. Ndu'u ngu' ndyaa ngu', lo'o xa' yaca ni'i̱ ndyaa lo'o.

SAN MARCOS 5:3

Su nguatsi' jyo'o ti ndi'i̱ nu quicha bi', cha' ná ngua ji'i̱ ngu' sca̱' ji'i̱; ni lo'o chcua̱ ná ngua ji'i̱ ngu'.

SAN MARCOS 5:21

Lo'o li' ñaa Jesús ne' yaca ni'i̱ ca nde tsu' tayu' chaca quiya'. Xa' ndyu'u ti'i̱ quiña'a̱ tsa ñati̱ slo Jesús nde to' tayu' bi'.