SAN MARCOS 4:15 - Chatino Tataltepec

¹⁵ Ñi'ya̱ laca si'yu nu ndyalú lo yuu tacalya to' tyucui̱i̱ lo'o li' ndye si'yu ndyacu quiñi, jua'a̱ laca ñati̱ nu lo'o ndyuna ngu' cha' tso'o ji'i̱ ycui' Ndyosi, ná nduna tso'o ngu' li'. Ñi'ya̱ laca yuu tacalya bi', jua'a̱ laca cresiya ji'i̱ ñati̱ bi'. Ñi'ya̱ laca lo'o ndye ndyacu quiñi si'yu to' tyucui̱i̱, jua'a̱ ca̱a̱ Satanás cha' cuityi̱ cha' tso'o bi', cha' nga'aa tyi'u ti' ngu' cha' tso'o bi' li'.

SAN MARCOS 4:15 Referans Kwoze

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

SAN MATEO 13:19

Lo'o cuna ñati̱ cha', ñi'ya̱ nu caca lo'o laca ycui' Ndyosi loo ne' cresiya ji'i̱ ngu', pana ná nchca cuayá' ti' ñati̱ bi' ni cha' laca bi', hora ti cua'ni xu'na cuiñaja cha' cuityi̱ cha' tso'o bi', cha' nga'aa xñi ngu' bi' cha' tso'o bi'. Laca ñati̱ bi' ñi'ya̱ laca lo'o ndyú si'yu to' tyucui̱i̱ ti.

2 CORINTIOS 2:11

cha' ná caca tyiji̱loo nu xña'a̱ nu naa Satanás ji'na; cua jlo tsa ti' na cha' tajua' tsa nu xña'a̱ bi'.

SAN LUCAS 8:12

Ñi'ya̱ laca nu tsa ycu' si'yu nu ndyú tyucui̱i̱ bi', jua'a̱ laca lo'o ñati̱ nu cua ndyuna cha' tso'o bi' nquicha', lo'o li' hora ti lijya̱ nu xña'a̱ cha' cuityi̱ cha' tso'o nu ntsu'u ne' cresiya ji'i̱ ngu' bi'; nga'aa ndyi'u ti' ngu' cha' tso'o bi', ni ná nchca clyaá ngu' bi' ji'i̱ nu cuxi li'.

SAN MARCOS 4:4

Nguscui̱ yu si'yu ji'i̱, lo'o ndyú xi si'yu bi' lo yuu tacalya to' tyucui̱i̱. Hora ti ñaa quiñi, ndye si'yu bi' ndyacu ni' ji'i̱.

LOS HECHOS 5:3

Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.

APOCALIPSIS 20:10

Lo'o li' tyucua ya' Ni ji'i̱ nu xña'a̱ nu ngüiñilo'o ji'i̱ ngu' tya clyo, tyalo'o Ni ji'i̱ lo tayu' su ntsu'u quii' ndyaqui̱ lo'o yuu sufri; la cui' se'i̱ laca su cua nchcua̱a̱ Ni ji'i̱ nu na'ni chiya'a̱ ña'a̱ bi', su cua nchcua̱a̱ Ni ji'i̱ nu cuiñi nu nacui̱ cha' tu'ba ji'i̱ ycui' Ndyosi laca. Tsa̱ lo'o talya ná tye cha' ti'í tsa chcube' ngu' ca bi'.

APOCALIPSIS 20:7

Lo'o tye nu sca mil yija̱ bi', li' tyu'u Satanás ne' chcua̱ su ngutu'ú yu nchcube' yu,

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

2 TESALONICENSES 2:9

Pana lo'o ca̱a̱ yu xña'a̱ bi', ca̱a̱ yu lo'o chacuayá' ji'i̱ ycui' Satanás bi', bi' cha' nchca tsa ji'i̱ yu bi' cua'ni yu cha' tlyu cha' cñilo'o ti yu ji'i̱ ñati̱ chalyuu, cha' culacua ti' ngu' cha' tlyu tsa laca ycui' yu xña'a̱ bi'.

SAN MATEO 22:5

Pana ná ndu'u tucua ñati̱ bi', cha' ná ndube ti' ngu' cha' ngujui clyo'o sñi' rey bi'; ndyaa ngu' cña ne' quixi̱', ndyaa xi xa' la ngu' ndyujui' ngu' yu'ba ji'i̱ ngu'.

APOCALIPSIS 12:9

cua ngulo'o Ni ji'i̱ ngu' nu ndu̱ cuentya ji'i̱ nu cuaña bi' li'. Sa'ni ndya'a̱ nu cuaña bi', ycui' nu xña'a̱ naa bi'; la cui' bi' laca nu naa Satanás. Xcui' na ñilo'o bi' ji'i̱ ñati̱ tyucui ña'a̱ chalyuu. Pana cua ngulo'o ycui' Ni ji'i̱ nu xña'a̱ lo'o xca̱ ji'i̱, ndyaa ngu' nde lo yuu chalyuu li'.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

HEBREOS 12:16

Cui'ya ma̱ cuentya cha' ni tsaca ma̱ ná caca ma̱ ñi'ya̱ ngua jyo'o Esaú; ngua'ni lya' ti' yu bi' ji'i̱ ñati̱ ji'i̱ yu, lo'o jua'a̱ ná ndube ti' yu ji'i̱ ycui' Ndyosi. Sñi' clyo ngua yu, pana ndye ndyujui' yu lcaa chacuayá' nu caja ji'i̱ yu nquicha', xqui'ya cha' ngua ti' yu cacu yu masi sca ti ca'ña scuaa; nguñilo'o tya'a ngula yu ji'i̱ yu li'.

LOS HECHOS 17:32

Nu lo'o ndyuna ngu' quichi̱ cha' bi', cha' cua ndyu'ú sca ñati̱ chaca quiya' ca su ntsiya ngujuii, li' nxtyí lo'o tsa ngu' ji'i̱ Pablo. Lo'o jua'a̱ ntsu'u xi xa' la ngu' nu nchcui' lo'o yu: ―Culu'u nu'u̱ cha' bi' ji'i̱ ya chaca quiya' chaca tsa̱ ―nacui̱ ngu' bi' ji'i̱ yu.

SAN MARCOS 4:14

Ñi'ya̱ laca ñati̱ nu ndyataa si'yu bi', jua'a̱ laca ñati̱ nu nchcui' cha' tso'o ji'i̱ ycui' Ndyosi lo'o xa' la ñati̱.

SAN MARCOS 4:16

Lo'o si'yu nu ndyalú lo yuu lati tu'ba chu̱' quee ni, bi' laca ñi'ya̱ laca ñati̱ nu tso'o tsa ntsu'u tyiquee ngu' lo'o clyo ndyuna ngu' cha' tso'o bi' ji'i̱ ycui' Ndyosi.