SAN MARCOS 3:9 - Chatino Tataltepec

⁹ Na'a̱ Jesús cha' quiña'a̱ tsa ñati̱ ndya'a̱ slo, li' nchcui' yu lo'o nu ngu' nu ndyaca tsa'a̱ ji'i̱ yu cha' culana ngu' sca yaca ni'i̱ sube, cha' ná satá ngu' ji'i̱ yu, cha' quiña'a̱ tsa ngu' ndi'i̱.

SAN MARCOS 3:9 Referans Kwoze

SAN JUAN 6:15

Hora ti ngua tii Jesús cha' ngua ti' ngu' taya' ngu' ji'i̱, cha' tsaa lo'o ngu' ji'i̱ cha' caca yu rey nu caca loo ji'i̱ ngu'. Bi' cha' ndu'utsu' Jesús ndyaa cuaana ti nde ca'ya, ndyaa yu sca ti yu.

SAN MARCOS 5:30

Pana hora ti ngua tii Jesús cha' cua ngua'ni yu jo'o ji'i̱ sca ñati̱, masi ná na'a̱ yu ji'i̱ nu quicha bi'. Li' nguxña'a̱ yu ji'i̱ nu ñati̱ quiña'a̱ nu lijya̱ nde chu̱' yu. ―¿Tilaca ndyala' ste' na'? ―nacui̱ yu ji'i̱ ngu'.

SAN MATEO 15:39

Lo'o ndye ndyacu ngu', li' nchcui' salya' Jesús lo'o nu ngu' quiña'a̱ bi', cha' tyaa ngu' to' tyi ngu'. Li' ndyatí̱ Jesús ne' yaca ni'i̱ sube, ndu'u yu ndyaa yu nde loyuu Magdala lo'o ngu' nu ndyaca tsa'a̱ ji'i̱.

SAN MARCOS 4:1

Chaca quiya' nguxana Jesús ngulu'u yu ji'i̱ ñati̱ to' tayu' bi'. Cua ndyu'u ti'i̱ quiña'a̱ tsa ñati̱ ca slo yu li'; hasta nga'aa ndyu'u scua yuu su tyu̱ quiya' yu, bi' cha' ndyatí̱ yu ca ne' sca yaca ni'i̱ sube nu ndacui to' hitya ti. Ne' yaca ni'i̱ bi' ndyaca'a̱ Jesús, ndyanu nu xa' la ñati̱ quiña'a̱ lo yuu btyi to' tayu' bi'.

SAN MARCOS 4:36

Lo'o li' nguxtyanu ngu' ji'i̱ nu quiña'a̱ tsa ñati̱ nu ndi'i̱ cajua, ndyatí̱ Jesús lo'o tya'a ndya'a̱ yu ne' yaca ni'i̱ su ngua'a̱ yu cha' ngulu'u yu ji'i̱ nu ngu' quiña'a̱ bi' tsa̱ la. Ndu'u ngu' ndyaa ngu', lo'o xa' yaca ni'i̱ ndyaa lo'o.

SAN MARCOS 5:2

Cua tyu'u ti Jesús ne' yaca ni'i̱ lo'o ndyu'u tucua sca nu quicha, sca ngu' nu ngusñi cui'i̱ xña'a̱ ji'i̱. Ndi'i̱ nu quicha bi' ne' lo'o jyo'o.

SAN MARCOS 6:32

Li' ndu'u ngu' ndyaa ngu' ne' yaca ni'i̱ sube ti, cha' tsaa ngu' xi su ná ntsu'u ñati̱.

SAN LUCAS 5:1

Ngua sca tsa̱ ndyaa Jesús to' tayu' Genesaret. Tyu̱u̱ tsa tya'a ñati̱ lca'a̱ ji'i̱ yu. Li' tachaa tsa ndi'i̱ ngu' ca su ndu̱ yu to' tayu' bi', cha' ngua ti' ngu' cuna ngu' lo'o nchcui' yu cha' ji'i̱ ycui' Ndyosi.

SAN LUCAS 5:3

Li' ndyatí̱ Jesús ne' sca yaca ni'i̱ ji'i̱ Simón, nchcui' lo'o yu cha' tucuni'i̱ yu ji'i̱ yaca ni'i̱ cha' tsaa ca lo hitya la xi. Ndyaa tucua Jesús nde siyu' ti yaca ni'i̱ bi', li' nguxana Jesús nclyu'u cha' ji'i̱ ycui' Ndyosi ji'i̱ ngu' quiña'a̱ bi'.