SAN MARCOS 3:7 - Chatino Tataltepec

⁷ Lo'o li' ndyaa Jesús to' tayu' lo'o nu ngu' nu ndyaca tsa'a̱ ji'i̱. Quiña'a̱ tsa ngu' Galilea ndyaa ngu' ndyaa lca'a̱ ngu' ji'i̱ cha' cuna ngu' cha' nu nclyu'u yu.

SAN MARCOS 3:7 Referans Kwoze

SAN LUCAS 6:17

Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'.

SAN MATEO 4:25

Bi' cha' ndu'u lca'a̱ quiña'a̱ tsa ñati̱ ji'i̱, masi ngu' Galilea, masi ngu' lcaa quichi̱ nde Decápolis, masi ngu' quichi̱ Jerusalén, masi ngu' xa' quichi̱ nde loyuu su cuentya Judea, masi ngu' quichi̱ chaca tsu' sta'a̱ Jordán. Quiña'a̱ tsa quichi̱ ngutu'u ngu' ndyaa lca'a̱ ngu' ji'i̱ Jesús li'.

SAN MATEO 12:15

Pana ngua cuaya' ti' Jesús lcaa ña'a̱ cha' cuxi nu ntsu'u tyiquee ngu' fariseo, bi' cha' ndu'u yu ndyaa yu xa' se'i̱. Quiña'a̱ tsa ngu' ngutu'u lca'a̱ ngu' ji'i̱ yu, lo'o jua'a̱ ngua'ni yu cha' ndyaca tso'o lcaa ngu' quicha bi'.

SAN LUCAS 23:5

Pana nu ngu' bi' ni, chaca quiya' lye la nchcui' ngu', cui̱i̱ tsa ngusi'ya ngu' ji'i̱ Pilato bi' li': ―Na ngusu'ba ñasi̱' ti yu re ji'i̱ lcaa ñati̱ Judea lo'o cha' nu ngulu'u yu ji'i̱ ngu' ―nacui̱ ngu'―. Nde Galilea nguxana yu re, lo'o hasta ca nde nclyu'u yu cha' cuxi bi' ji'i̱ ngu' juani.

SAN LUCAS 6:12

Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN MARCOS 1:39

Ndu'u ngu' ndyaa ngu' lo'o yu li'. Lcaa quichi̱ su ndya'a̱ Jesús nde Galilea bi' ndyaa yu ne' laa ji'i̱ ngu', cha' culu'u yu ji'i̱ ngu' bi'. Lo'o jua'a̱ ngulo yu cui'i̱ cuxi nu ngusñi ji'i̱ ngu', cha' tyaca tso'o ngu' quicha nu ntsu'u cui'i̱ ji'i̱.

SAN MATEO 10:23

Tso'o xna ma̱ nde xa' quichi̱ nu lo'o lye tsa cua'ni lya' ti' ngu' ji'i̱ ma̱. Cha' liñi nchcui' na' lo'o ma juani: Bilya ta ma̱ cha' 'na lo'o ngu' Israel tya'a na nde lcaa quichi̱ tyi ngu' nu lo'o ca̱a̱ na' chalyuu chaca quiya', na' nu cua nda Ni 'na lijya̱a̱ cha' caca na' ñati̱.

LOS HECHOS 17:14

Lo'o ngua tii ñati̱ ji'i̱ Jesucristo cha' jua'a̱ nti' ngu' judío bi', hora ti ngusalya' ngu' lo'o Pablo cha' tyaa yu tyucui̱i̱ to' tyujo'o; pana ndyanu Silas lo'o Timoteo quichi̱ bi'.

LOS HECHOS 17:10

Nu ngu' nu ntsu'u cha' ji'i̱ lo'o Jesús ca bi', hora ti ngua'ni cho'o ngu' tyucui̱i̱ ji'i̱ Pablo lo'o Silas cha' tyaa ngu'; la cui' talya ndu'u ngu' ndyaa ngu' ca quichi̱ Berea. Lo'o ndyalaa ngu' nde quichi̱ bi', li' ndyatí̱ ngu' ndyaa ngu' ne' laa ji'i̱ ngu' judío.

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.

SAN JUAN 7:41

Lo'o jua'a̱ nchcui' xi xa' la ngu' cha' ji'i̱ yu: ―Yu jua laca nu ñati̱ tlyu nu nda ycui' Ndyosi ji'i̱ cha' ca̱a̱ ―nacui̱ ngu'. Li' nguxtyacui xa' la ngu' quichi̱ cha' lo'o tya'a ngu': ―Pana si'i nde Galilea tyu'u nu ñati̱ tlyu bi', si'i jua'a̱ caca.

SAN MATEO 12:16

Lo'o li' ngulo yu cña ji'i̱ ngu' nu ngua quicha bi', cha' ná cacha' ngu' tilaca laca nu ngua'ni cha' ndyaca tso'o ngu'.

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MARCOS 3:20

Xa' ndyu'u ti'i̱ ñati̱ ca slo Jesús li'. Cha' quiña'a̱ tsa ñati̱ ndi'i̱, ná ngujui tyempo cha' cacu yu lo'o tya'a ndya'a̱ yu.

SAN MARCOS 4:1

Chaca quiya' nguxana Jesús ngulu'u yu ji'i̱ ñati̱ to' tayu' bi'. Cua ndyu'u ti'i̱ quiña'a̱ tsa ñati̱ ca slo yu li'; hasta nga'aa ndyu'u scua yuu su tyu̱ quiya' yu, bi' cha' ndyatí̱ yu ca ne' sca yaca ni'i̱ sube nu ndacui to' hitya ti. Ne' yaca ni'i̱ bi' ndyaca'a̱ Jesús, ndyanu nu xa' la ñati̱ quiña'a̱ lo yuu btyi to' tayu' bi'.