SAN MARCOS 3:3 - Chatino Tataltepec

³ Lo'o li' nchcui' yu lo'o nu quicha bi': ―Ca̱a̱ nu'u̱, tyu̱ cla'be ne' laa re ―nacui̱ Jesús ji'i̱.

SAN MARCOS 3:3 Referans Kwoze

1 PEDRO 4:1

Lo'o ndyi'u ti' ma̱ cha' nchcube' Cristo nde chalyuu, li' caca nguula la ti' ma̱ cha' talo tyiquee ma̱ lo'o chcube' cu'ma̱; ñi'ya̱ nu ndalo tyiquee ycui' Cristo, jua'a̱ taca talo tyiquee ma̱ lo'o chcube' ma̱ li'. Nga'aa caca cua'ni cha' cuxi ngana ji'i̱ ma̱ si lo'o cu'ma̱ chcube' ma̱ jua'a̱.

FILIPENSES 1:14

Lo'o jua'a̱ cua ña'a̱ ca ngu' tya'a ngusñi na cha' ji'i̱ Jesús, tsa ndu̱ cua tso'o la jlya ti' ngu' cha' ji'i̱ nu Xu'na na juani, cua tlyu la xi tyiquee ngu' juani; nga'aa ntsi̱i̱ ngu' chcui' ngu' cha' ji'i̱ ycui' Ndyosi lo'o xa' ñati̱, xqui'ya cha' ná ntsi̱i̱ na' lo'o ntsu'u na' ne' chcua̱ re.

GÁLATAS 6:9

Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

SAN JUAN 9:4

Lo'o tya xee nga'a̱ cha' cua'ni na cña ―nacui̱ Jesús―, lo'o cua ndyaa cuichaa nga'aa caca cua'ni ni sca na cña li'. Lo'o jua'a̱ laca lo'o na' ―nacui̱―, nga'a̱ cha' cua'ni na' lcaa ña'a̱ cña nu ngulo ycui' Ndyosi jna' lo'o nda Ni jna' lijya̱ na' ca nde ―nacui̱ Jesús―.

SAN LUCAS 6:8

Pana hora ti ngua cuayá' ti' Jesús lcaa ña'a̱ cha' nu nclyacua ti' ngu'. Li' nacui̱ Jesús ji'i̱ yu nu nchcu̱' ya' bi': ―Tyatu̱ clya nu'u̱, yaa tyu̱ cla'be laja ngu' jua ―nacui̱ Jesús ji'i̱ nu quicha bi'. Li' ndyatu̱ yu quicha bi', ndyaa yu cajua su nacui̱ Jesús ji'i̱ yu.

SAN MATEO 12:10

Li' na'a̱ yu cha' ndi'i̱ sca nu qui'yu nu quicha ya', cha' cua nchcu̱' tyucuí̱ sca tsu' ya'. Li' nchcuane ngu' ji'i̱ Jesús: ―¿Ha ntsu'u chacuayá' ji'na cha' cua'ni na jo'o ji'i̱ ngu' quicha tsa̱ ta'a, nu lo'o nga'a̱ cha' tyi'i̱ cña' na? ―nacui̱ ngu' ji'i̱ Jesús. Nti' tsa ngu' bi' sta ngu' qui'ya hichu̱' Jesús.

SAN MARCOS 3:2

Ña'a̱ tsa xi ngu' tacati, nu ngu' fariseo bi', ña'a̱ tsa ngu' ji'i̱ Jesús si cua'ni yu jo'o ji'i̱ nu quicha bi', cha' tsa̱ ta'a nu ndi'i̱ cña' ngu' judío ngua. Nti' ngu' tlyu bi' quijeloo qui'ya cha' sta ngu' hichu̱' Jesús.

SAN MARCOS 3:4

Li' nchcuane Jesús ji'i̱ lcaa ngu' bi': ―¿Ha ntsu'u chacuayá' ji'na cua'ni na sca cha' tso'o tsa̱ nu ndi'i̱ cña' ngu'? ―nacui̱ yu ji'i̱ ngu' tlyu bi'―. ¿Ha tso'o la si cua'ni na sca cha' cuxi tsa̱ bi'? ―nacui̱―. ¿Ha ná tso'o cua'ni na jo'o ji'i̱ ngu' li', nti' ma̱? ¿Ha tso'o la si ta na chacuayá' cajaa ngu' quicha tsa̱ bi' lacua? ―nacui̱ Jesús. Nga'aa ngujui la ñi'ya̱ chcui' nu ngu' tlyu bi' lo'o Jesús li'.