SAN MARCOS 3:11 - Chatino Tataltepec

¹¹ Nu ngu' quicha nu ntsu'u cui'i̱ cuxi ji'i̱ ngu' ni, nu lo'o na'a̱ ngu' quicha bi' ji'i̱ Jesús, li' ndyatu̱ sti̱' ngu' nde loo su ndu̱ yu. Cui̱i̱ nxi'ya ngu' xqui'ya cui'i̱ cuxi, cha' nslo cui'i̱ bi' ji'i̱ Jesús: ―Nu'u̱ laca nu sca ti Sñi' ycui' Ndyosi ―ndu'ni ngu' quicha bi'.

SAN MARCOS 3:11 Referans Kwoze

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

SAN LUCAS 8:28

Lo'o cua na'a̱ yu ji'i̱ Jesús, li' cui̱i̱ ngusi'ya yu, nclyú yu nde loo Jesús. ―¿Na laca cua'ni nu'u̱ lo'o na', cusu' Jesús? ―nacui̱ yu quicha bi'―. Jlo ti' na' cha' nu'u̱ laca Sñi' ycui' Ndyosi nu laca loo la. Cua'ni nu'u̱ cha' clyu ti' jna', ná cua'ni nu'u̱ cha' ti'í lo'o na' ―nacui̱ yu quicha bi' ji'i̱ Jesús.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.

SAN MATEO 8:29

Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi': ―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?

SAN MATEO 4:3

Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.

LOS HECHOS 16:17

Ndyaa lca'a̱ cho' ji'i̱ Pablo lo'o ji'i̱ cuare. Cui̱i̱ tsa ngusi'ya nu cuna'a̱ quicha bi' lijya̱: ―Msu ji'i̱ ycui' Ndyosi nu laca loo laca ngu' re ―nacui̱ nu quicha bi'―. Culu'u ngu' ji'i̱ ma̱ ñi'ya̱ nu cua'ni lyaá ycui' Ndyosi ji'i̱ ma̱.

SAN MATEO 8:31

Li' ngua'ni cui'i̱ xña'a̱ bi', cha' ngüijña ngu' quicha chacuayá' ji'i̱ Jesús cuentya ji'i̱ cui'i̱ bi'. ―Jlo ti' ya cha' nti' nu'u̱ culo cui'i̱ nu ntsu'u ji'i̱ ya, cha' cua'ni nu'u̱ jo'o ji'i̱ ya ―nacui̱ ngu' bi' ji'i̱ Jesús―. Bi' cha' ta xi chacuayá' ji'i̱ cui'i̱ cha' tsaa xñi ji'i̱ cube' nu ndya'a̱ jua.

SAN MATEO 4:6

―¿Ha chañi cha' nu sca ti Sñi' ycui' Ndyosi laca nu'u̱? ―nacui̱ nu xña'a̱ ji'i̱ Jesús―. Tso'o si tyú nu'u̱ ca lo yuu lacua, cha' cua nscua sca cha' lo quityi ji'i̱ ycui' Ndyosi ndi'ya̱: Culo ycui' Ndyosi cña ji'i̱ xca̱ ji'i̱ Ni cha' ña'a̱si̱i̱ ngu' jinu'u̱, nacui̱ quityi. Lo'o jua'a̱ nscua chaca cha': Lo'o ya' ti xca̱ ji'i̱ Ni xatu̱ ngu' jinu'u̱, cha' ná ca quicha quiya' nu'u̱ su tyú nu'u̱ chu̱' quee. Jua'a̱ nscua lo quityi ―nacui̱ nu xña'a̱.

SAN MATEO 14:33

Ngua'ni tlyu ngu' nu ndi'i̱ ne' yaca ni'i̱ bi' ji'i̱ Jesús, lo'o ti ndatu̱ sti̱' ngu' slo yu. ―Chañi cha' nu'u̱ laca nu sca ti Sñi' ycui' Ndyosi ―nacui̱ ngu' ji'i̱.

SAN MARCOS 1:1

Nde nscua cha' nu ntsu'u su̱u̱ cha' tso'o ji'i̱ Jesucristo, nu sca ti Sñi' ycui' Ndyosi.

1 CORINTIOS 11:34

Si ntsu'u ma̱ nu ntyute' ma̱, jacu ma̱ tyaja to' tyi ti ma̱ clyo. Lo'o li' nga'aa cua'ni cuxi ma̱ lo'o tyu'u ti'i̱ ma̱, li' ná ntsu'u cha' caca tyaala Ni ji'i̱ ma̱. Lo'o ca̱a̱ na', taca quiñi nu xa' la cha' bi' ji'na lo'o cu'ma̱ li'.