SAN MARCOS 2:7 - Chatino Tataltepec

⁷ “¿Ni cha' nchcui' yu re jua'a̱?” ngulacua ti' ngu'. “Sca ti ycui' Ndyosi caca cua'ni clyu ti' ji'i̱ ñati̱ nu ntsu'u qui'ya ji'i̱. Sca qui'ya tlyu laca lo'o nchcui' nu qui'yu re cha' cuityi̱ yu qui'ya nu ntsu'u ji'i̱ ñati̱ chalyuu, cha' ná nchca ji'i̱ ni sca ñati̱ chalyuu cuityi̱ qui'ya nu ntsu'u ji'i̱ ñati̱.”

SAN MARCOS 2:7 Referans Kwoze

SAN LUCAS 5:21

Li' ngulacua tsa ti' ngu' mstru cha' jo'ó lo'o ngu' fariseo: “¿Tilaca laca nu qui'yu re? ¿Ni cha' laca re? Cuxi tsa nchcui' yu cha' ji'i̱ ycui' Ndyosi lo'o nchcui' yu jua'a̱”, nclyacua ti' ngu'. “Ná taca ji'i̱ sca ñati̱ chalyuu ñi'ya̱ nti' yu re, ná taca cua'ni clyu ti' ji'i̱ qui'ya nu ntsu'u ji'i̱ ñati̱; sca ti ycui' Ndyosi taca ji'i̱ Ni cuityi̱ Ni qui'ya nu ntsu'u ji'i̱ ñati̱.” Jua'a̱ nclyacua ti' ngu'.

SAN LUCAS 7:49

Lo'o nu ñati̱ nu ñaa stu'ba ti lo'o Jesús cha' cacu ngu' xlyaa slo Simón, nguxana ngu' bi' nchcui' ngu' lo'o tya'a ngu': ―¿Tilaca laca nu qui'yu re? ¿Macala ngujui chacuayá' ji'i̱ yu cha' cuityi̱ yu qui'ya nu ntsu'u ji'i̱ ngu'? ―nacui̱ ngu'.

SAN JUAN 10:33

Li' nguxtyacui nu ngu' judío bi' cha' lo'o Jesús: ―Ná cujuii ya jinu'u̱ lo'o quee xqui'ya sca cña tso'o nu ngua'ni nu'u̱ ―nacui̱ ngu'―, xqui'ya cha' cuxi nu nchcui' nu'u̱ ji'i̱ ycui' Ndyosi, bi' cha' cu̱ ya quee jinu'u̱. Sñi' ñati̱ chalyuu ti laca nu'u̱, pana ndu'ni nu'u̱ cha' laca nu'u̱ ycui' Ndyosi.

SAN MARCOS 14:64

Na cua ndyuna ma̱ cha' tonu tsa cha' suba' nu nchcui' yu re ji'i̱ ycui' Ndyosi, nu lo'o nacui̱ yu cha' nu sca ti Sñi' ycui' Ndyosi laca ycui' yu. ¿Ñi'ya̱ chcui' ma̱ ji'i̱ cha' bi'? Lcaa ngu' nguxacui̱ ngu' cha' ji'i̱ nu laca loo bi', cha' nga'a̱ cha' cajaa Jesús.

SAN MATEO 26:65

Lo'o li' nu xu'na sti jo'ó bi' ni, ycui' ca yu ngusaa' ste' yu cha' ñasi̱' tsa yu. ―Cuiñi tsa yu re, cha' suba' nchcui' yu re ji'i̱ ycui' Ndyosi ―nacui̱ sti jo'ó bi' ji'i̱ lcaa tya'a ngu' nu laca loo li'―. Nga'aa nti' na cha' sta xa' la ñati̱ qui'ya ji'i̱ yu re. Cua ndyuna na cha' suba' tonu tsa nu nchcui' yu re, nu lo'o nacui̱ yu cha' Sñi' ycui' Ndyosi laca yu.

SAN MATEO 9:3

Lo'o li' ngulacua xi ti' mstru cha' jo'ó nu ndu̱ cacua ti: “Cha' cuxi nchcui' nu qui'yu re cuentya ji'i̱ ycui' Ndyosi”. Jua'a̱ ngulacua ti' ngu'.

SAN JUAN 10:36

¿Ni cha' laca ngusta cu'ma̱ qui'ya jna' slo ycui' Ndyosi lo'o nacui̱ ma̱ cha' nchcui' na' cha' cuxi ji'i̱ ycui' Ni? ―nacui̱ Jesús―. Cua ngusubi Sti na' jna', nda Ni 'na lijya̱a̱ nde chalyuu. ¿Ni cha' laca ná tso'o nti' ma̱ cha' nacui̱ na' cha' nu sca ti Sñi' ycui' Ndyosi laca na'?

SAN MARCOS 2:6

Lo'o li' ndube tsa ti' mstru nu nclu'u cha' jo'ó ne' laa nu nga'a̱ ne' ni'i̱ bi'.

SAN MARCOS 2:8

Pana nda Jesús cuentya ñi'ya̱ laca cha' nu nclyacua ti' ngu'. Nchcui' yu lo'o mstru bi' li': ―¿Ni cha' cuxi tsa nclyacua ti' ma̱ ndi'i̱ ma̱? ―nacui̱ Jesús ji'i̱ mstru bi'―.