SAN MARCOS 2:25 - Chatino Tataltepec

²⁵ Nguxacui̱ Jesús cha' ji'i̱ ngu' li': ―¿Ha bilya ña'a̱ ma̱ lo quityi ji'i̱ ycui' Ndyosi nu nscua ñi'ya̱ nu ngua'ni jyo'o David? Ngua sca tsa̱ ntyute' tsa ycui' yu, lo'o jua'a̱ ntyute' tsa tya'a ndya'a̱ yu ―nacui̱ Jesús ji'i̱ ngu'―.

SAN MARCOS 2:25 Referans Kwoze

SAN LUCAS 10:26

Li' nguxtyacui Jesús cha' lo'o yu: ―¿Ni cña ngulo ycui' Ndyosi ji'na nu nscua lo quityi nu ngua sa'ni? ¿Ñi'ya̱ ndyu'u ta cha' bi' nti' nu'u̱?

SAN MARCOS 12:26

¿Ha ná jlya ti' ma̱ cha' tyu'ú jyo'o chaca quiya'? ¿Ha bilya chcui' ma̱ lo quityi nu nguscua jyo'o Moisés cua sa'ni la? Tso'o la si chcui' ma̱ ñi'ya̱ nscua cha' ji'i̱ yaca quiche' bi', nu lo'o nchcui' ycui' Ndyosi lo'o Moisés ndi'ya̱: “Ycui' Ndyosi Xu'na Abram laca na'”, nacui̱ ycui' Ni ji'i̱ Moisés; “ycui' Ndyosi Xu'na Isaac laca na', ycui' Ndyosi Xu'na Jacob laca na'”.

SAN MARCOS 12:20

¿Ñi'ya̱ caca li'? Ngua sca quiya' ndi'i̱ cati tya'a nu qui'yu, xcui' tya'a ngula ngu'. Ngujui clyo'o nu cusu' la, pana yala ti ngujuii li', lo'o bilya caja sñi' ngu'.

SAN MATEO 22:31

Chañi cha' ntsu'u cha' tyu'ú lcaa jyo'o chaca quiya'. ¿Ha bilya chcui' ma̱ cha' lo quityi nu nchcui' ycui' Ndyosi lo'o ma̱? Ndi'ya̱ nchcui' quityi bi':

SAN MATEO 21:42

Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;

SAN MATEO 21:16

Hora ti nchcui' ngu' bi' lo'o Jesús: ―¿Ha ná ndyuna nu'u̱ cha' cuiñi nu nchcui' nu sube re cuentya jinu'u̱? ―nacui̱ ngu' bi' ji'i̱ Jesús. ―Cua ndyuna na' ―nacui̱ Jesús li'―. Si'i cha' cuiñi laca cha' nu nchcui' nu sube re. ¿Ha bilya chcui' ma̱ lo quityi nu nscua sca cha' ndi'ya̱?: Ndula tu'ba cubi', ndula tu'ba nu sube cuañi'; chañi cha' ndu'ni tlyu ngu' bi' ji'i̱ ycui' Ndyosi.

SAN MATEO 19:4

―¿Ha bilya chcui' ma̱ lo quityi cha' ji'i̱ ycui' Ndyosi? ―nacui̱ Jesús ji'i̱ ngu' bi'―. “Clyo ngüiñá Ni ji'i̱ ñati̱, sca nu qui'yu lo'o sca nu cuna'a̱”, jua'a̱ nscua lo quityi bi'.

SAN MATEO 4:2

Lo'o li' tu'ba tsa̱ tu'ba talya ná ndyacu Jesús tsiya' ti, ntyute' tsa yu li'.

SAN MARCOS 2:24

Lo'o li' na'a̱ ngu' fariseo ñi'ya̱ nu ngua'ni ngu' bi'. Li' nchcui' ngu' fariseo bi' lo'o Jesús: ―Tsa̱ ta'a, tsa̱ ndi'i̱ cña' na laca juani ―nacui̱ ngu' fariseo ji'i̱ Jesús―. Tsa̱ tacati laca. ¿Ni cha' laca ndyu'ni ngu' bi' cña nu ná ntsu'u chacuayá' cua'ni na tsa̱ juani? ―nacui̱ ngu'.

SAN MARCOS 2:26

Ngua jyo'o Abiatar loo ji'i̱ lcaa sti jo'ó tyempo bi', lo'o li' ndyatí̱ jyo'o David bi' ne' ni'i̱ su cuentya ji'i̱ ycui' Ndyosi cajua, ngusñi yu xlyá nu laca msta̱ ji'i̱ ycui' Ndyosi, nu ntucua tacati lo mesa; ndyacu ngu' xlyá bi', masi sca ti sti jo'ó ntsu'u chacuayá' cacu ji'i̱ nquicha' ―nacui̱ Jesús ji'i̱ ngu' fariseo bi'.