SAN MARCOS 2:16 - Chatino Tataltepec

¹⁶ Li' nteje tacui xi ngu' fariseo lo'o mstru cha' jo'ó nu tya'a ndya'a̱ ngu'. Tacati tsa ycui' ngu', nti' ngu', pana lye tsa ndu'ni tyucuaa ti' ngu' ji'i̱ xa' ñati̱. Na'a̱ ngu' bi' ti lo'o ndyacu Jesús ne' ni'i̱ bi'. Hora ti nchcui' ngu' bi' lo'o ngu' nu ndyaca tsa'a̱ ji'i̱ Jesús: ―¿Ni cha' laca cha' ndyacu nu xu'na ma̱ lo'o ngu' cuxi jua, lo'o nu msu ji'i̱ ngu' xa' tsu' nu quiña'a̱ tsa cñi cña loo ngu' nxñi ngu' jua?

SAN MARCOS 2:16 Referans Kwoze

SAN LUCAS 19:10

Cua nda Ni 'na lijya̱a̱ cha' caca na' ñati̱ cha' clyana na' ji'i̱ ñati̱ nu nguna' chalyuu ji'i̱ xqui'ya nu cuxi, lo'o jua'a̱ cua'ni lyaá na' ji'i̱ ngu' bi'.

SAN LUCAS 18:11

Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.

1 CORINTIOS 2:15

Taca ca cuayá' ti' na ñi'ya̱ ndyu'u lcaa cha' si cua ntsu'u Xtyi'i ycui' Ndyosi ne' cresiya ji'na, lo'o li' ná taca xacui̱ ngu' xi xa' la cha' ji'na.

LOS HECHOS 23:9

Bi' cha' lye tsa nxu̱u̱ tya'a ngu' bi'. Lo'o li' ndyatu̱ xi ngu' fariseo nu nslo tso'o ji'i̱ quityi ji'i̱ ycui' Ndyosi. ―Ná ngua'ni nu qui'yu re cha' cuxi ―nacui̱ ngu' bi'―. Ná tso'o xu̱u̱ tya'a na lo'o ycui' Ndyosi si chañi cha' cua nchcui' sca cui'i̱ tso'o lo'o yu re, si cua nchcui' sca xca̱ ji'i̱ ycui' Ndyosi lo'o yu.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

HEBREOS 12:3

Culacua tso'o ti' ma̱ ji'i̱ lcaa cha' cuxi nu ngua ji'i̱ Jesús tyempo bi'. Ndalo tsa tyiquee yu ji'i̱ cha' cuxi bi' li', masi liye' tsa ti' ngu' cuxi ña'a̱ ngu' ji'i̱ yu. Bi' cha' lo'o cu'ma̱ ni, ná ntsu'u cha' ca ñu'u̱ ti' ma̱ xqui'ya Jesús, ná ntsu'u cha' ca taja ti' ma̱ ji'i̱ Ni.

SAN MARCOS 2:7

“¿Ni cha' nchcui' yu re jua'a̱?” ngulacua ti' ngu'. “Sca ti ycui' Ndyosi caca cua'ni clyu ti' ji'i̱ ñati̱ nu ntsu'u qui'ya ji'i̱. Sca qui'ya tlyu laca lo'o nchcui' nu qui'yu re cha' cuityi̱ yu qui'ya nu ntsu'u ji'i̱ ñati̱ chalyuu, cha' ná nchca ji'i̱ ni sca ñati̱ chalyuu cuityi̱ qui'ya nu ntsu'u ji'i̱ ñati̱.”

SAN MATEO 18:17

Lo'o li', si ná tyaja'a̱ ngu' tya'a ma̱ bi' taquiya' ngu' tsiya' ti ji'i̱ tucua sna tya'a ma̱, li' cacha' ma̱ cha' bi' ji'i̱ taju ñati̱ ji'i̱ cu'ma̱, nu stu'ba ndu'ni tlyu ma̱ ji'i̱ ycui' Ndyosi. Lo'o li' si ña'a̱ ti ná tyaja'a̱ nu ngu' tya'a ma̱ bi' taquiya' ngu' ji'i̱ cha' nu nchcui' ca ta'a taju tya'a ma̱ lo'o ngu', li' nga'aa cua'ni tya'a ma̱ lo'o ngu' bi' lacua. Ñi'ya̱ si cua laca ngu' ñati̱ nu ná ntsu'u cha' ji'i̱ lo'o ycui' Ndyosi tsiya' ti, ñi'ya̱ si laca ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, jua'a̱ cua'ni ma̱ lo'o ngu' bi' li'.

SAN MATEO 9:11

Lo'o na'a̱ ngu' fariseo cha' ndyacu Jesús lo'o ngu' bi', hora ti nchcui' ngu' lo'o ngu' nu ndyaca tsa'a̱ ji'i̱ yu: ―¿Ni cha' stu'ba ti ndacu xu'na ma̱ lo'o ngu' nu ná tso'o, masi lo'o ngu' re nu laca msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ngu'? ―nacui̱ ngu' fariseo bi'.

SAN MATEO 5:46

La cui' ti ná tso'o si xcui' ji'i̱ ngu' tya'a tso'o ti ma̱ tso'o ntsu'u tyiquee ma̱ ña'a̱ ma̱ ji'i̱. Si'i na tso'o la taquiya' ycui' Ndyosi ji'i̱ ma̱ si jua'a̱ ti ndu'ni ma̱, cha' jua'a̱ ndu'ni cua ña'a̱ ca ñati̱; masi ñati̱ tso'o, masi ñati̱ cuxi, masi ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, lcaa ngu' bi' ndu'ni tyaca'a ngu' ji'i̱ tya'a tso'o ti ngu'.

SAN MARCOS 2:15

Ca tiya' la ndyacu Jesús to' tyi Leví. Stu'ba ndyacu yu lo'o tyu̱u̱ tya'a ngu' cuxi, jua'a̱ lo'o tyu̱u̱ tya'a ngu' tya'a ndyu'ni cña lo'o Leví, nu quiña'a̱ tsa cñi cña loo nxñi ji'i̱ ñati̱ cuentya ji'i̱ ngu' xa' tsu' bi'; quiña'a̱ tsa ngu' bi' nti' ngu' cuna ngu' cha' nu nchcui' Jesús. Nga'a̱ Jesús ni'i̱ bi' lo'o nu ngu' nu ndyaca tsa'a̱ ji'i̱.

SAN LUCAS 5:30

Li' nguxana ngu' fariseo nu tacati tsa ndu'ni ngu', nti' ngu', lo'o nu mstru cha' jo'ó bi', nguxlyú ngu' cha' hichu̱' ngu' nu ndyaca tsa'a̱ ji'i̱ Jesús. ―¿Ni cha' laca cha' stu'ba ti ndacu ma̱ tyaja, stu'ba ti nga'a̱ ma̱ lo'o ngu' cuxi cua? ―nacui̱ ngu'―. Msu ji'i̱ ngu' xa' tsu' laca ngu' cua, nu cuiñi ti nxñi quiña'a̱ tsa cñi cña loo ñati̱. Lo'o jua'a̱ ntucua xi xa' la ngu' nu ndya'a̱ calle ti.