SAN MARCOS 2:15 - Chatino Tataltepec

¹⁵ Ca tiya' la ndyacu Jesús to' tyi Leví. Stu'ba ndyacu yu lo'o tyu̱u̱ tya'a ngu' cuxi, jua'a̱ lo'o tyu̱u̱ tya'a ngu' tya'a ndyu'ni cña lo'o Leví, nu quiña'a̱ tsa cñi cña loo nxñi ji'i̱ ñati̱ cuentya ji'i̱ ngu' xa' tsu' bi'; quiña'a̱ tsa ngu' bi' nti' ngu' cuna ngu' cha' nu nchcui' Jesús. Nga'a̱ Jesús ni'i̱ bi' lo'o nu ngu' nu ndyaca tsa'a̱ ji'i̱.

SAN MARCOS 2:15 Referans Kwoze

SAN LUCAS 15:1

Lcaa nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu' bi' ni, ñaa ngu' slo Jesús cha' cuna ngu' ni cha' nda yu; jua'a̱ xa' la ngu' cuxi, ñaa ngu' slo Jesús li'.

SAN LUCAS 6:17

Li' nguxtyu̱u̱ Jesús ngua'ya sii' cua'a̱ bi' lo'o nu taju ñati̱ bi' ji'i̱, nguti'i̱ xi nde sca su nati̱' lo'o nu tyu̱u̱ tya'a ñati̱ nu ndyaca tsa'a̱ ji'i̱ bi'. Lo'o jua'a̱ ndyalaa quiña'a̱ tsa xa' la ñati̱ slo Jesús, ngu' nu ndu'u loyuu su cuentya Judea, lo'o jua'a̱ ngu' nu ndu'u nde quichi̱ Jerusalén, lo'o jua'a̱ ngu' nu ndu'u to' tyujo'o su ndi'i̱ quichi̱ Tiro, su ndi'i̱ quichi̱ Sidón. Cua ndyalaa ngu' ca bi', cha' cuna ngu' cha' nu nchcui' Jesús lo'o ngu'; jua'a̱ nti' ngu' cha' cua'ni Jesús jo'o ji'i̱ quicha nu ntsu'u ji'i̱ ngu'.

SAN MATEO 5:46

La cui' ti ná tso'o si xcui' ji'i̱ ngu' tya'a tso'o ti ma̱ tso'o ntsu'u tyiquee ma̱ ña'a̱ ma̱ ji'i̱. Si'i na tso'o la taquiya' ycui' Ndyosi ji'i̱ ma̱ si jua'a̱ ti ndu'ni ma̱, cha' jua'a̱ ndu'ni cua ña'a̱ ca ñati̱; masi ñati̱ tso'o, masi ñati̱ cuxi, masi ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, lcaa ngu' bi' ndu'ni tyaca'a ngu' ji'i̱ tya'a tso'o ti ngu'.

SAN MARCOS 2:14

Laja lo'o ndya'a̱ ti Jesús, li' nteje tacui yu to' ni'i̱ su ntucua Leví sñi' Alfeo nu nxñi cñi cña loo ngu' cuentya ji'i̱ ngu' xa' tsu' nu laca loo. ―Tsaa nu'u̱ lo'o na' ―nacui̱ Jesús ji'i̱ nu Leví bi'. Lo'o li' hora ti ndyatu̱ Leví nguxana yu ndya'a̱ yu lo'o Jesús.

SAN MARCOS 2:16

Li' nteje tacui xi ngu' fariseo lo'o mstru cha' jo'ó nu tya'a ndya'a̱ ngu'. Tacati tsa ycui' ngu', nti' ngu', pana lye tsa ndu'ni tyucuaa ti' ngu' ji'i̱ xa' ñati̱. Na'a̱ ngu' bi' ti lo'o ndyacu Jesús ne' ni'i̱ bi'. Hora ti nchcui' ngu' bi' lo'o ngu' nu ndyaca tsa'a̱ ji'i̱ Jesús: ―¿Ni cha' laca cha' ndyacu nu xu'na ma̱ lo'o ngu' cuxi jua, lo'o nu msu ji'i̱ ngu' xa' tsu' nu quiña'a̱ tsa cñi cña loo ngu' nxñi ngu' jua?