SAN MARCOS 2:10 - Chatino Tataltepec

¹⁰ Tso'o lacua. Nti' na' cha' caca cuayá' ti' ma̱ cha' ntsu'u chacuayá' jna' cua'ni clyu ti' na' ji'i̱ ñati̱ chalyuu nu ntsu'u qui'ya ji'i̱; ntsu'u chacuayá' jna', xqui'ya cha' cua nda Ni 'na lijya̱a̱ lo yuu chalyuu cha' caca na' ñati̱. Caca cuayá' ti' ma̱ lo'o ña'a̱ ma̱ cha' tyaca tso'o nu quicha re juani ―nacui̱ Jesús. Li' xa' nchcui' yu lo'o nu quicha bi':

SAN MARCOS 2:10 Referans Kwoze

SAN MATEO 16:13

Lo'o ca tiya' la, li' ndyalaa ngu' loyuu su cuentya quichi̱ Cesarea de Filipo. Xa' nchcui' Jesús lo'o ngu' nu ndyaca tsa'a̱ ji'i̱, nchcuane yu ji'i̱ ngu' li': ―¿Na laca nacui̱ ñati̱ cuentya 'na? ¿Tilaca laca na' nu cua nda Ni 'na lijya̱a̱ nde cha' caca na' ñati̱? ―nacui̱ Jesús ji'i̱ ngu' bi'.

LOS HECHOS 5:31

Nchca ji'i̱ Jesús bi' cuityi̱ yu cha' cuxi nu ntsu'u ji'i̱ ñati̱ chalyuu. Ycui' Jesús laca nu Xu'na na, bi' cha' la'a tsu' cui̱ ca su ntucua Ni nda ycui' Ndyosi su tyi'i̱ Jesús. Ngua'ni Ni jua'a̱ cha' caja ñi'ya caca tyuju'u ti' na nu laca na ngu' Israel ji'i̱ qui'ya nu ntsu'u ji'na, lo'o jua'a̱ cui'ya Ni cha' clyu ti' ji'na li'.

SAN MARCOS 2:9

Ná ndiya ti' ma̱ cha' cua nacui̱ na' ji'i̱ nu quicha re: “Cua ngua'ni clyu ti' na' jinu'u̱ ji'i̱ qui'ya nu ntsu'u hi̱”. ¿Ha tso'o la si chcui' na' lo'o nu quicha lacua: “Tyatu̱ nu'u̱, xatu'ba nu'u̱ catya̱ jinu'u̱ cha' tyaa lo'o ji'i̱ to' tyi”? ―nacui̱ Jesús―.

SAN MARCOS 2:11

―Culo na' cña jinu'u̱ juani ―nacui̱ Jesús ji'i̱―. Tyatu̱ nu'u̱, xatu'ba nu'u̱ catya̱ jinu'u̱, cha' tsaa lo'o nu'u̱ ji'i̱ ca to' tyi.