SAN MARCOS 2:1 - Chatino Tataltepec

¹ Ca tiya' la xi nguxtyu̱u̱ Jesús ndyaa ca quichi̱ Capernaum bi'. Hora ti nguañi cha' tyucui ña'a̱ quichi̱ cha' cua ndyalaa yu.

SAN MARCOS 2:1 Referans Kwoze

SAN JUAN 4:47

Lo'o cua ndyuna nu laca cña bi', cha' ngutu'u Jesús loyuu su cuentya Judea ndyalaa yu sca quichi̱ cacua ti su ndi'i̱ nu cusu' bi', la cui' nde loyuu su cuentya Galilea, li' ndyaa nu cusu' bi' slo Jesús. Ndijña tsa cha' clyu ti' ji'i̱ Jesús cha' tsaa yu quichi̱ tyi nu cusu' bi', cha' tsaa yu cua'ni yu jo'o ji'i̱ nu piti quicha bi', cha' cua cajaa ti.

SAN MARCOS 7:24

Lo'o li' ndu'u Jesús ndyaa tyijyu' nde loyuu su cuentya quichi̱ Sidón, nde su cuentya quichi̱ Tiro li'. Ngua ti' yu cha' tyanu yu sca ne' ni'i̱ cuaana ti cajua; pana ná ngua ji'i̱, cha' yala ti ngujui cha' ji'i̱ ngu' macala ndi'i̱ yu.

SAN LUCAS 5:18

Li' ndyalaa lo'o ngu' ji'i̱ sca nu quicha nu ntsiya ne' catya̱, cha' cua nchcu̱' tyucuí̱ tyucui ña'a̱ yu quicha bi'. Ngua ti' ngu' cha' tyatí̱ ngu' toni'i̱ su nga'a̱ Jesús, cha' tsaa lo'o ngu' ji'i̱ nu quicha bi' ca su ndu̱ ycui' Jesús, ña'a̱ lo'o catya̱ ngua ti' ngu'.

SAN MARCOS 1:45

Pana ná ndyuna tso'o nu ngua quicha bi'. Ndu'u ndyaa, nchcui' lo'o lcaa ñati̱ ñi'ya̱ ngua cha' ngua tso'o, bi' cha' nga'aa ngua ji'i̱ Jesús tyu'u ta'a̱ lquichi̱; ndyanu yu ne' quixi̱' ti su ná ndi'i̱ ñati̱. Li' ndya'a̱ tsa ngu' slo yu, masi ngu' xa' quichi̱ tyijyu' la ngutu'u ngu' ndyaa ngu' slo yu.

SAN MATEO 9:1

Lo'o li' xa' ndyatí̱ Jesús ne' yaca ni'i̱ bi', cha' tyeje tacui lo tayu' cha' tya̱a̱ quichi̱ tyi.

LOS HECHOS 2:6

Li' nguxana ndyu'u ti'i̱ ngu' bi' ca su ndañi cha' bi'. Ná ngua cuayá' ti' ngu' bi' tsiya' ti ñi'ya̱ nu ngua, cha' lcaa ngu' tyijyu' ndyuna ngu' cha' nchcui' nu ñati̱ ji'i̱ Jesucristo bi' cha'cña ji'i̱ ycui' ca ngu' tyijyu' bi'.

SAN MATEO 4:13

Pana ná ndyanu yu nde Nazaret; nguxcutsa'a̱ yu su ndi'i̱ yu, ndyaa yu ca quichi̱ Capernaum to' tayu'. Nscua quichi̱ bi' loyuu su ndu'ni ngu' sa'ni cha' su cuentya Zabulón lo'o su cuentya Neftalí laca bi'.

SAN MARCOS 2:2

Li' quiña'a̱ tsa ñati̱ ndyu'u ti'i̱ ngu' slo yu; ná ndyu'u scua nde ni'i̱ su tyi'i̱ ngu', lo'o la cui' ti cha' to' ni'i̱ nde liya' tachaa tsa ndi'i̱ ngu'. Lo'o li' nclyu'u Jesús cha' tso'o ji'i̱ ycui' Ndyosi ji'i̱ ngu'.

SAN MARCOS 3:20

Xa' ndyu'u ti'i̱ ñati̱ ca slo Jesús li'. Cha' quiña'a̱ tsa ñati̱ ndi'i̱, ná ngujui tyempo cha' cacu yu lo'o tya'a ndya'a̱ yu.

SAN MARCOS 7:17

Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.

SAN MARCOS 9:28

Lo'o li' ndu'u Jesús ndyaa yu nde ne' ni'i̱. Li' nchcui' nu ngu' nu ndyaca tsa'a̱ ji'i̱ lo'o yu su ntucua ycui' ti ngu': ―¿Ni cha' ná ngua ji'i̱ ya culo ya ji'i̱ cui'i̱ nu ntsu'u ji'i̱ nu quicha bi'? ―nacui̱ ngu' ji'i̱ Jesús.

SAN LUCAS 4:23

Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.