SAN MARCOS 16:10 - Chatino Tataltepec

¹⁰ Lo'o cua na'a̱ María ji'i̱ ycui' Jesús, hora ti ndu'u María ñaa slo nu xa' la tya'a ngu' nu ndyaca tsa'a̱ ji'i̱ yu, cha' cacha' ji'i̱ ngu' ñi'ya̱ ngua cha'. Nxi'ya ngu' nga'a̱ ngu', cha' xñi'i̱ tsa ti' ngu' cha' ngujuii Jesús.

SAN MARCOS 16:10 Referans Kwoze

SAN JUAN 20:18

Li' ndyaa María Magdalena su ndi'i̱ ngu' nu ngua tsa'a̱ ji'i̱, ndyaa cacha' ji'i̱ ngu': ―Cua na'a̱ na' ji'i̱ ycui' nu Xu'na na tsa̱ ―nacui̱. Lo'o li' nda nu cuna'a̱ bi' cha' lo'o ngu', lcaa ña'a̱ cha' nu cua nacui̱ Jesús ji'i̱.

SAN JUAN 16:6

Xñi'i̱ tsa ti' ma̱ xqui'ya cha' nu nda na' lo'o ma̱ tsa̱.

SAN LUCAS 24:17

Li' nchcuane Jesús ji'i̱ ngu': ―¿Ni cha' nchcui' tube cu'ma̱ lo'o lijya̱ ma̱ tyucui̱i̱ re? ¿Ni cha' laca xñi'i̱ ti' ma̱? ―nacui̱ Jesús ji'i̱ ngu'. Se'i̱ ti ndyatu̱ ngu',

SAN MARCOS 14:72

Hora ti xa' ngusi'ya ndye'e. Li' ntsu'u ti' Pedro ñi'ya̱ ngua cha' nu cua nchcui' Jesús lo'o tsa̱: “Ndi'ya̱ cua'ni nu'u̱ ndyi, Pedro; chcui' nu'u̱ lo'o ñati̱ sna quiya' cha' ná nslo nu'u̱ 'na, nu lo'o tya lyiji xi'ya ndye'e tucua quiya'”. Bi' cha' nxi'ya tsa Pedro li'.

SAN MATEO 9:15

Li' nguxacui̱ Jesús cha' ji'i̱ ngu' bi': ―Lo'o caja clyo'o ngu' ni, ndacu ngu' nu ndya'a̱ lo'o cutsii; ná ndi'i̱ ngu' xñi'i̱ ti' ngu' tsa̱ bi' lo'o ndi'i̱ ngu' lo'o cutsii ―nacui̱ Jesús ji'i̱ ngu' li'―. Pana nu lo'o tyalaa tsa̱ li', nu lo'o tyaa lo'o ngu' ji'i̱ cutsii, li' ná cacu ngu' tya'a tso'o cutsii, cha' caca xñi'i̱ ti' ngu' li'. La cui' jua'a̱ chaa ti' tya'a tso'o na' juani, pana caca xñi'i̱ ti' ngu' re nde loo la.

SAN MATEO 24:30

Li' nde cua̱ tyu'u tucua cuayá' nu sta na' nu cua nda Ni 'na lijya̱a̱ cha' caca na' ñati̱. Lye tsa caca xñi'i̱ ti' lcaa ñati̱ chalyuu nu ndi'i̱ cua ña'a̱ ca quichi̱ tyi ngu', xi'ya tsa ngu' li'. Lo'o na' nu cua nda Ni 'na lijya̱a̱ cha' caca na' ñati̱ ni, ña'a̱ ngu' 'na cha' lijya̱ na' laja coo nu ndubi tsa ña'a̱; lye xi ña'a̱ caca li', cha' lo'o lcaa juersa 'na ca̱a̱ na' li'.

SAN MATEO 19:22

Lo'o ndyuna yu cuañi' bi' cha' nu nda Jesús lo'o yu, ndu'u yu ndyaa yu li'; xñi'i̱ xi ti' yu cha' nchcui' Jesús cha' bi', cha' culiya' tsa yu.