SAN MARCOS 16:1 - Chatino Tataltepec

¹ Nu lo'o cua ndye tsa̱ nu ndi'i̱ cña' ngu' judío, li' nu María Magdalena lo'o María xtya'a̱ Jacobo lo'o Salomé ni, ndyaa ngu' ngüi'ya ngu' setye tyixi xtyi'i; tsaa lo'o ngu' ji'i̱ setye bi', cha' ta'a̱ setye bi' ña'a̱ tsaca chu̱' jyo'o bi' nti' ngu'.

SAN MARCOS 16:1 Referans Kwoze

SAN LUCAS 23:56

Li' nguxtyu̱u̱ ngu' ñaa ngu' nde quichi̱ chaca quiya'. Li' ngua'ni cho'o ngu' hitya tyixi xtyi'i, jua'a̱ setye nu tso'o tsa xtyi'i cha' tyu'u chu̱' jyo'o bi'. Pana ngua'a̱ cña' ngu' tsa̱ ta'a bi', ñi'ya̱ nu nscua cña lo quityi nu ngua sa'ni cha' cua'ni ngu'.

SAN MARCOS 15:40

Laja li' tyijyu' ti ndu̱ sca taju ngu' cuna'a̱ ña'a̱ cui'ya ngu' ji'i̱ Jesús; lo'o María Magdalena, lo'o chaca María xtya'a̱ Jacobo nu cuañi' la, la cui' xtya'a̱ José laca bi', lo'o Salomé ndu̱.

SAN JUAN 19:31

Ta'a si̱i̱ pascua ngua, lo'o jua'a̱ ná nti' nu ngu' judío bi', cha' tyanu jyo'o lo crusi chaca tsa̱. Ndube tsa ti' ngu' cha' tacati tsa tsa̱ ta'a bi'; bi' cha' ndyaa ngu' slo Pilato, ngüijña ngu' cha' ji'i̱ nu cusu' cha' cula'a sendaru tyijya̱ quiya' ngu' nu ndacui lo crusi, cha' cajaa clya ngu' li'. Hasta li' caja ñi'ya̱ nu caca ta'ya ngu' ji'i̱ jyo'o bi' lo yuu.

SAN JUAN 19:25

Laja li' ndu̱ xtya'a̱ Jesús cacua ti su ngujui'i̱ ca'a̱ ngu' ji'i̱ yu lo crusi bi'. Ndu̱ lo'o sca nu cuna'a̱ tya'a ngula, lo'o María clyo'o Cleofas, lo'o María Magdalena.

SAN MARCOS 16:8

Li' ndu'u ngu' tyuquee nxna ngu' ndyaa ngu'. Lye tsa nchcua̱ ngu', cha' ndube tsa ti' ngu'. Pana ná nchcui' ngu' lo'o xa' ñati̱ tyucui̱i̱ cha' ndyutsi̱i̱ tsa ngu'.

SAN MARCOS 15:47

Lo'o María Magdalena, lo'o María xtya'a̱ José ni, na'a̱ ngu' su nguatsi' jyo'o Jesús.

SAN MARCOS 14:8

Cua ngua'ni nu cuna'a̱ re lcaa ña'a̱ cha' nu nchca ji'i̱. Na cua ngua'ni ma' cha' caca tyixi xtyi'i loo na' juani; masi tya lyiji cajaa na', yala la ngua'ni cho'o ma' ji'i̱ tyucui ña'a̱ na' cha' xatsi' ngu' 'na.

SAN MARCOS 14:3

Lo'o li' nga'a̱ Jesús to' tyi Simón nu ngusñi quicha ndyatsu' cuaña'. Ca quichi̱ Betania ntucua tyi nu Simón bi'. Lo'o nga'a̱ ngu' to' mesa ndyacu ngu', li' ndyalaa sca nu cuna'a̱ slo ngu' lo'o sca caatya̱ quee alabastro, nu ngutsa'á̱ lo'o setye tyixi xtyi'i nu laca setye nardo; quiña'a̱ tsa nga'a̱ setye bi'. Li' ngucha nu cuna'a̱ bi' tu'ba caatya̱, ngusalú setye lo xlya hique Jesús su ntucua yu.

SAN LUCAS 23:54

Tsa̱ ta'a si̱i̱ laca, bi' cha' tii ti ndi'i̱ ngu' cha' cua xana ti ta'a.

SAN MARCOS 15:42

Cua ngusi̱i̱ xi, la cui' tsa̱ ta'a si̱i̱ laca bi', cha' chaca tsa̱ bi' caca tsa̱ nu tyi'i̱ cña' ngu' judío.

SAN MARCOS 16:2

Cua nguxee chaca tsa̱ li', tsa̱ clyo ji'i̱ semana. Lo'o ntyucua cuichaa, li' hora ti ndu'u ngu' cuna'a̱ bi' ndyaa ngu' su ntsu'u jyo'o Jesús tyuquee bi'.

SAN LUCAS 24:1

Nu lo'o cua quixee ti tsa̱ clyo ji'i̱ semana bi', tlya tsa ndyaa nu ngu' cuna'a̱ bi' to' cuaá su nguatsi' jyo'o Jesús. Ndyi'ya ngu' hitya tyixi xtyi'i nu cua ngua'ni cho'o ngu'. Lo'o xa' nu cuna'a̱ ndyaa ngu' lo'o.