SAN MARCOS 15:10 - Chatino Tataltepec

¹⁰ Cua nchcui' Pilato jua'a̱ xqui'ya cha' ngua tii cha' liye' tsa ti' sti jo'ó nu laca loo ji'i̱ Jesús, bi' cha' ndya'a̱ lo'o ngu' ji'i̱ yu slo ycui' Pilato.

SAN MARCOS 15:10 Referans Kwoze

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

SAN MATEO 27:18

Jlo ti' nu Pilato bi', cha' liye' tsa ti' ngu' nu laca loo bi' ña'a̱ ngu' ji'i̱ Jesús, bi' cha' cua ngusu'ba ngu' ji'i̱ ne' chcua̱.

1 JUAN 3:12

Ná cua'ni na ñi'ya̱ nu ngua'ni jyo'o Caín; sñi' ycui' nu xña'a̱ ngua yu bi', cha' ndyujuii yu ji'i̱ tya'a yu. ¿Ni cha' laca ngua'ni yu jua'a̱? Ndyujuii yu ji'i̱ tya'a yu xqui'ya cha' xcui' cha' cuxi ngua'ni jyo'o Caín bi', bi' cha' ná ndiya ti' yu cha' xcui' cha' tso'o ngua'ni yu tya'a yu bi'.

SANTIAGO 4:5

Ndi'ya̱ nscua cha' lo quityi ji'i̱ ycui' Ndyosi, lo'o jua'a̱ si'i cha' laja ti nda Ni: “Nu Xtyi'i ycui' Ndyosi nu nda Ni cha' tyanu ne' cresiya ji'na, ntsu'u tsa tyiquee Ni ña'a̱ Ni ji'na; pana yala tsa caca chi̱i̱ ti' Ni ji'na, si lo'o ntsu'u sca cha' cuxi loo”. Jua'a̱ nacui̱ quityi.

LOS HECHOS 13:45

Ñasi̱' tsa nu ngu' judío bi' lo'o na'a̱ ngu' ji'i̱ nu quiña'a̱ tsa ñati̱ bi'. Nchcui' suba' ngu' judío lo'o Pablo li', nacui̱ ngu' cha' cuiñi tsa cha' nu nclu'u yu bi'.

SAN MARCOS 15:9

―¿Ha cua nti' ma̱ cha' cua'ni lyaá na' ji'i̱ yu cua nu laca rey ji'i̱ cu'ma̱ ngu' judío? ―nacui̱ Pilato ji'i̱ nu ngu' quiña'a̱ bi'.

SAN MARCOS 15:11

Pana ndijña ngu' quiña'a̱ ji'i̱ Pilato cha' cua'ni lyaá ji'i̱ Barrabás, si'i ji'i̱ Jesús. Na cua nchcui' nu ngu' quiña'a̱ bi' lo'o Pilato cha' clyaá ji'i̱ Barrabás, xqui'ya cha' la cui' sti jo'ó nu laca loo cua nchcui' tsa lo'o ngu' cha' jua'a̱ jña ngu' cha' ji'i̱ Pilato.