SAN MARCOS 13:8 - Chatino Tataltepec8 Xu̱u̱ tya'a ñati̱ sca tsu' lo'o ngu' chaca tsu', jua'a̱ xu̱u̱ tya'a ñati̱ sca quichi̱ tlyu lo'o ñati̱ chaca quichi̱ tlyu, tyu̱u̱ se'i̱ clyacui̱ chalyuu li'. Lo'o jua'a̱ lcua ti se'i̱ caja jbi'ña ji'i̱ ngu'. Pana lcaa cha' bi' caca lo'o chca nguxana ti cha' chcube' ñati̱ chalyuu, si'i na cua tye ti chalyuu li'. Gade chapit la |
“Ti̱ ti ndi'i̱ chalyuu, tso'o ti ndi'i̱ na”, ñacui̱ ngu'; pana la cui' hora bi' tye cha' ji'i̱ lcaa ñati̱ chalyuu, nga'aa caja mala xna ngu' li'. Ñi'ya̱ laca sca nu cuna'a̱ tana, cha' ná jlo ti' ni hora caca nu cala sñi', ni hora ca̱a̱ nu ti'í ji'i̱; jua'a̱ caca lo'o cua tyalaa ti hora bi' li', cha' ná jlo ti' na ni tsa̱ caca.
Agabo naa tsaca ngu' bi'. Cua nda Xtyi'i ycui' Ndyosi sca cui̱i̱ lo'o nu Agabo bi' cha' chcui' yu lo'o ngu'. Li' nchcui' Agabo lo'o ngu' cha' cua ca̱a̱ ti sca jbi'ña tlyu tsa tyucui ña'a̱ chalyuu. Chañi cha' jua'a̱ ngua cha' nu nda Agabo bi', pana nde loo la ngua cha' bi', nu lo'o ngua Claudio rey nu laca loo.
’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.