SAN MARCOS 13:7 - Chatino Tataltepec

⁷ ’Tyempo bi' cañi cha' nxu̱u̱ tya'a ngu' nasiyu̱ re lo'o ngu' xa' nasiyu̱, lo'o jua'a̱ caja cha' ji'i̱ ma̱ cha' nxu̱u̱ tya'a ngu' nasiyu̱ tyijyu'. Ná cutsi̱i̱ ma̱ li'.

SAN MARCOS 13:7 Referans Kwoze

SAN JUAN 14:27

’Ndi'ya̱ cua'ni na' lo'o ma̱ cha' cua tya'a ti na': cua'ni na' cha' ti̱ ti tyi'i̱ tyiquee ma̱. Ná nchca ji'i̱ ñati̱ chalyuu tyi'i̱ ti̱ ti ngu', pana ycui' na' cua'ni na' cha' ti̱ ti tyi'i̱ ma̱ ―nacui̱ Jesús―. Nga'aa culacua tsa ti' ma̱, nga'aa cutsi̱i̱ ma̱ ―nacui̱―.

LOS HECHOS 17:3

ngulu'u yu cha' ji'i̱ ycui' Ndyosi ji'i̱ ngu', cha' nu nchcui' quityi cusu' ji'i̱ Cristo ñi'ya̱ nu ntsu'u cha' xcube' ngu' ji'i̱, lo'o li' ñi'ya̱ tyu'ú nu Cristo bi' chaca quiya' lo'o cua ndyujuii ngu' ji'i̱. ―Nchcui' na' lo'o ma̱ cha' ji'i̱ Jesús ―nacui̱ Pablo ji'i̱ ngu' li'―. Ñi'ya̱ nu nchcui' quityi ji'i̱ nu Cristo bi', la cui' jua'a̱ ngua ji'i̱ Jesús ―nacui̱―. La cui' Cristo laca nu Jesús bi'.

SAN MATEO 18:7

¡Tya'na tsa ñati̱ chalyuu re! Ntsu'u tsa cha' cuxi nu ndu'ni ñu'u̱ ji'i̱ tyiquee ñati̱. Lcaa hora ntsu'u cha' cuxi jua'a̱ nde chalyuu, pana tlyu tsa cha' caca ji'i̱ ñati̱ nu ndatsaa ji'i̱ tya'a cha' cua'ni ngu' cha' cuxi; tlyu tsa cha' ti'í tyacua ji'i̱ ñati̱ bi' nde loo la.

SAN JUAN 14:1

’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.

SAN MATEO 2:3

Lo'o nu rey Herodes ni, ndyutsi̱i̱ tsa yu lo'o ndyuna yu cha' nu nchcui' ngu' tii bi', cha' cua'ni tlyu ngu' ji'i̱ chaca rey. Lo'o jua'a̱ lcaa ngu' quichi̱ Jerusalén ndyutsi̱i̱ tsa ngu' ñi'ya̱ cua'ni rey Herodes.

SAN MARCOS 13:6

Nde loo la ca̱a̱ quiña'a̱ ñati̱ nu chcui' cha' cuiñi ti ji'i̱ ycui' na'. Chcui' ngu' cha' ycui' Cristo laca ngu', lo'o jua'a̱ cñilo'o ngu' bi' ji'i̱ quiña'a̱ ñati̱ nu jlya ti' cha' bi'.

SAN MARCOS 13:8

Xu̱u̱ tya'a ñati̱ sca tsu' lo'o ngu' chaca tsu', jua'a̱ xu̱u̱ tya'a ñati̱ sca quichi̱ tlyu lo'o ñati̱ chaca quichi̱ tlyu, tyu̱u̱ se'i̱ clyacui̱ chalyuu li'. Lo'o jua'a̱ lcua ti se'i̱ caja jbi'ña ji'i̱ ngu'. Pana lcaa cha' bi' caca lo'o chca nguxana ti cha' chcube' ñati̱ chalyuu, si'i na cua tye ti chalyuu li'.