SAN MARCOS 12:6 - Chatino Tataltepec

⁶ ’Chaca tya ñati̱ ndyanu ji'i̱ xu'na cña bi', sca sñi' yu nu tyaca'a tsa ji'i̱ yu laca bi'. Li' nda xu'na cña ji'i̱ sñi' ycui' ca cha' tsaa na'a̱ ji'i̱ nu ngu' nu lya' ti' bi'. “Ná tyiquee' taquiya' ngu' ji'i̱ sñi' na'”, ngua ti' xu'na bi'.

SAN MARCOS 12:6 Referans Kwoze

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

1 JUAN 4:9

Ngulu'u Ni ji'na ñi'ya̱ ntsu'u tsa tyiquee Ni ña'a̱ Ni ji'na, nu lo'o cua nda Ni ji'i̱ nu sca ti Sñi' ycui' ca Ni ya̱a̱ chalyuu, cha' jua'a̱ taca caja chalyuu cucui ji'na.

HEBREOS 1:6

Tya clyo lo'o cua ta ti ycui' Ndyosi ji'i̱ Sñi' ycui' ca Ni cha' ca̱a̱ yu chalyuu, li' nacui̱ Ni: Lcaa xca̱ nu ntsu'u cuentya jna' nde cua̱, nga'a̱ cha' cua'ni tlyu ngu' xca̱ bi' ji'i̱ Sñi' na'.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN JUAN 3:35

Ntsu'u tsa tyiquee ycui' Ndyosi Sti yu ña'a̱ Ni ji'i̱ Sñi' Ni, la cui' Jesús bi'; lo'o jua'a̱ lcaa chacuayá' nu ntsu'u ji'i̱ ycui' Ni, la cui' ti cua nda Ni ji'i̱ Sñi' Ni lijya̱.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 1:18

Ni sca ñati̱ ná na'a̱ ngu' ji'i̱ ycui' Ndyosi; sca ti Jesús nu ngulu'u ji'na ñati̱ chalyuu na ñi'ya̱ laca ycui' Ndyosi. Lo'o nu Jesús bi' ni, laca yu nu sca ti Sñi' ycui' Ndyosi, nu tyaca'a tsa ji'i̱ Ni.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN LUCAS 9:35

Li' nguañi xtyi'i sca ñati̱, pana hora ti ngua cuayá' ti' ngu' cha' nchcui' ycui' Ndyosi laja coo bi'. ―La cui' yu re laca Sñi' na'; tyaca'a tsa yu 'na ―nacui̱ Ni―. Cua'a̱ jyaca̱ ma̱ ji'i̱ cha' nu chcui' yu re lo'o ma̱ ―nacui̱ Ni.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN MARCOS 9:7

Lo'o li' ndu'u tucua sca coo nguxi̱i̱ tyucui ña'a̱ hichu̱' ngu' su ndu̱ ngu', li' nguañi nchcui' ycui' Ndyosi lo'o ngu' laja coo bi': ―La cui' yu re laca nu sca ti Sñi' na' ―nacui̱ Ni―, tyaca'a tsa yu 'na. Cua'a̱ jyaca̱ ma̱ ji'i̱ yu re lo'o chcui' yu lo'o ma̱.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN MATEO 26:63

Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

SAN MATEO 1:23

Caca tana sca nu cuna'a̱ nu ntucua ycui' ti, lo'o li' qui'yu caca sñi'; Emanuel ñacui̱ ngu' ji'i̱ cubi' bi'. Jua'a̱ nscua lo quityi, bi' cha' jua'a̱ ngua ji'i̱ María li'. Nu nchcui' ngu' Emanuel ni, ndi'ya̱ nti' ñacui̱ cha' bi': Ndi'i̱ ycui' Ndyosi lo'o na.

SAN MARCOS 12:5

Xa' ngulo xu'na bi' cña ji'i̱ chaca msu, lo'o li' ndyujuii ngu' ji'i̱ nu msu bi'. Tyu̱u̱ tya'a msu cua nda xu'na cña ji'i̱ cha' tsaa squi'ya ngu' si'yu losu' bi', pana ngua'ni lya' tsa ti' nu ñati̱ bi' ji'i̱ ca ta'a msu nu ndyaa slo ngu'. Ntsu'u msu bi' ñaa ngujui'i̱ ti ngu' ji'i̱, lo'o jua'a̱ ntsu'u nu ndyujuii ngu' ji'i̱ tsiya' ti.

SAN MARCOS 12:7

Pana lo'o na'a̱ nu ngu' nu lya' ti' bi' ji'i̱ sñi' ycui' xu'na cña bi', li' nguxana ngu' nchcui' ngu' lo'o tya'a ngu': “Nu jua caca xu'na yaca re nde loo la”, nacui̱ ngu' ji'i̱ tya'a ngu'. “Tso'o la si ca ta'a na cujuii clya na ji'i̱ yu, cha' tyanu yaca re cuentya ji'na tsiya' ti”, nacui̱ ngu'.

3 JUAN 1:1

La cui' nu cusu' Juan laca na'. Nscua na' quityi re cha' ca̱a̱ ca slo nu'u̱, Gayo; jlya ti' nu'u̱ lcaa cha' nu laca ji'i̱ Jesucristo, bi' cha' tso'o tsa ntsu'u tyiquee na' cha' chcui' na' lo'o nu'u̱.