SAN MARCOS 12:5 - Chatino Tataltepec

⁵ Xa' ngulo xu'na bi' cña ji'i̱ chaca msu, lo'o li' ndyujuii ngu' ji'i̱ nu msu bi'. Tyu̱u̱ tya'a msu cua nda xu'na cña ji'i̱ cha' tsaa squi'ya ngu' si'yu losu' bi', pana ngua'ni lya' tsa ti' nu ñati̱ bi' ji'i̱ ca ta'a msu nu ndyaa slo ngu'. Ntsu'u msu bi' ñaa ngujui'i̱ ti ngu' ji'i̱, lo'o jua'a̱ ntsu'u nu ndyujuii ngu' ji'i̱ tsiya' ti.

SAN MARCOS 12:5 Referans Kwoze

SAN LUCAS 6:36

bi' cha' cua'ni tya'na ti' ma̱ ji'i̱ ngu' lacua, ñi'ya̱ nu tya'na ti' ycui' Ndyosi Sti na ji'i̱ ngu'.

SAN MATEO 23:37

’¡Tya'na̱ tsa cu'ma̱ ngu' Jerusalén! Tucui tsa cha' ntsu'u ji'i̱ ma̱. Tya sa'ni la ndyujuii ma̱ ji'i̱ ñati̱ nu ngua'a̱ lo ycui' Ndyosi cña ji'i̱, masi ngujui'i̱ ma̱ quee ji'i̱ ngu' nu laca tu'ba ji'i̱ Ni. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱ cha' ná ca cuxi ji'i̱ ma̱. Ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ ngua ti' na' cua'ni na' lo'o ma̱; pana ná nda ma̱ chacuayá' 'na tsiya' ti.

SAN MATEO 22:6

Lo'o jua'a̱ xi xa' la ñati̱ bi' ni, ndaya' ngu' ji'i̱ msu bi', nxtyí lo'o ngu' ji'i̱ msu bi'; cuati jua'a̱ ntsu'u su ngujui'i̱ ngu' ji'i̱ msu bi' ña'a̱ cuayá' nu ndyujuii ngu' ji'i̱.

SAN MATEO 5:12

Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

SAN MARCOS 12:4

Xa' ngulo xu'na cña ji'i̱ chaca msu cha' tsaa na'a̱ msu bi' ji'i̱ yaca si'yu ji'i̱ yu. Chaca quiya' ngua'ni lya' tsa ti' ngu' bi' ji'i̱ msu nu ndyala slo ngu'. Ngujui'i̱ ndacu̱' ngu' scua' hique msu bi', lo'o jua'a̱ ngu̱ ngu' quee ji'i̱.

SAN MARCOS 12:6

’Chaca tya ñati̱ ndyanu ji'i̱ xu'na cña bi', sca sñi' yu nu tyaca'a tsa ji'i̱ yu laca bi'. Li' nda xu'na cña ji'i̱ sñi' ycui' ca cha' tsaa na'a̱ ji'i̱ nu ngu' nu lya' ti' bi'. “Ná tyiquee' taquiya' ngu' ji'i̱ sñi' na'”, ngua ti' xu'na bi'.