SAN MARCOS 10:51 - Chatino Tataltepec

⁵¹ Li' nchcui' Jesús lo'o nu quicha bi': ―¿Na laca nti' nu'u̱ cha' cua'ni na' lo'o nu'u̱? ―nacui̱ yu ji'i̱. ―Mstru ―nacui̱ nu cuityi̱'―, cua'ni nu'u̱ jo'o 'na, cha' xa' tyaca̱' tso'o xee cloo na' ña'a̱ na' chaca quiya' ―nacui̱ ji'i̱ Jesús.

SAN MARCOS 10:51 Referans Kwoze

SAN MARCOS 10:36

―¿Na laca nti' ma̱ cha' cua'ni na' cuentya ji'i̱ ma̱? ―nacui̱ Jesús ji'i̱ ngu' li'.

SAN MATEO 7:7

’Lo'o chaca cha' ni: jña ma̱ sca cha' ji'i̱ ycui' Ndyosi, lo'o jua'a̱ ta ycui' Ni cha' bi' ji'i̱ ma̱ li'; clyana ma̱ ji'i̱ ycui' Ni, lo'o jua'a̱ quije Ni ji'i̱ ma̱ li'; tyucui tyiquee ma̱ chcui' ma̱ lo'o ycui' Ni, cuna Ni cha' nu chcui' ma̱ lo'o Ni li'.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

SAN MATEO 6:8

Pana, ná chcui' ma̱ jua'a̱, cha' jlo ti' ycui' Ndyosi Sti na cua ña'a̱ ca cha' nu lyiji ji'i̱ ma̱, masi bilya jña ma̱ cha' bi' ji'i̱ Ni.

SAN MATEO 23:7

La cui' jua'a̱, si tyacua tya'a ñati̱ lo'o ngu' bi' nde calle, lo'o chcui' ñati̱ bi' lo'o ngu', na cua'ni chi̱ ñati̱ loo nti' ngu' fariseo bi'; jua'a̱ cua nti' ngu' cha' ñacui̱ ñati̱ ji'i̱, cha' mstru laca ngu'. Jua'a̱ nti' ngu' bi'.

SAN JUAN 20:16

―¡María! ―nacui̱ Jesús ji'i̱ li'. Lo'o li' nguxtyacui María na'a̱ su ndu̱ Jesús. ―¡Raboni! ―nacui̱. (Sca cha' hebreo laca; La Mstru 'na, jua'a̱ nti' ñacui̱ cha' bi'.)

SAN MATEO 23:8

’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN MARCOS 10:50

Li' ngulo nu quicha plee ji'i̱, nxtyanu ji'i̱. Hora ti ndyatu̱ ngusna ndyaa slo Jesús.

LOS HECHOS 23:19

Ntejeya' xu'na sendaru ya' yu cuañi' bi' li', ndyaa lo'o ji'i̱ su ná cuna xa' ñati̱ cha' nu chcui': ―¿Ha ntsu'u sca cha' nu nti' nu'u̱ chcui' lo'o na'? ―nacui̱ xu'na sendaru ji'i̱ yu cuañi' bi' li'.