SAN MARCOS 10:18 - Chatino Tataltepec

¹⁸ ―¿Ni cha' laca nti' nu'u̱ cha' ñati̱ tso'o laca na'? ―nacui̱ Jesús ji'i̱ li'―. Sca ti ycui' Ndyosi laca nu chañi cha' tso'o laca Ni ―nacui̱―.

SAN MARCOS 10:18 Referans Kwoze

SAN LUCAS 18:19

Li' nguxacui̱ Jesús cha' ji'i̱ yu: ―¿Ni cha' laca nacui̱ nu'u̱ cha' tso'o tsa na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni.

SAN MATEO 19:17

Lo'o li' nchcui' Jesús lo'o yu: ―¿Ni cha' nchcui' nu'u̱ cha' tso'o tsa ndu'ni na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni. Pana taquiya' nu'u̱ ji'i̱ lcaa cña nu ngulo ycui' Ndyosi ji'i̱ ma̱, si nti' nu'u̱ caja chalyuu nu ná nga'a̱ cha' tye jinu'u̱.

1 JUAN 4:16

Ngua cuayá' ti' na li', cha' ntsu'u tsa tyiquee ycui' Ndyosi ña'a̱ Ni ji'na; jua'a̱ jlya ti' na li', cha' xcui' ntsu'u tsa tyiquee ycui' Ni ña'a̱ Ni ji'i̱ ñati̱ chalyuu. Lo'o ñati̱ nu jua'a̱ tso'o nti' ña'a̱ ngu' ji'i̱ tya'a ñati̱, nu xcui' jua'a̱ ndu'ni ngu' laja lo'o ndi'i̱ ngu' chalyuu, cua stu'ba ntsu'u tyiquee ngu' bi' lo'o ycui' Ndyosi; la cui' jua'a̱ stu'ba ntsu'u tyiquee ycui' Ndyosi lo'o ngu' bi' li'.

ROMANOS 3:12

Cua ndyu'utsu' lcaa ngu' ji'i̱ tyucui̱i̱ liñi, stu'ba ti ngua cuxi cresiya ji'i̱ lcaa ngu'; ná ntsu'u ni sca ñati̱ nu xcui' cha' tso'o ndu'ni.

1 JUAN 4:8

Pana ñati̱ nu ná ntsu'u tyiquee ña'a̱ ji'i̱ tya'a ñati̱, ná caja ñi'ya̱ nu tyu'u cha' ji'i̱ ngu' bi' lo'o ycui' Ndyosi tsiya' ti, cha' ycui' Ndyosi ni, ntsu'u tsa tyiquee Ni ña'a̱ Ni ji'i̱ ñati̱.

SANTIAGO 1:17

Lcaa cha' xlya'be nu ndyiji ji'na ni, lcaa cha' nu chañi cha' xcui' cha' tso'o laca bi', ca su ntucua ycui' Ndyosi tsiya' ti, ca bi' ngutu'u lcaa cha' bi', la cui' ycui' Ndyosi nu ngüiñá lcaa xee tlyu nu nga'a̱ nde cua̱. Sca ti cuayá' ña'a̱ loo ycui' Ndyosi ña'a̱ Ni ji'na; ná xcutsa'a̱ Ni cha' nu ntsu'u tyiquee Ni ña'a̱ Ni ji'na, cha' ná ntsu'u cha' tya'a̱chu̱' Ni ji'i̱ scaa cha' nu cua nchcui' Ni lo'o ñati̱.

SAN MARCOS 10:17

Tya ndyaa la Jesús tyucui̱i̱ bi', lo'o li' nxna sca nu qui'yu lijya̱ lca'a̱ ji'i̱ Jesús. Ndyatu̱ sti̱' slo Jesús li'. ―Mstru, tso'o tsa ndu'ni nu'u̱ ―nacui̱ ji'i̱ Jesús―. Cacha' nu'u̱ jna', ¿na laca cua'ni na' cha' caja chalyuu nu ná nga'a̱ cha' tye 'na? ―nacui̱ yu.

SAN MARCOS 10:19

Jlo ti' nu'u̱ lcaa cña nu ngulo ycui' Ndyosi ji'i̱ ñati̱ cua sa'ni la: “Ná cujuii ma̱ ji'i̱ tya'a ñati̱ ma̱; ná cua'ni ma̱ cha' suba' lo'o clyo'o xa' ñati̱; ná cuaana ma̱ cha' tso'o nu ntsu'u ji'i̱ tya'a ñati̱ ma̱; ná chcui' ma̱ cuentyu ji'i̱ tya'a ñati̱ ma̱; ná cua'ni ma̱ ngana ji'i̱ tya'a ñati̱ ma̱ cuaana ti; lo'o jua'a̱, cua'ni tlyu ma̱ ji'i̱ sti ma̱, ji'i̱ xtya'a̱ ma̱, taquiya' ma̱ ji'i̱ cha' nu nchcui' ngu' bi'”.