SAN MARCOS 10:1 - Chatino Tataltepec

¹ Lo'o li' ndu'u Jesús quichi̱ Capernaum bi', ndyaa tyijyu' ca xa' quichi̱ nu ntsu'u su cuentya Judea lo'o xa' la quichi̱ nde chaca tsu' sta'a̱ Jordán. Ca bi' ndyu'u ti'i̱ quiña'a̱ tsa ñati̱ slo yu. Nclyu'u Jesús ji'i̱ ngu' li', ñi'ya̱ nu nclu'u ti yu ji'i̱ ñati̱ nde lcaa quichi̱ su ndya'a̱ yu.

SAN MARCOS 10:1 Referans Kwoze

SAN JUAN 10:40

Li' ndyaa Jesús chaca quiya', ndyaa chaca tsu' sta'a̱ Jordán ca su ngutu̱ Juan ntyucuatya ji'i̱ ngu' tya clyo. Nde bi' nguti'i̱ yu, lo'o jua'a̱ ndya'a̱ tsa ngu' slo.

SAN MARCOS 4:2

Li' quiña'a̱ tsa cui̱i̱ nda Jesús lo'o ngu', cha' ca tsa'a̱ ngu' lcaa cha' nu ngua ti' yu culu'u yu ji'i̱ ngu'. Ndi'ya̱ ngua sca cui̱i̱ bi':

SAN JUAN 11:7

Tiya' la, li' nacui̱ Jesús ji'i̱ ñati̱ nu ndyaca tsa'a̱ ji'i̱: ―Tyaa na xtyu̱u̱ na nde loyuu su cuentya Judea ―nacui̱.

SAN MARCOS 6:34

Lo'o ndyalaa yaca ni'i̱ sube ti to' tayu', ndu'u Jesús na'a̱ yu cha' quiña'a̱ tsa ñati̱ ndi'i̱. Lo'o jua'a̱, tya'na tsa ti' Jesús ña'a̱ yu ji'i̱ nu ngu' quiña'a̱ bi'; ngulacua ti' yu cha' ñi'ya nti' xlya' nu ná ntsu'u nu ña'a̱si̱i̱ ji'i̱, jua'a̱ ndya'a̱ nu ñati̱ quiña'a̱ bi', ngua ti' Jesús. Bi' cha' tyiquee' ngulu'u yu quiña'a̱ tsa cha' ji'i̱ ngu' bi'.

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

SAN JUAN 18:20

Li' nguxacui̱ Jesús cha' ji'i̱ sti jo'ó bi': ―Lcua ti se'i̱ su ndya'a̱ na', liñi nchcui' na' lo'o ngu' ña'a̱ cuayá' nu cuna lcaa ñati̱ ―nacui̱ yu―. Masi ne' laa sube ti, masi ne' laa tlyu, lcaa su ndyu'u ti'i̱ ngu' judío, ca bi' ngulu'u na' ji'i̱ ngu'; ni sca quiya' ná nchcui' na' cuaana ti lo'o ngu'.

SAN MARCOS 6:6

Ndube tsa ti' Jesús cha' ná jlya ti' ngu' bi' ji'i̱ tsiya' ti. Lo'o li' tya ndya'a̱ la yu ca xa' quichi̱ sube ti nu ndi'i̱ cacua ti, ngulu'u yu ji'i̱ ngu' ca bi' li'.

SAN MARCOS 2:13

Lo'o li' ndu'u Jesús ndyaa yu ca to' tayu' bi' chaca quiya'. Li' ndyu'u ti'i̱ quiña'a̱ ñati̱ ca slo yu, cha' chaca quiya' nclyu'u yu ji'i̱ ngu'.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN MARCOS 1:21

Lo'o li' ndyalaa ca ta'a ngu' ca quichi̱ Capernaum. Tsa̱ ta'a lo'o ndi'i̱ cña' ngu', li' ndyaa Jesús ne' laa ji'i̱ ngu' cha' culu'u yu ji'i̱ ngu'.

SAN MARCOS 6:2

Ndyatí̱ Jesús ndyaa ne' laa quichi̱ bi' tsa̱ nu ndi'i̱ cña' ngu', tsa̱ ta'a bi'. Li' ngulu'u yu ji'i̱ ngu'. Ndube tsa ti' ngu' nu ndi'i̱ ne' laa bi' lo'o ndyuna ngu' cha' nu nchcui' Jesús lo'o ngu'. ―¿Mala ngua tsa'a̱ yu re lcaa cha' nu nchcui' yu? ―nacui̱ ngu'―. ¿Ñi'ya̱ ngua cha' ngua cuayá' tso'o ti' yu? ¿Ha tii yu? ―nacui̱ ngu'―. ¿Ni cha' laca cha' nchca ji'i̱ yu cua'ni yu cha' tlyu? ―nacui̱ ngu' ji'i̱ tya'a ngu'―.

SAN MARCOS 10:2

Li' ndyalaa xi ngu' fariseo slo yu cha' ngua ti' ngu' bi' tyiji̱loo ngu' ji'i̱ Jesús. Li' nchcuane ngu' ji'i̱ yu: ―¿Ha ntsu'u chacuayá' cuentya ji'i̱ cha' cusu' nu ntsu'u ji'na, cha' xtyanu sca ñati̱ ji'i̱ clyo'o yu? ―nacui̱ ngu' bi' ji'i̱ Jesús.

SAN MARCOS 12:35

Tya ndu̱ Jesús nclyu'u yu ji'i̱ ngu' ne' laa tonu bi'. Li' nchcuane yu ji'i̱ ngu': ―Nchcui' nu mstru cha' jo'ó bi' cha' la cui' ñati̱ tya'a ji'i̱ jyo'o David caca Cristo ―nacui̱ Jesús ji'i̱ ngu'―. ¿Ni cha' laca nchcui' mstru bi' jua'a̱?

SAN MARCOS 14:49

Tyu̱u̱ tsa tsa̱ na'a̱ ma̱ 'na lo'o nga'a̱ na' ne' laa tonu, ngulu'u na' cha' ji'i̱ ycui' Ndyosi ji'i̱ ñati̱, pana ná ntejeya' ma̱ 'na li'. Jlo ti' na' ñi'ya̱ nu ndyaca juani, cha' la cui' ña'a̱ cha' nu nscua lo quityi ji'i̱ ycui' Ndyosi cuentya jna', jua'a̱ ndyaca juani.