SAN MARCOS 1:44 - Chatino Tataltepec

⁴⁴ ―Ni sca ñati̱ ná cacha' nu'u̱ ji'i̱ tilaca laca nu ngua'ni jo'o jinu'u̱ ―nacui̱ Jesús ji'i̱ nu ngua quicha bi'―. Yaa clya nu'u̱ slo sti jo'ó cha' ta nu'u̱ msta̱ ji'i̱ ycui' Ndyosi nu ngua'ni cha' ndyaca tso'o nu'u̱. Ta nu'u̱ msta̱, tsa lo msta̱ nu nacui̱ jyo'o Moisés sa'ni cha' ta na ji'i̱ ycui' Ndyosi lo'o ngua lubii cuaña' na. Jua'a̱ caca cuayá' ti' lcaa ñati̱ cha' cua ndyaca tso'o nu'u̱, nu lo'o ña'a̱ ngu' lo'o xñi sti jo'ó msta̱ nu ta nu'u̱.

SAN MARCOS 1:44 Referans Kwoze

SAN LUCAS 17:14

Nu lo'o na'a̱ Jesús ji'i̱ ngu', li' nacui̱ yu: ―Yaa clya ma̱ slo sti jo'ó cha' ña'a̱ yu ji'i̱ tyucui ña'a̱ ma̱ ―nacui̱. Ndu'u ngu' ndyaa ngu' li'. Pana su ndyaa ngu' tyucui̱i̱ ti, ngua tii ngu' cha' xa' ngua lubii cuaña' ngu'; ndye cha' quicha ngu' li'.

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

1 CORINTIOS 10:11

Lcaa cha' tlyu bi' ngua ji'i̱ jyo'o cusu' bi' nu ngua sa'ni, cha' caja ñi'ya̱ tyi'u ti' xa' ñati̱ nde loo la na laca nu ngua ji'i̱ jyo'o cusu' bi', ni cha' laca ngua ji'i̱ ngu' bi' jua'a̱. Lo'o jua'a̱ tya nscua cha' bi' lo quityi cha' cube ti' na ji'i̱ cha' bi'. Cua ngulala ti tye chalyuu su ndi'i̱ na juani;

ROMANOS 15:4

Lcaa quityi nu nguscua jyo'o cusu' tya sa'ni la ni, nclyu'u quityi bi' ji'na ñi'ya̱ nu caca jatya na ji'i̱ sca cha' nu lijya̱ nde loo la; nda quityi cha' lo'o na ñi'ya̱ xtyucua ycui' Ndyosi ji'na cha' talo tsa tyiquee na laja lo'o ndu̱ ti' na ji'i̱ Ni.

SAN LUCAS 5:14

Lo'o li' nacui̱ Jesús ji'i̱ yu, cha' ná cacha' yu ji'i̱ ñati̱ ñi'ya̱ ngua ji'i̱ yu. Ndi'ya̱ nchcui' lo'o yu: ―Yaa clya nu'u̱ chcui' lo'o sti jo'ó nu ndi'i̱ ne' laa ―nacui̱ Jesús ji'i̱ nu quicha bi'―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Jua'a̱ ca cuayá' ti' ñati̱ lo'o ycui' sti jo'ó cha' cua ngua lubii tyucui ña'a̱ nu'u̱. Nga'aa ca quicha nu'u̱ juani.

SAN MARCOS 1:43

Nu lo'o ngusalya' Jesús lo'o, li' lye nchcui' yu lo'o nu ngua quicha bi' ndi'ya̱:

LOS HECHOS 23:22

Li' ngulo xu'na sendaru cña ji'i̱ yu cuañi' bi', cha' ná cacha' ji'i̱ xa' ñati̱ cha' nu cua nda lo'o sendaru. Li' ngusalya' yu cuañi' bi' lo'o xu'na sendaru, ndu'u ndyaa.