SAN MARCOS 1:22 - Chatino Tataltepec

²² Lo'o ndyuna ngu', li' ndube tsa ti' ngu' ñi'ya̱ cha' nclyu'u Jesús ji'i̱ ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu', si'i ñi'ya̱ nclyu'u mstru nu nclyu'u cha' jo'ó ne' laa.

SAN MARCOS 1:22 Referans Kwoze

SAN MATEO 13:54

Ca tiya' la nu lo'o ndyalaa yu quichi̱ tyi yu, li' ndyatí̱ yu ne' laa ji'i̱ ngu' jua, ngulu'u yu xi ji'i̱ ngu' nu ndi'i̱ ne' laa bi'. Ndube tsa ti' ngu' bi' li': ―¿Mala ngua tsa'a̱ nu qui'yu re lcaa cha' nu nchcui' yu? ―nacui̱ ngu' ji'i̱ tya'a ngu'―. ¿Ñi'ya̱ ngua ji'i̱ yu cha' nchca ji'i̱ yu ndu'ni yu cha' tlyu?

SAN JUAN 7:46

Li' nacui̱ policía: ―Bilya cuna ya nchcui' sca ñati̱ ñi'ya̱ nu nchcui' yu jua.

SAN LUCAS 4:32

Ndube tsa ti' ngu' lo'o ndyuna ngu' cha' tso'o nu nda Jesús lo'o ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu'.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.

LOS HECHOS 6:10

Ná ngua ji'i̱ ngu' cua'ni ngu' ngana ji'i̱ Esteban, cha' cua nda Xtyi'i ycui' Ndyosi juersa ji'i̱ yu cha' caja ñi'ya̱ xtyacui yu cha' lo'o ngu' bi'.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

SAN MARCOS 1:23

La cui' ne' laa bi' nga'a̱ sca nu qui'yu nu ntsu'u cui'i̱ cuxi ji'i̱. Ngusi'ya tsa yu ji'i̱ Jesús li':

SAN LUCAS 2:47

Lcaa ñati̱ nu nga'a̱ cacua ti, ndube tsa ti' ngu' lo'o ndyuna ngu' cua ña'a̱ ca cha' nu nda nu piti bi'; ndube tsa ti' ngu' cha' nchca tsa ji'i̱ yu.