SAN MARCOS 1:2 - Chatino Tataltepec

² Cua sa'ni nguscua jyo'o Isaías nu ngua tu'ba ji'i̱ ycui' Ndyosi ñi'ya̱ nu caca xana cha' re. Ndi'ya̱ nscua cha' bi': Culo na' cña ji'i̱ sca ñati̱ nu caca xca̱ 'na, nacui̱ ycui' Ndyosi ji'i̱ Cristo, cha' tsaa yu nde loo nu'u̱. Bi' laca nu saala tyucui̱i̱ su tsaa nu'u̱, nacui̱ Ni.

SAN MARCOS 1:2 Referans Kwoze

SAN LUCAS 1:76

Lo'o nu'u̱ juani, sñi', nacui̱ yu ji'i̱ nu piti Juan, chcui' ngu' cha' nu'u̱ laca nu ta cui̱i̱ lo'o ñati̱ cuentya ji'i̱ ycui' Ndyosi nu laca loo. Tya'a̱ nu'u̱ ca nde loo la ji'i̱ ycui' nu Xu'na na, cha' quiñi tso'o tyucui̱i̱ su ca̱a̱ ycui'.

SAN MATEO 11:10

Ndi'ya̱ nguscua jyo'o cusu' cua sa'ni la cha' ji'i̱ cña nu ntsu'u ji'i̱ Juan: Culo na' cña ji'i̱ sca msu 'na cha' tsaa yu nde loo nu'u̱, cha' saala yu tyucui̱i̱ su ca̱a̱ nu'u̱. Jua'a̱ nchcui' ycui' Ni ji'i̱ Cristo.

SAN LUCAS 1:70

La cui' jua'a̱ cha' nu nda Ni lo'o ngu' tya'a na tya sa'ni la, cha' cua ngua tyu̱u̱ siyento yija̱ nu nda Ni cha' bi' lo'o jyo'o cusu' ji'na nu ngua tu'ba ji'i̱ ycui' Ndyosi.

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN LUCAS 18:31

Sca se'i̱ ti ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱, cha' tyu'u ti'i̱ ngu' slo yu cha' chcui' yu lo'o ngu': ―Tsaa na nde Jerusalén juani ―nacui̱ yu―, su caca lcaa cña nu nguscua jyo'o cusu' nu ngua tu'ba ji'i̱ ycui' Ndyosi cua sa'ni la, nu nguscua ngu' ji'i̱ cua ña'a̱ ca cha' nu caca 'na, na' nu lijya̱a̱ cha' caca na' ñati̱.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

SAN MATEO 2:5

―Cala bi' nde quichi̱ Belén loyuu su cuentya Judea re ―nacui̱ ngu' ji'i̱―. Ndi'ya̱ nacui̱ quityi ji'i̱ ycui' Ndyosi: