SAN LUCAS 9:7 - Chatino Tataltepec

⁷ Tyempo bi' Herodes naa nu laca gobernador. Cua ngua cuayá' ti' yu lcaa cña nu ngua'ni Jesús, lo'o nu juani nclyacua tsa ti' yu: “¿Ti ñati̱ laca nu Jesús bi'?” Tyu̱u̱ tya'a ngu' nchcui' ngu' cha' cua ndyu'ú jyo'o Juan chaca quiya'.

SAN LUCAS 9:7 Referans Kwoze

SAN LUCAS 9:19

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu' ji'i̱―, lo'o jua'a̱ ntsu'u ngu' nu nchcui' cha' jyo'o Elías laca nu'u̱, jua'a̱ ntsu'u xi xa' la ngu' nu nchcui' cha' nu'u̱ laca sca jyo'o cusu' nu ngua tu'ba ji'i̱ ycui' Ndyosi sa'ni la; cua sa'ni tsa ngujuii ñati̱ bi', pana juani ndyu'ú chaca quiya' nacui̱ ngu' bi'.

SAN LUCAS 3:1

Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

SAN LUCAS 21:25

’Tyu'u tucua cuayá' nu tyaca̱' ña'a̱ ngu' lo cuichaa li', jua'a̱ lo co', la cui' jua'a̱ lo cualya nu ntsu'u nde cua̱. Lo'o li' lye tsa quichi̱ cha' hique ñati̱ chalyuu; cutsi̱i̱ tsa ngu' li', xqui'ya cha' lye tsa cañi ntyiji'i̱ clyoo' lo hitya tyujo'o.

SAN MATEO 11:2

Tya nga'a̱ Juan ne' chcua̱, pana cua ndyuna nu Juan bi' ji'i̱ lcaa ña'a̱ cña nu ndyu'ni Jesús nu laca Cristo; bi' cha' ngulo Juan cña ji'i̱ ngu' nu ndyaca tsa'a̱ ji'i̱, cha' tsaa ngu' bi' slo Jesús,

SAN MARCOS 8:28

―Ntsu'u ngu' nu nchcui' cha' jyo'o Juan nu ntyucuatya ji'i̱ ngu' tya tsubi' la laca nu'u̱ ―nacui̱ ngu'―. Xa' la ñati̱ ni, nchcui' ngu' cha' jyo'o cusu' Elías laca nu'u̱; lo'o xa' la ñati̱ ni, nchcui' ngu' cha' sca jyo'o cusu' nu ngua tu'ba ji'i̱ ycui' Ndyosi sa'ni la laca nu'u̱.

SAN LUCAS 13:31

La cui' tyempo bi' lijya̱ xi tya'a ngu' fariseo cha' chcui' lo'o Jesús: ―Tyaa clya nu'u̱ juani ―nacui̱ ngu' ji'i̱―. Tyu'u nu'u̱ su ndi'i̱ nu'u̱ re, yaa nu'u̱ tyi'i̱ chaca se'i̱, cha' cua nti' rey Herodes cujuii jinu'u̱.

SAN LUCAS 23:7

―La cui' ―nacui̱ ngu'. Li' ndyi'u ti' Pilato cha' ndi'i̱ Herodes quichi̱ Jerusalén tsa̱ bi'. Lo'o nu Herodes ni, laca yu loo loyuu su cuentya Galilea; bi' cha' nda Pilato ji'i̱ Jesús ndyaa slo Herodes bi' li'.