SAN LUCAS 9:48 - Chatino Tataltepec

⁴⁸ Li' nchcui' yu lo'o ngu' ndi'ya̱: ―Lo'o xtyucua ma̱ ji'i̱ cua ña'a̱ ca ñati̱ cuentya jna', masi ñati̱ ñi'ya̱ laca nu piti re, la cui' jua'a̱ na nxtyucua ma̱ jna' laca ―nacui̱ Jesús―. Jua'a̱ ngu' nu tucuá cña jna', lo'o cña ji'i̱ ycui' Ndyosi tucuá ngu' bi' li', cha' ycui' Ni laca nu nda jna' lijya̱a̱ ca slo cu'ma̱. La cui' nu piti la ji'i̱ tya'a ma̱, nu ná ndulo cha' ji'i̱ bi' nti' ma̱, bi' laca nu ndulo la cha' ji'i̱ cuentya jna', nti' na'.

SAN LUCAS 9:48 Referans Kwoze

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

1 PEDRO 5:6

Bi' cha' taquiya' ma̱ ji'i̱ cha' nu nchcui' ycui' Ndyosi nu laca loo tsiya' ti, cha' ná cua'ni tyucuaa ti' ma̱ ji'i̱ tya'a ñati̱ ma̱; cua jlo ti' ycui' Ni ni tsa̱ laca nu lo'o cua'ni Ni cha' caca ma̱ ñati̱ tlyu la.

SAN LUCAS 22:26

Pana cu'ma̱ ni, ná ntsu'u cha' cua'ni ma̱ jua'a̱ lo'o tya'a ma̱. Ndi'ya̱ cua'ni ma̱ tso'o la: nu lo'o nti' ma̱ cha' ndulo la cha' ji'i̱ ma̱ que cha' ji'i̱ tya'a ma̱ ni, li' nga'a̱ cha' cua'ni ma̱ ñi'ya̱ si laca ma̱ nu cuañi' la ji'i̱ tya'a ma̱ ―nacui̱ Jesús ji'i̱ ngu' bi'―. Jua'a̱ cu'ma̱ nu nti' ma̱ culo ma̱ cña ji'i̱ tya'a ma̱ ni, nga'a̱ cha' cua'ni ma̱ cña cuentya ji'i̱ lcaa tya'a ma̱.

SAN JUAN 13:20

Ta na' sca cha' liñi lo'o ma̱ ―nacui̱ yu―. Nu lo'o taquiya' ma̱ ji'i̱ sca ñati̱ nu ta na' cha' tya'a̱ slo ma̱, li' stu'ba laca si taquiya' ma̱ jna'; lo'o taquiya' ma̱ jna', li' stu'ba laca si taquiya' ma̱ ji'i̱ ycui' Ndyosi Sti na' nu nda jna' lijya̱a̱.

SAN LUCAS 10:16

―Ñati̱ nu cua'a̱ jyaca̱ ji'i̱ cha' nu ta cu'ma̱ lo'o, ñi'ya̱ si ndaca'a̱ jyaca̱ ngu' bi' ji'i̱ cha' nu ta na' lo'o ngu' laca; lo'o ñati̱ nu xlyú cha' hichu̱' cu'ma̱, ñi'ya̱ si nxlyú ngu' bi' cha' hichu̱' na' laca. Lo'o jua'a̱ ñati̱ nu xlyú cha' hichu̱' na' ni, na nxlyú ngu' cha' bi' hichu̱' ycui' Ndyosi nu nda jna' lijya̱a̱; jua'a̱ laca cha' ―nacui̱ Jesús ji'i̱ ngu'. Ndu'u ngu' ndyaa ngu' li'.

APOCALIPSIS 3:21

Cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu, ta na' su tyucua ñati̱ bi' ca su ntucua na' cha' laca na loo; cha' jua'a̱ na', cua ntiji̱loo na' ji'i̱ nu xña'a̱ bi', lo'o juani nga'a̱ na' slo ycui' Sti na' su laca Ni loo.

1 TESALONICENSES 4:8

Si'i sca cha' nu nchcui' ñati̱ chalyuu ti laca cha' nu nchcui' na' lo'o ma̱ juani, cha' liñi nu cua nda ycui' Ndyosi lo'o na laca cha' bi'; bi' cha' si ná taquiya' ma̱ ji'i̱ cha' bi', na cua nguxtyanu ma̱ ji'i̱ ycui' Ndyosi nu nda Xtyi'i ycui' Ni cha' tyanu Ni ne' cresiya ji'na.

SAN JUAN 14:21

Lcaa ñati̱ nu chañi cha' ntsu'u tyiquee ngu' ña'a̱ ngu' jna', bi' laca ñati̱ nu cua'a̱ jyaca̱ ji'i̱ lcaa cha' nu chcui' na' lo'o ngu'; taquiya' ngu' bi' ji'i̱ cha' bi' ―nacui̱―. Lo'o ntsu'u tsa tyiquee ngu' ña'a̱ ngu' jna', jua'a̱ Sti na' ntsu'u tyiquee Ni ña'a̱ Ni ji'i̱ ngu' bi' li'. Lo'o na', tso'o tsa caca tyiquee na' ña'a̱ na' ji'i̱ ngu' bi', cuati culu'u na' ji'i̱ ngu' bi' lcaa cha' ñi'ya̱ nu laca ycui' Na'.

SAN LUCAS 22:30

Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

SAN LUCAS 7:28

Tya nchcui' la Jesús lo'o ngu' li': ―Cha' liñi nchcui' na' lo'o ma̱ ji'i̱ Juan nu ntyucuatya ji'i̱ ngu', cha' bilya cala sca ñati̱ chalyuu nu jua'a̱ tlyu tsa cña nu ntsu'u ji'i̱, ñi'ya̱ nu laca ji'i̱ Juan bi'. Pana cua lijya̱ na' cha' caca na' loo ji'i̱ ñati̱, lo'o juani cua ña'a̱ ca ñati̱ nu jlya ti' 'na, tlyu la cha' nu ntsu'u ji'i̱ ngu' bi' que Juan, masi ti'i ti ngu', masi cuañi' ngu' ―nacui̱ Jesús.

SAN MARCOS 9:37

―Lo'o xtyucua ma̱ ji'i̱ sca ñati̱ ñi'ya̱ laca nu piti re xqui'ya na', la cui' jua'a̱ na nxtyucua ma̱ 'na laca ―nacui̱ Jesús―. Lo'o jua'a̱, lo'o ndu'ni ma̱ cña 'na, la cui' jua'a̱ ndu'ni ma̱ cña ji'i̱ ycui' Ni nu cua nda 'na lijya̱a̱ nde chalyuu ―nacui̱ Jesús.

SAN MATEO 25:45

Lo'o na' cha' laca na' loo, li' chcui' na' chaca quiya' lo'o ngu' cuxi bi': “Cha' liñi nchcui' na' lo'o ma̱ juani, cha' ná nguxtyucua ma̱ ji'i̱ ni sca ngu' ti'i nu ntsu'u cha' ji'i̱ lo'o na', bi' cha' nacui̱ na' cha' ná nguxtyucua ma̱ 'na tsiya' ti”.

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN MATEO 19:28

―Cha' liñi nchcui' na' lo'o ma̱ juani ―nacui̱ Jesús ji'i̱ ngu'―, cha' nu lo'o caca chalyuu cucui bi' ni, li' ca̱a̱ na' nu cua nda Ni 'na lijya̱a̱ cha' caca na' ñati̱; tsaa tucua na' ca su tso'o tsa ña'a̱ ca bi', cha' cua'ni cuayá' na' ji'i̱ lcaa ñati̱ chalyuu li'. Lo'o cu'ma̱ nu ndya'a̱ ma̱ lo'o na', tiya' la tyucua ma̱ lo tii tyucuaa tya'a yaca nu tso'o tsa ña'a̱, cha' cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel bi'.

SAN MATEO 18:14

Ñi'ya̱ nu ndu'ni nu xu'na xlya' bi', cha' ná chcuna' ni sca xlya' ji'i̱ yu, la cui' jua'a̱ ndu'ni ycui' Ndyosi Sti ma̱ nu ntucua nde cua̱, cha' ná nti' Ni cha' chcuna' chalyuu ji'i̱ ni tsaca ñati̱ xqui'ya cha' cuxi nu ntsu'u ji'i̱. Ná nti' ycui' Ni tsiya' ti cha' tye cha' ji'i̱ ngu', masi sube tsa ngu' nti' ma̱.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

APOCALIPSIS 21:14

Tii tyucuaa tya'a quee tonu ntsiya quiya' lo'o; jua'a̱ hichu̱' quee bi' cua nscua xtañi nu tii tyucuaa tya'a ngu' nu ngua'a̱loo nu ñi'ya̱ ña'a̱ xlya' bi' cña ji'i̱ ngu', nu cua'ni ngu' cuentya ji'i̱ ycui' Ni.