SAN LUCAS 9:39 - Chatino Tataltepec

³⁹ Ntsu'u tsa̱ nxalú cui'i̱ ji'i̱ yu, ndu'ni bi' cha' cui̱i̱ nxi'ya yu li'; nxasu nu cui'i̱ bi' ji'i̱ yu ña'a̱ cuayá' ndyu'u ngo' tu'ba yu. Cuxi tsa ndu'ni cui'i̱ bi' lo'o yu, cha' ná ntaja'a̱ bi' culaá ji'i̱ yu.

SAN LUCAS 9:39 Referans Kwoze

SAN LUCAS 8:29

Jua'a̱ nacui̱ yu cha' cua ngulo Jesús cña ji'i̱ cui'i̱ xña'a̱ bi', cha' nga'aa xñi cui'i̱ bi' ji'i̱ yu. Tya tsubi' la quiña'a̱ quiya' cua nguxalú cui'i̱ bi' ji'i̱ yu; bi' cha' nguti'i̱ ngu' cua̱ ji'i̱ yu, ndyaaca̱' ya' yu, ndyaaca̱' quiya' yu lo'o cadena chcua̱. Pana ná ngüi'ya yu cuentya ji'i̱ cadena bi', yala ti ngusi'yu cu' chcua̱ bi'. Li' ngujolaqui cui'i̱ xña'a̱ bi' ji'i̱ yu, ngusna yu ca ne' quixi̱' su ná ndi'i̱ ñati̱.

SAN LUCAS 4:35

Ngua'a Jesús cha' ji'i̱ nu quicha li'; ngulo yu cña ji'i̱ cui'i̱ cuxi bi', cha' nga'aa cua'ni cuxi lo'o yu quicha bi'. ―Chca'a̱ ti̱ nu'u̱ ―nacui̱ Jesús―. Nga'aa cua'ni xña'a̱ cui'i̱ lo'o nu'u̱. Li' nguxlyú nu cui'i̱ cuxi bi' ji'i̱ yu quicha nde loo su ndi'i̱ ngu' quiña'a̱ bi'. Lo'o li' ndu'u nu cui'i̱ cuxi bi' ndyaa, nga'aa ngua'ni cuxi lo'o nu quicha bi' li'.

SAN MARCOS 9:26

Ngua'ni bi' cha' cui̱i̱ ngusi'ya nu quicha, xa' lye tsa nguxalú cui'i̱ ji'i̱ nu quicha bi' lo'o ndu'u cui'i̱ ji'i̱ li'. Nclyú nu quicha bi', ntsiya nguliji ti'. Cua quiña'a̱ tsa ngu' na'a̱ ji'i̱. ―Cua ngujuii yu ―nacui̱ ngu' li'.

SAN MARCOS 9:20

Li' ñaa lo'o ngu' ji'i̱ nu quicha slo Jesús. Nu lo'o na'a̱ cui'i̱ cuxi bi' ji'i̱ Jesús, hora ti nguxalú ji'i̱ nu quicha bi'; nclyú lo yuu, nxasu, nxasu, ntyucua ngo' tu'ba li'.

APOCALIPSIS 9:11

Ntsu'u nu laca loo ji'i̱ ni', la cui' nu ntucua tlyu ca ne' tyuquee bi'; Abadón naa nu bi' cha'cña ji'i̱ ngu' judío, lo'o jua'a̱ Apolión naa nu bi' cha'cña ji'i̱ ngu' griego, nu nti' ñacui̱ cha'cña ji'na: ycui' nu ndu'ni ñu'u̱ ji'i̱ chalyuu.

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

SAN MARCOS 9:18

Lcaa se'i̱ su nxalú cui'i̱ cuxi bi' ji'i̱ yu nclyú yu, li' ndyu'u ngo' tu'ba yu; lye ndyacu la'ya yu, lo'o li' lye ndyaca yaca cuaña' yu. Lo'o jua'a̱ cua ndijña na' ji'i̱ nu ngu' nu ndyaca tsa'a̱ jinu'u̱ jua si tyaja'a̱ ngu' cha' culo ngu' ji'i̱ cui'i̱ cuxi nu ntsu'u ji'i̱ nu quicha re. Pana ná ngua ji'i̱ ngu' ―nacui̱ sti nu quicha bi' li'.

SAN LUCAS 9:38

Ndi'i̱ sca nu qui'yu laja ñati̱ quiña'a̱ bi' nu cui̱i̱ nchcui' lo'o Jesús: ―Mstru ―nacui̱ yu ji'i̱―, cua'ni cha' tso'o ña'a̱ nu'u̱ xi ji'i̱ sñi' na', cha' sca ti bi' laca sñi' na' nu ntsu'u 'na.

SAN LUCAS 9:40

Bi' cha' lye tsa ndijña na' ji'i̱ nu ngu' nu ndyaca tsa'a̱ jinu'u̱ cha' culo ngu' ji'i̱ cui'i̱ cuxi nu ngusñi ji'i̱ sñi' na', pana ná ngua ji'i̱ ngu' culo ngu' ji'i̱ tsiya' ti.