SAN LUCAS 9:38 - Chatino Tataltepec

³⁸ Ndi'i̱ sca nu qui'yu laja ñati̱ quiña'a̱ bi' nu cui̱i̱ nchcui' lo'o Jesús: ―Mstru ―nacui̱ yu ji'i̱―, cua'ni cha' tso'o ña'a̱ nu'u̱ xi ji'i̱ sñi' na', cha' sca ti bi' laca sñi' na' nu ntsu'u 'na.

SAN LUCAS 9:38 Referans Kwoze

SAN JUAN 4:47

Lo'o cua ndyuna nu laca cña bi', cha' ngutu'u Jesús loyuu su cuentya Judea ndyalaa yu sca quichi̱ cacua ti su ndi'i̱ nu cusu' bi', la cui' nde loyuu su cuentya Galilea, li' ndyaa nu cusu' bi' slo Jesús. Ndijña tsa cha' clyu ti' ji'i̱ Jesús cha' tsaa yu quichi̱ tyi nu cusu' bi', cha' tsaa yu cua'ni yu jo'o ji'i̱ nu piti quicha bi', cha' cua cajaa ti.

SAN LUCAS 7:12

Lo'o cua ndyalaa ngu' ca to' quichi̱ bi', li' na'a̱ ngu' cha' ndyaa lo'o ngu' quichi̱ bi' ji'i̱ sca jyo'o cha' cua tyatsi'. Sñi' sca nu cuna'a̱ ti'i laca jyo'o bi'; cua ndyanu ma' ycui' ti ma' nu lo'o ngujuii sñi' ma', cha' nu sca ti sñi' qui'yu ma' laca yu nu ngujuii bi'. Tyu̱u̱ tsa tya'a ngu' quichi̱ bi' ndya'a̱ ngu' lo'o ma'.

SAN MATEO 15:22

Lo'o li' ñaa sca nu cuna'a̱ ca tyi quichi̱ bi' slo Jesús, ngusi'ya tsa nu cuna'a̱ bi' ji'i̱ Jesús li': ―Cua'ni tya'na ti' nu'u̱ 'na, Xu'na ―nacui̱ nu cuna'a̱ bi' ji'i̱ Jesús―. Nu'u̱ nu laca la cui' ñati̱ tya'a ji'i̱ jyo'o cusu' David, cua'ni nu'u̱ sca cha' tso'o lo'o na'. Nxalú tsa cui'i̱ ji'i̱ sñi' na'.

SAN LUCAS 9:37

Ca chaca tsa̱ nu lo'o ngua'ya ngu' sii' ca'ya bi', tyu̱u̱ tsa tya'a ngu' ndyaa ngu' ndyacua tya'a ngu' lo'o Jesús.

SAN LUCAS 9:39

Ntsu'u tsa̱ nxalú cui'i̱ ji'i̱ yu, ndu'ni bi' cha' cui̱i̱ nxi'ya yu li'; nxasu nu cui'i̱ bi' ji'i̱ yu ña'a̱ cuayá' ndyu'u ngo' tu'ba yu. Cuxi tsa ndu'ni cui'i̱ bi' lo'o yu, cha' ná ntaja'a̱ bi' culaá ji'i̱ yu.