SAN LUCAS 9:35 - Chatino Tataltepec

³⁵ Li' nguañi xtyi'i sca ñati̱, pana hora ti ngua cuayá' ti' ngu' cha' nchcui' ycui' Ndyosi laja coo bi'. ―La cui' yu re laca Sñi' na'; tyaca'a tsa yu 'na ―nacui̱ Ni―. Cua'a̱ jyaca̱ ma̱ ji'i̱ cha' nu chcui' yu re lo'o ma̱ ―nacui̱ Ni.

SAN LUCAS 9:35 Referans Kwoze

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

HEBREOS 5:9

Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na.

HEBREOS 3:15

Ndi'ya̱ nchcui' ycui' Ndyosi cha' nu nscua lo quityi bi': Juani ti cua'a̱ jyaca̱ ma̱ ji'i̱ cha' nu ta na' lo'o ma̱: Nga'aa tyu'u cha' cuxi tyiquee ma̱ ña'a̱ ma̱ 'na chaca quiya', nga'aa cua'ni ma̱ ñi'ya̱ ngua'ni jyo'o cusu' ji'i̱ ma̱ tsaca quiya' tya sa'ni la; nu ngua li' lye tsa ngusu̱u̱ tya'a ngu' lo'o na'.

HEBREOS 2:3

La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

SAN JUAN 3:16

’Ntsu'u tsa tyiquee ycui' Ndyosi ña'a̱ Ni ji'i̱ ñati̱ chalyuu, bi' cha' cua nda ycui' Ni jna' nu laca̱ Sñi' ycui' ca Ni lijya̱ na' chalyuu. Ná tsaa ñati̱ ca bilyaa si xñi ngu' cha' jna', nu laca̱ sca ti Sñi' ycui' Ndyosi; caja chalyuu tso'o ji'i̱ ngu' bi', chalyuu nu ná nga'a̱ cha' tye ―nacui̱ Jesús―.

SAN MATEO 12:18

Ña'a̱ ma̱ ji'i̱ msu 'na nu cua ngusubi na' ji'i̱, nacui̱ ycui' Ni. Tyaca'a tsa bi' jna', lo'o tso'o tsa ntsu'u tyiquee na' ña'a̱ na' ji'i̱ yu bi'. Cua'ni na' cha' ca'ya Xtyi'i ycui' na' lo yu bi', cha' chcui' yu lo'o lcaa ñati̱, masi si'i ngu' judío laca ngu'. Culu'u yu ji'i̱ ngu' ñi'ya̱ laca cha' liñi nu ndu'ni na' lo'o ñati̱, nacui̱ ycui' Ndyosi.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN LUCAS 9:34

Tya nchcui' yu, lo'o li' ñaa sca coo nu ngüixi̱i̱ hichu̱' ngu'. Lye tsa ndyutsi̱i̱ ngu' su ntsu'u ngu' ne' coo bi', cha' lye tsa ña'a̱ coo bi'.

SAN JUAN 12:28

Li' nchcui' Jesús lo'o ycui' Ndyosi Sti yu: ―Sti na', tso'o la si caca tlyu ycui' nu'u̱. Li' nguañi nchcui' ycui' Ndyosi nde cua̱. Ndi'ya̱ nchcui' Ni: ―Cua laca ndu'ni tlyu ngu' ji'i̱ ycui' ca na', lo'o jua'a̱ tya caca tlyu la na' chaca quiya' xqui'ya nu'u̱.