SAN LUCAS 9:3 - Chatino Tataltepec

³ Li' nchcui' Jesús lo'o ngu' bi': ―Ná sca na ná cui'ya ma̱ tsaa ma̱ tyucui̱i̱ ―nacui̱ yu ji'i̱ ngu'―, ni yaca xca̱, ni cuiji̱, ni tyaja, ni cñi, ná cui'ya lo'o ma̱ ji'i̱. Sca ti camxa nu ntsu'u ti ma̱ cui'ya ma̱ tsaa ma̱, ná cui'ya ma̱ chaca.

SAN LUCAS 9:3 Referans Kwoze

SAN LUCAS 22:35

Li' nchcuane Jesús ji'i̱ ngu': ―Nu lo'o ngulo na' cña ji'i̱ ma̱ cha' tsaa ma̱ xa' quichi̱ nu ná lo'o cujui̱ cñi ji'i̱ ma̱, ná lo'o xa' cujui̱, ná lo'o caña ji'i̱ ma̱, ¿ha ntsu'u na nu lyiji ji'i̱ ma̱ li'? ―Ná sca na lyiji ji'i̱ ya li' ―nguxacui̱ ngu' cha' ji'i̱.

2 TIMOTEO 2:4

Sca ti cña sendaru caca cua'ni sendaru; ná caca cua'ni yu xi xa' lo cña, si nti' yu cha' ca tso'o tyiquee xu'na yu lo'o yu, cha' bi' laca nu cua ngusubi ji'i̱ yu cha' caca yu sendaru.

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

SAN LUCAS 3:11

Li' ngulu'u Juan ji'i̱ ngu': ―Nde laca cña nu cua'ni ma̱ ―nacui̱ Juan―. Si ntsu'u tucua tya'a camxa ji'i̱ sca ma̱, ta ma̱ tsaca ji'i̱ sca ñati̱ ti'i nu ná ntsu'u ji'i̱ tsiya' ti; si ntsu'u na cacu ma̱, li' sa'be ma̱ xi cha' ta ma̱ xi cacu ñati̱ nu ná ntsu'u tsiya' ti ji'i̱ ―nacui̱ Juan ji'i̱ ngu'.

SAN LUCAS 12:28

La cui' jua'a̱ lo'o quii nu ndi'i̱ ne' quixi̱' jua juani, ndyaluu quii bi' tso'o ti; pana chaca tsa̱, li' nga'aa tyaca̱' cha' cua ndyaqui̱. Ycui' Ndyosi ndu'ni cha' tso'o tsa ña'a̱ quii; jua'a̱ cu'ma̱ ni, chañi cha' ta ycui' Ni late' cacu' ma̱, masi xti tsa cha' jlya ti' ma̱ ji'i̱ Ni.

SAN LUCAS 5:29

Tiya' la li' ngua'ni Leví sca ta'a tlyu ca to' tyi yu, cha' cua'ni chi̱ yu loo Jesús. Lo'o jua'a̱ ndyalaa tyu̱u̱ tya'a ngu' slo, tya'a ndyu'ni Leví cña nclyo cñi cña loo ñati̱; jua'a̱ ndi'i̱ xi xa' la ñati̱.

SAN MARCOS 6:7

Lo'o li' ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱ bi', cha' chcui' yu lo'o ngu'. Ngulo yu cña ji'i̱ ngu' bi', cha' tyu'u ngu' tsaa ngu' cuentya latya ti ngu'; stu'ba ti tsaa tucua tya'a ngu' scaa quichi̱. Li' nda Jesús chacuayá' ji'i̱ ngu' cha' culo ngu' ji'i̱ cui'i̱ cuxi nu ntsu'u ji'i̱ ñati̱.

SAN LUCAS 9:4

Cua ña'a̱ ca toni'i̱ su tyalaa ma̱ ni, ca bi' tyanu ma̱ hasta ña'a̱ cuayá' nu tyu'u ma̱ quichi̱ bi' tyaa ma̱ li'.