SAN LUCAS 9:22 - Chatino Tataltepec

²² ―Na' nu cua nda Ni 'na lijya̱a̱ cha' caca na' ñati̱ ―nacui̱ Jesús―, nscua cha' lye tsa xcube' ngu' jna'. Lo'o la cui' ti xtyanu ti'i̱ ngu' cusu' jna'; lo'o ngu' nu laca loo, lo'o ngu' mstru cha' jo'ó, xtyanu ti'i̱ ngu' jna'. Nga'a̱ cha' cujuii ngu' 'na; pana lo'o tyu'u scua sna tsa̱, li' tyu'ú na' chaca quiya' ca su ntsiya na' cha' nguatsi' na'.

SAN LUCAS 9:22 Referans Kwoze

SAN LUCAS 24:7

Cua nacui̱ yu cha' ycui' nu lijya̱ cha' caca yu ñati̱ ni, nga'a̱ cha' ta ngu' ji'i̱ yu ya' ngu' xña'a̱, cha' cujui'i̱ ca'a̱ ngu' ji'i̱ yu lo crusi. Lo'o chu̱' sna tsa̱, li' tyu'ú yu chaca quiya' nacui̱ yu.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

1 PEDRO 1:11

Xtyi'i ycui' Cristo ngulu'u lcaa cha' ji'i̱ ngu' bi', ñi'ya̱ nu caca ji'i̱ ycui' Cristo nde loo la, ñi'ya̱ nu chcube' yu nde loyuu chalyuu, ñi'ya̱ nu tlyu tsa cha' tso'o nu caca ji'i̱ yu lo'o tyaa yu ca slo ycui' Ndyosi chaca quiya'. Lo'o li' ngulana tsa nu ngu' jyo'o bi', cha' quije cha' ji'i̱ ngu' tilaca caca nu Cristo bi', ni tsa̱ tyu'u tucua yu nde chalyuu.

SAN MARCOS 9:31

cha' nti' Jesús culu'u la ji'i̱ nu ngu' nu ndyaca tsa'a̱ ji'i̱ laja lo'o ndya'a̱ ycui' ti ngu'. ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Cujuii ngu' bi' jna' li'. Pana lo'o tyu'u scua sna tsa̱ tya lo'o cua ndyujuii ngu' 'na, li' tyu'ú na' chaca quiya' ―nacui̱ Jesús.

SAN MARCOS 8:31

Lo'o li' nguxana Jesús ngulu'u yu ji'i̱ ngu' ndi'ya̱: ―Ntsu'u cha' ca̱a̱ quiña'a̱ tsa cha' ti'í nu caca ji'i̱ ycui' na', masi ycui' Ndyosi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Nde loo la chcui' tsa ngu' cuentyu jna'; lo'o nu ngu' cusu', lo'o sti jo'ó nu laca loo, lo'o mstru cha' jo'ó ni, lcaa ngu' bi' chcui' ngu' cha' nu cuiñi laca na'. Lo'o jua'a̱ cujuii ngu' jna' li'; pana lo'o tyu'u scua sna tsa̱, li' tyu'ú na' chaca quiya'.

SAN MATEO 17:12

Pana cha' liñi cacha' na' ji'i̱ ma̱ juani cha' cua ñaa nu laca Elías; ná ndyuloo ngu' ji'i̱, bi' cha' cua ngua'ni cuxi ngu' lo'o. Lo'o jua'a̱ xcube' ngu' jna' nu cua nda Ni 'na lijya̱a̱ cha' caca na' ñati̱.

1 CORINTIOS 15:4

Li' nguxatsi' ngu' ji'i̱ jyo'o bi' ne' cuaá; pana lo'o ndu'u scua sna tsa̱, li' ndyu'ú yu chaca quiya'. Cua ndacha' liñi quityi cusu' tya clyo la cha' jua'a̱ caca ji'i̱ nu Cristo bi'.

SAN LUCAS 24:26

¿Ha si'i na cua ntsu'u cha' chcube' nu laca Cristo bi' ñi'ya̱ nu ngua juani? Tiya' la li' tyalaa Cristo su tso'o tsa ña'a̱ su tyucua ycui' li'.

SAN MATEO 17:22

Lo'o li' tya ndya'a̱ ngu' xi loyuu su cuentya Galilea, nu Jesús lo'o ngu' nu ndyaca tsa'a̱ ji'i̱. Laja lo'o ndya'a̱ ngu' nchcui' Jesús lo'o ngu' bi': ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱;

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN LUCAS 17:25

Pana clyo nscua cha' lye tsa chcube' ycui' na'. La cui' jua'a̱ ngu' tya'a quichi̱ tyi na xtyanu ti'i̱ ngu' 'na.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.