SAN LUCAS 8:8 - Chatino Tataltepec

⁸ Chaca ycu' si'yu bi' ndyú su tso'o tsa yuu; tso'o tsa nguluu calya bi', quiña'a̱ tsa si'yu ngutu'u lo ju̱u̱ bi' li'. Su ndyataa sca ti milya si'yu, ca bi' tso'o tsa ngutu'u hasta sca siyento tya'a milya si'yu li'. Lo'o ndye nda Jesús cha' bi' lo'o ngu', li' cui̱i̱ tsa nchcui' yu ndi'ya̱: ―Cua'a̱ jyaca̱ ma̱ si nti' ma̱ cuna ma̱ cha' tso'o nu nchcui' na' lo'o ma̱.

SAN LUCAS 8:8 Referans Kwoze

SAN MATEO 11:15

Cua'a̱ jyaca̱ tso'o ma̱ ji'i̱ cha' nu nda na' re lo'o ma̱.

APOCALIPSIS 2:11

Cua'a̱ jyaca̱ ma̱ ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱ xi: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; ná sca caca ji'i̱ ngu' bi' tsiya' ti tsa̱ bi', nu lo'o culo ycui' Ndyosi cña ji'i̱ ñati̱ cuxi nu ntsu'u ca bilyaa cha' tyaa ngu' nde chalyuu talya, nacui̱ Jesús.”

APOCALIPSIS 2:7

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”

SAN MARCOS 4:20

Ndi'ya̱ ndyu'u cha' ji'i̱ yuu tso'o su ndyalú si'yu: lo'o ntyucua si'yu, li' tso'o tsa nguluu calya, ngutu'u tsa si'yu lo li'; jua'a̱ laca ñati̱ nu ndyuna cha' tso'o bi', lo'o li' tso'o tsa ndaquiya' ngu' ji'i̱ cha' bi'. Ntsu'u yuu su nda sca ti ju̱u̱ trigo hasta calaa tyii tya'a si'yu, lo'o jua'a̱ ntsu'u yuu su ndyu'u snayala tya'a si'yu lo sca ti ju̱u̱, lo'o jua'a̱ ntsu'u yuu su ndyu'u hasta sca siyento tya'a si'yu lo sca ti ju̱u̱.

SAN MARCOS 4:8

Lo'o jua'a̱ ndyalú xi si'yu lo yuu tso'o. Ntyucua tso'o si'yu bi'; tso'o tsa nguluu calya, lo'o li' tso'o tsa ngutu'u si'yu lo ju̱u̱ bi'. Ntsu'u ju̱u̱ nu nda calaa tyii tya'a si'yu lo, lo'o jua'a̱ ntsu'u ju̱u̱ nu nda snayala tya'a si'yu, lo'o jua'a̱ ntsu'u ju̱u̱ nu nda sca siyento tya'a si'yu sca ti ju̱u̱.

SAN MATEO 13:23

Lo'o jua'a̱ si'yu nu ndyalú su ntsu'u yuu tso'o ni, bi' laca ñi'ya̱ laca ngu' nu cua ndyuna cha' tso'o bi', lo'o nchca cuayá' ti' ngu' cha' bi'; xcui' na ndaquiya' ngu' ji'i̱ cha' bi', lo'o li' tso'o tsa cha' nu tyu'u ne' cresiya ji'i̱ ngu' bi'. Lo'o jua'a̱ laca ngu' bi' ñi'ya̱ laca yuu tso'o bi'. Ntsu'u sca ti ju̱u̱ trigo nu nda hasta sca siyento tya'a si'yu, lo'o jua'a̱ ntsu'u ju̱u̱ nu nda snayala tya'a si'yu, lo'o jua'a̱ ntsu'u ju̱u̱ nu nda calaa tyii tya'a si'yu.

SAN LUCAS 8:15

Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.

COLOSENSES 1:10

Lo'o li' lcaa tsa̱ lo'o ndya'a̱ ma̱ chalyuu taca cua'ni ma̱ cña, cua ña'a̱ ca cña nu nti' ycui' Ndyosi cha' cua'ni ma̱; taca cua'ni ma̱ lcaa lo cña tso'o cuentya ji'i̱ ycui' Ndyosi li', lo'o jua'a̱ taca ca cuayá' la ti' ma̱ ñi'ya̱ ndyu'u lcaa cha' ji'i̱ Ni.

EFESIOS 2:10

Na cua ngüiñá Ni ji'i̱ ca ta'a na, cua ngua'ni stu'ba Ni cha' ji'na lo'o Jesucristo; juani cua nti' Ni cha' xcui' cha' tso'o ti cua'ni na lo'o ndi'i̱ na chalyuu, cha' cua laca nda Ni cña tso'o nu taca cua'ni sa scaa na nde chalyuu.

SAN MARCOS 4:23

Cua'a̱ jyaca̱ ma̱ xi ji'i̱ cha' nu nchcui' na' lo'o ma̱ juani, si chañi cha' ntaja'a̱ ma̱ cuna̱ ma̱ cha' tso'o bi'.

SAN MARCOS 7:16

Lcaa ma̱ nu nti' cuna ma̱, cua'a̱ jyaca̱ tso'o ma̱ ji'i̱ cha' bi' juani ―nacui̱ Jesús ji'i̱ ngu'.

SAN LUCAS 8:7

Chaca ycu' si'yu bi' ndyú su ndu̱ yaca quiche' nquicha'; li' yala la ntyucua nu yaca quiche' bi', ña'a̱ cuaya' nga'aa nda tyempo caluu calya trigo bi' tsiya' ti.

SAN LUCAS 14:35

Ná tso'o tsiya' ti, ni cha' salú na ji'i̱ lo yuu cha' xtyucua ji'i̱ yuu, ná tso'o; masi quixa' na ji'i̱ lo'o yuu cataa, ná tso'o tsiya' ti, bi' cha' nga'a̱ cha' xcua̱a̱ na ji'i̱ ―nacui̱ Jesús―. Cua'a̱ jyaca̱ tso'o ma̱ ji'i̱ cha' nu nda na' lo'o ma̱, si tyaja'a̱ ma̱ cuna ma̱ ―nacui̱ Jesús ji'i̱ ngu'.

APOCALIPSIS 3:6

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱, nacui̱ Jesús.”

APOCALIPSIS 3:13

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱, nacui̱ Jesús.”

APOCALIPSIS 13:9

Bi' cha' cua'a̱ jyaca̱ ma̱ juani, si tyaja'a̱ ma̱ cuna ma̱ xi.